شىعارماشىلىق ادامىنا تىلەك
جايشىلىقتا دارىندى ەردى بىلمەيسىز،
كەيدە كوزگە ىلەمىز دە، ىلمەيمىز.
ءومىر ءوتىپ، ەل ەسكەرىپ جاتسا ەگەر،
سوندا عانا قاسىمىزدا ءجۇر دەيمىز.
جۇرەگىندە سيمفونيا ويناعان،
ال ميىندا مىڭ ماسەلە قايناعان –
ساعان بۇگىن كەلىپ وتىر قاۋمالاپ،
ونەر دەگەن رۋلاسىڭ – اينالاڭ!
ەلگە تاراپ جاتىر قانشا جازعانىڭ،
ءان دە بولىپ، ءانشى دە بوپ مازدادىڭ.
سازگەر دە ءبىر – كەنشى، تاۋدى قوپارعان!
قازىنا بوپ ەلگە جەتسىن قازعانىڭ!
* * *
مەن بۇرىن سىرتتاي عانا تانۋشى ەدىم،
عيبرات مىنەزىڭنەن الۋشى ەدىم.
قولداعان قىزىر اتا ازامات دەپ،
سوڭىڭنان ۇزاق قاراپ قالۋشى ەدىم.
سىيلاستىق كەيىنىرەك وزىڭىزبەن،
اقىلدى نۇر توگىلدى كوزىڭىزدەن!
تاعدىر بىرتە-بىرتە تارتا بەردى،
سويلەمى ءبىر قارالىق سوزىڭىزبەن!
سوزىڭمەن تانىستىم دا قۇلاي بەردىم،
ءتورت جاعى تۇگەل بەينە قۇداي كوردىم:
بويىندا بار ەكەن دەپ جان-جاقتىلىق،
شيمايلاپ جەر-جاھاندى سۇراي بەردىم-
مەن سىزگە ................. قۇلاي بەردىم!
قۇلاتقان قۇداي شىعار كىم بىلەدى،
قالاسا جىلاتادى، كۇلدىرەدى...
الاتاۋ مەن قاراتاۋ قوسىلعانداي،
ارادا ارۋ-سەنىم ۇلبىرەدى.
* * *
بىلەم سەندە ءبىر كيەنىڭ بارلىعىن،
كوردىم ءومىر كەڭدىگى مەن تارلىعىن.
قازىعۇرتتىڭ تاۋلارىنان دارىعان،
بولمىسىڭا ساقى مىنەز، ارلى ۇعىم.
وتكەن كۇندەر كوزدى ارباعان، قارىعان،
كەلەشەگىن ارماندايدى ءار ۇلان.
ساعىم بەلدە قوزى باعىپ جۇرگەندە،
سارى ادىردان سابىرلىلىق دارىعان.
You Might Also Like
-
ءابۋناسىر ءال-فارابيدىڭ: «ەلىڭنىڭ بولاشاعىن بىلگىڭ كەلسە، ماعان جاستارىڭدى كورسەت، سون سوڭ ايتىپ بەرەيىن» دەگەن پىكىرىنىڭ ومىرمەن
-
اباي – ومىرگە وي تەربەتىپ، اقىلى مەن قۇدىرەتىن تانىتقان اقىن. سوندىقتان ونىڭ قاي تۋىندىسى بولماسىن، بەلگىلى ءبىر دارەجەدە دانالىقتىڭ كىلتى بولىپ تابىلادى. ۇلتىمىز تاۋەلسىزدىگىن العالى بەرى رۋح...
