شالدىڭ ءۇش بالاسى
كۇندەردە ءبىر كۇن ەرتەدە ءبىر شال بولىپتى. شالدىڭ ءۇش ۇلى بار ەكەن. ءبىر كۇنى شال ءۇش بالاسىن قاسىنا الىپ وتىرىپ سۇراپتى: «قورامدا سان جەتپەيتىن مالىم بار. ساندىعىمدا سان جەتپەيتىن التىن بار. مەن ولگەندە، مەنى قالاي قىلىپ كومەسىڭدەر؟» - دەپ سۇراعان.
كوپ كىدىرمەي-اق بالالارى كوڭىلىندەگى بارىن ايتادى.
- وي، مەن سەنى جىبەككە وراپ اق جۋىپ، ارۋلاپ، شاقىرماعان ەل قالدىرماي، باسىڭا مىڭداپ قوي، جۇزدەپ جىلقى شىعارام، - دەگەن ۇلكەن بالاسى. ونان سوڭ ورتانشى بالاسىنا: «سەن مەن ولگەندە قالاي قىلىپ كومەسىڭ؟» - دەگەن شال.
- وي، مەن سەنى قادىرلەپ، باسىڭا وسى مالدىڭ ءبارىن شىعارام، اتاعىڭدى جەر جۇزىنە ولگەن كۇنى شىعارىپ، ەل شاقىرىپ، اس بەرەم، ۇستىڭە كۇمبەزدەن مولا سالدىرام، باسىڭا اتىڭدى جازدىرىپ كوك تاس قويعىزام، - دەيدى ورتانشى بالاسى. ونان سوڭ «ولگەندە مەنى قالاي قىلىپ كومەسىڭ؟» - دەپ سۇراعان كىشى بالاسىنان شال. ءبىراز ويعا قالىپ وتىرىپتى دا: «سەنىڭ ءولۋىڭ بىلەدى، مەنىڭ كومۋىم بىلەدى»، - دەگەن كىشى بالاسى.
كوپ كەشىكپەي ءبىر جىلى مىقتى اشارشىلىق بولىپ، ەل جۇتاپ، اشارشىلىقتان جۇرت تەگىس قىرىلعان، سوندا الگى بايدىڭ تىگەرگە تۇياق مالى قالماي جۇتاعان. ەكى ۇلكەن بالاسى اشتان ءولىپ، بار مال-جانىنان شال ايىرىلىپ، جالعىز كەنجە بالاسى قالىپتى. ءبىر كۇنى شال اۋىرىپ قازا تاپقان.
كەنجە بالاسى ۇستىندەگى شەكپەنىنە وراپ، جەر وشاققا كومۋگە-اق شاماسى كەلىپتى.
You Might Also Like
-
ەلىمىزدىڭ ورتاسىندا جەتىدە ءبىر، ەندى ەكى بولاتىن بازارىمىز بار (بولاتىن) ەدى. اناۋ كۇنگى الاساپىراندا دۇكەننەن قانت، شاي الىپ شىقسام، ءبىزدىڭ ماقاش سوعىلقاسىندا تامىر - سوقىر يۆان بار، تورى شولاعىنا...
-
اناشىم، مەن عوي كەلگەن. ەش الاڭداما، ساباقتان شىعىپ كەلدىم. ءسىز مەنى ۋايىمداعان بولارسىز. اكەلەر دە انالار سياقتى ۋايىمداي ما ەكەن؟ بىلمەيمىن، ءبىراق وتكەندە ءاليدىڭ “مەكتەپكە بارماسام ان...
