InfoHub Logo

ساباقتىڭ تاقىرىبى: شىلاۋلار مەن شىلاۋ تۇلعالى قوسىمشالار
557 - 561 جاتتىعۋلار
ساباقتىڭ ماقساتى: 1. شىلاۋلار مەن شىلاۋ تۇلعالى قوسىمشالار (مەن، بەن، پەن، دا، دە، تا، تە) تۋرالى بىلىمدەرىن، ولاردىڭ جازىلۋى تۋرالى بىلىمدەرىن پىسىقتاۋ.
2. شىلاۋلار مەن شىلاۋ تۇلعالى قوسىمشالار تۋرالى ءبىلىم - بىلىكتەرىن دامىتۋ، سوزدىك قورلارىن مولايتۋ، ساۋاتتىلىقتارىن ارتتىرۋ
3. ەلىمىزدى، ءتىلىمىزدى، سالت - ءداستۇرىمىزدى، تاريحىمىزدى بىلۋگە، قۇرمەتتەۋگە تاربيەلەۋ.
ساباقتىڭ ءادىسى: ءتۇسىندىرۋ، سۇراق - جاۋاپ
ساباقتىڭ ءتۇرى: ارالاس ساباق
ءپانارالىق بايلانىس: انا ءتىلى، دۇنيەتانۋ
ساباقتىڭ كورنەكىلىگى: 1. تاقىرىپقا ارنالعان ەرەجەلەر
2. سۋرەتتەر، ۇلەستىرمە كەسپە قاعازدارى، سىزبالار

ساباقتىڭ بارىسى: 1. پسيحولوگيالىق دايىندىق
حورمەن: ۇلكەنگە دە ءسىز
كىشىگە دە ءسىز
سالەم بەردىك سىزدەرگە
قۇرمەتپەنەن ءبىز.

2. ءۇي تاپسىرماسىن تەكسەرۋ.
ا) 555 - جاتتىعۋ (داپتەردەن وقىتۋ)
شىلاۋلاردىڭ قاي ءسوز تابىنان كەيىن كەلگەنىن ايتۋ.
ءا) سۇراق - جاۋاپ ءادىسى بويىنشا شىلاۋلاردىڭ تۇرلەرىن سۇراۋ
ءۇي تاپسىرماسىن قورىتۋ
(سلايد)
شىلاۋ
مەن (بەن، پەن) جانە
دا (دە)، تا (تە)
ما، مە، با، بە، پا، پە
ءۇشىن، تۋرالى، دەيىن، شەيىن
قانا، عانا، قوي، عوي، - اق

3. جاڭا ساباق. «وي قوزعاۋ»
شىلاۋلار مەن شىلاۋ تۇلعالى قوسىمشالار. ءبىز وقۋلىقتاعى 557 - جاتتىعۋدى ورىنداۋ بارىسىندا مەن، بەن، پەن شىلاۋلارىنىڭ شىلاۋ تۇلعالى قوسىمشالار ەكەنىن بايقايمىز.
- قوسىمشا دەگەنىمىز نە؟
- ءسوزدىڭ تۇبىرگە جالعانعان بولىگىن قوسىمشا دەيمىز. قوسىمشا جۇرناق پەن جالعاۋ بولىپ ەكىگە بولىنەدى.
- جۇرناق پەن جالعاۋ دەگەنىمىز نە؟
- جۇرناق سوزدەن ءسوز تۋدىراتىن قوسىمشا. جالعاۋ ءسوز بەن ءسوزدى بايلانىستىراتىن قوسىمشا.
مەن (بەن، پەن) شىلاۋ بولسا، ءبىرىڭعاي ەكى ءسوزدى بايلانىستىرادى دا، ەكەۋىنىڭ ورتاسىندا بولەك جازىلادى: التاي قاعاز بەن قالام سۇرادى.
557 - جاتتىعۋدى (سالىستىرا وتىرىپ تالداۋ)
(سلايد)
1. قۇلىن مەن تاي جارىستى. -------------------- قۇلىن تايمەن جارىستى.
2. ءبورىباسار مەن بوتەن يت تالاستى. --------- ءبورىباسار بوتەن يتپەن تالاستى.
3. اتام مەن اجەم بىرگە كەلدى. ---------------- اتام اجەممەن بىرگە كەلدى.

كوركەم جازۋ
4. ساباقتى بەكىتۋ. داپتەرمەن جۇمىس
558 - جاتتىعۋ
قوي قورادا. ---------------------- قورا دا ەسكىردى.
جىلقى ورىستە. ------------------- ءورىس تە كەڭەيدى.
ءاليا اۋىلدا. -------------------- اۋىل دا وزگەردى.
وقۋشىلار مەكتەپتە. ---------- مەكتەپ تە جاقىن.

5. سەرگىتۋ جاتتىعۋى. م. شاحانوۆ «ءتورت انا» تىڭداتۋ

تاعدىرىڭدى تامىرسىزدىق ىندەتىنەن قالقالا،
مازمۇن جوقتا مازمۇنسىزدىق شىعا كەلەر ورتاعا.
ءار ادامدا ءوز اناسىنان باسقا دا،
عۇمىرىنا ەتەر ماڭگى استانا
دەمەپ جۇرەر، جەبەپ جۇرەر ارقادا
بولۋ كەرەك قۇدىرەتتى ءتورت انا.

تۋعان جەرى – ءتۇپ قازىعى ايدىنى،
تۋعان ءتىلى – ماڭگى ونەگە ايبىنى.
جان بايلىعى سالت - ءداستۇرى تىرەگى
قادامىنا شۋاق شاشار ۇنەمى.
جانە تۋعان تاريحى،
ەسكە الۋعا قانشاما
اۋىر ءارى قاسىرەتتى بولسا دا،
قۇدىرەت جوق ءتورت اناعا تەڭ كەلەر
ونسىز سانا قاڭباققا ۇقساپ سەندەلەر.
وزگە انانىڭ ۇلىلىعىن تانىماس،
ءتورت اناسىن مەنسىنبەگەن پەندەلەر.
ءتورت انادان سەنىم تابا الماعان،
تامىرسىزدىڭ باسى قايدا قالماعان
ءتورت اناسىن سىيلاماعان حالىقتىڭ
ەشقاشاندا ب ا ق جۇلدىزى جانباعان.
قاسيەتتى بۇل ءتورت انا تاعدىرىڭنىڭ تىنىسى،
ءتورت انا ءۇشىن بولعان كۇرەس كۇرەستەردىڭ ۇلىسى.
ا) ولەڭنەن شىلاۋلاردى تابۋ.

ءا) اقىن ءتورت اناعا نەلەردى جاتقىزادى؟
559 - جاتتىعۋ
توعايدا قۇس كوپ. ----------------- توعاي دا گۇلدەدى.
توعاندا سۋ مول. ------------------ توعان دا بيىكتەدى.
كولدە بالىق بار. --------------- كول دە تولقىدى.
قۇستا، ۇشاقتا قانات بار. ------ قۇس تا، ۇشاق تا سامعادى.

بايانداۋىش سويلەمنىڭ سوڭىندا بولادى. ول قاي ءسوز تابىنان بولسا، سول ءسوز تابىنىڭ سۇراقتارىنا جاۋاپ بەرەدى. (سويلەمنىڭ سوڭىنداعى سوزدەرگە نازار اۋدارتۋ).
ا) جاتىس سەپتىگىنىڭ جالعاۋلارى مەن شىلاۋلاردى اجىراتۋ.
ءا) سويلەمدەردى سويلەم مۇشەلەرىنە تالداۋ.

جۇمباق شەشە وتىرىپ، شىلاۋلاردى تابۋ.
1. بار ما، جوق پا بىلمەيمىن،
ول جوق جەردە جۇرمەيمىن. (اۋا)

2. ەلدەر مەن قالاسى،
ويپاتى مەن دالاسى،
تەپ - تەگىس تاقتايدى،
وزەنى دە اقپايدى.
توعايى مەن تاۋى بار.
بۇل نە ءوزىڭ تاۋىپ ال. (كارتا)

3. بيىككە سالعان اعاش ءۇي،
سول عوي ونىڭ مەكەنى.
جازداي سايران سالىپ - اق،
قىستا الىسقا كەتەدى. (قاراتورعاي)

4. ماعان دا، ساعان دا
جاقىن تۋىس بەس ادام
ءۇش ارىپتەن تۇراتىن
وڭعا وقى، سولعا وقى
وزگەرمەيدى ەش ودان
ءبارى دە ءوز جۇراتىڭ
ايتادى كانە، كىم اتىن؟ (اتا، اپا، انا، اعا، ءىنى)

6. ساباقتى قورىتۋ.
ۆەنن دياگرامماسى

شىلاۋلار ---------------------------------- سەپتىك جالعاۋ
مەن، بەن، پەن ------------------------------ ءى. س. نىڭ، ءنىڭ، دىڭ، ءدىڭ، تىڭ، ءتىڭ
دا، دە، تا، تە -------------------------------- ب. س. عا، گە، قا، كە
ما، مە، با، بە، پا، پە -------------------- ت. س. نى، ءنى، دى، ءدى
ءۇشىن، تۋرالى، دەيىن، شەيىن ----------- ج. س. دا، دە، تا، تە
قانا، عانا، قوي، عوي، - اق --------------- ش. س نان، نەن، دان، دەن
------------------------------------------------- ك. س. مەن، بەن، پەن
شىلاۋ تۇلعالى قوسىمشالار (مەن، بەن، پەن، دا، دە، تا، تە)

ماقال - ماتەلمەن جۇمىس.
1. سىيلاپ بەرگەن سۋ دا ءتاتتى.
2. ەر ەل ءۇشىن تۋادى،
ەل ءۇشىن ولەدى.
ا) ماقالداردان شىلاۋلاردى تابۋ.
ءا) بالالار اراسىنداعى سىيلاستىق جانە ۇلدارىمىزدىڭ وتان سۇيگىش، ۇلتجاندى بولۋىن

7. ۇيگە تاپسىرما.
ا) 561 - جاتتىعۋ
وزدەرىڭ تۇرعان جەردىڭ (قالا، اۋىل ت. ب.) كوكتەمگى تىرشىلىگىن سيپاتتاپ، شىعارما جاز.
وعان شىلاۋلار مەن تۇراقتى ءسوز تىركەستەرىن قاتىستىرۋعا تىرىس.
ءا) تاقىرىپ بويىنشا ەرەجەلەردى ءتۇسىنىپ جاتتاپ، مەڭگەرۋ.
8. باعالاۋ. (بالالاردىڭ جاۋاپتارىنا ماداقتاۋلار مەن ەسكەرتۋلەر)