InfoHub Logo

قازاقستان پرەزيدەنتى جاستارعا بەرگەن سۇحباتىندا تابىسقا جەتۋ جاڭا تەحنولوگيالاردى يگەرۋگە جانە ولاردى ءوزىمىز ازىرلەۋگە بايلانىستى ەكەندىگىنە دە توقتالعان بولاتىن. ەلباسىمىز ءوز سوزىندە: «نەلىكتەن ءبىز يندۋستريالاندىرۋمەن اينالىسىپ جاتىرمىز؟ بىزدە پايدالى قازبالار بار، ءبىراق ونىڭ ءبارى كۇندەردىڭ كۇنىندە تاۋسىلادى. مۇناي مەن گاز ەسەبىنەن وركەندەگەن ەلدەر بار، مىسالى، ومان. ولاردىڭ مۇنايى تاۋسىلدى، ءبىراق وعان دەيىن قامدانىپ، باسقا يندۋستريا قۇرىپ ۇلگەردى. پايدالى قازبالارى از بولسا دا گۇلدەنگەن ەكونوميكاسى بار وڭتۇستىك كورەيا، شۆەيساريا، سينگاپۋر سەكىلدى ەلدەردى مىسالعا كەلتىرۋگە بولادى. بۇل ەلدەر ءبىلىمنىڭ ەسەبىنەن دامۋدا. ءبىزدىڭ ەلدىڭ جالپى ىشكى ءونىمىنىڭ 53 پايىزى قىزمەت كورسەتۋ سالاسىنا تيەسىلى. بولاشاق ءىرى كاسىپورىنداردا ەمەس، تەحنولوگيالاردا، – دەدى مەملەكەت باسشىسى.

بۇعان مىسال كەلتىرەر بولساق اقپارات قۇرالدارىنداعى دەرەكتەر بويىنشا اقش-تىق Apple فيرماسى باسقا ونىمدەرىن ەسەپتەمەگەندە، ءبىر عانا ايفون تەلەفونىن جىلىنا ورتاشا 250 ميلليون دانا ساتادى ەكەن. ءاربىر تەلەفوننان شامامەن 500 اقش دوللارى تابىس تۇسىرەتىن كورىنەدى. ەندى 250 ميلليوندى 500-گە كوبەيتسەڭىز الدىڭىزعا وتە، وتە قوماقتى سوما شىعادى. كوپ شيكىزاتتى تالاپ ەتپەيتىن كولەمى شاعىن عانا ونىمنەن وسىنشاما تابىس تۇسىرۋدە. ال ەندى شيكى زاتتاردىڭ كولەمى مەن باعاسىن سالىستىرار بولساق، مۇناي 2015 جىلى شامامەن بارەلى 50-60 اقش دوللارى، گازدىڭ 1000 كۋب مەترى شامامەن 300 اقش دوللارى، بيدايدىڭ تونناسى شامامەن 200-300 اقش دوللارى. ايىرماشىلىق جەر مەن كوكتەي دەرلىك. ءبىزدىڭ دە الەمدە اتى شىققان وندىرۋشىلەرگە باسەكەلەس بولا الاتىنداي ءتىپتى وزىپ شىعاتىنداي تەحنولوگيالارعا جەتۋىمىز كەرەك. عىلىمدا، تەحنولوگيادا ىلگەرىلەپ وتانىمىزدىڭ ەكونوميكاسىنىڭ گۇلدەنۋىنە ات سالىسۋىمىز قاجەت. ءاربىر ازاماتىمىز دا تەحنيكا، قۇرىلىس زاتتارى، ازىق-تۇلىك سەكىلدى قاجەتتىلىكتەردەن سىرتقى ونىمدەردى ەمەس، وتاندىق ونىمدەردى تۇتىنۋىنىڭ ءوزى دە وتاندىق كاسىپورىندارعا، ءوز ەلىمىزگە قولداۋ بولىپ تابىلادى.  

---