اۋادى دا تۇرادى، اڭسارىم-اي!
ءالى سەن ەسىمدەسىڭ، ارشالى ساي.
سول ءتۇنى نەگە مەنى ولتىرمەدىڭ؟
سول ءتۇنى ريزا ەدىم السا قۇداي.
سەن كۋا، ارشالى ساي،
سول ءتۇنى مەن،اققۋعا تۇزاق سالىن، ءولتىرىپ ەم.
سول ءتۇنى نەگە مەنى اياپ قالدىڭ؟
جاڭادان اۋىزدانعان بولتىرىك ەم.
(بولتىرىك ەم، ارلان بوپ اياقتاندىم.)
شىرىلداپ سوندا سەنى وياتقان كىم؟
ەسىڭدە مە،كوز جاسى...
جالىنىشتى ءۇن؟..
سول ءتۇنى نەگە مەنى اياپ قالدىڭ؟!
قارا ءتۇننىڭ ىشىندە، قارا باقتىڭ،
اتار تاڭ، كەلەر كۇنگە قاراماپپىن.
تاعدىردىڭ ءوزى بەرگەن ماحابباتتى،
تارك ەتىپ، ماڭگىلىككە جارالاپپىن...
ارشالى ساي!
نەعىلعان كوركەم ەدىڭ!
سول ءتۇنى نەگە مەنى ورتەمەدىڭ؟
سول ءتۇننىڭ قيامەتىن ەسىمە السام،
سەنەن دە، وزىمنەن دە جيىركەنەمىن.

---