InfoHub Logo

ماقساتى: تەمەكىنىڭ اعزاعا تيگىزەتىن كەرى اسەرىن جانە ودان تۋىندايتىن اۋرۋ تۇرلەرىن ايتا وتىرىپ، زياندى اسەرىن اشۋ. شىلىم شەگۋدىڭ زياندى جاقتارىن اشا وتىرىپ، ودان جيىركەنۋگە، تەمەكى - ۋ ەكەنىن ايتىپ، ۇجىم بولىپ جۇمىس ىستەۋگە تاربيەلەۋ. سالاۋاتتى ءومىر سالتىن قالىپتاستىرۋ، جات قىلىقتان اۋلاق بولۋعا تاربيەلەۋ.
كورنەكىلىكتەرى: دانالار ءسوزى، سلايد، بەينەكورسەتىلىم، سۋرەتتەر
«تەمەكى بۇكىل دەنەگە زالال اكەلەدى، اقىل - ويدى بۇزادى، ۇلتتاردى تۇگەلدەي ناداندىققا اكەلەدى»
و. بالزاك.
كۇتىلەتىن ناتيجە:
- تەمەكىنىڭ تاريحىن، اعزاعا زياندى اسەرىنىڭ بارىن بىلەدى
- تەمەكىنىڭ اسەرىنەن تۋىندايتىن اۋرۋ تۇرلەرىن اجىراتادى
- سىن تۇرعىسىنان ويلاۋ داعدىسى قالىپتاسادى
- سالاۋاتتى ءومىر سۇرۋگە ۇيرەنەدى.

جوسپارى:
• پسيحولوگيالىق دايىندىق
• بەينەكورسەتىلىم
• سەن بىلەسىڭ بە؟
• جاسوسپىرىمدەر تەمەكىنى نە سەبەپتى شەگەدى؟
• كورىنىس «تەمەكى شەگۋدىڭ ءۇش پايداسى»
• سيتۋاسيالىق سۇراقتار
• جادىناما «تەمەكى تاستاۋشىلارعا اقىل - كەڭەس»
• «ويلانىپ كورىڭىز»
• دانالار ءسوزى
• پوستەر قورعاۋ
• ترەنينگ “قولشاتىر”
• تەمەكىنى الماستىراتىن جاتتىعۋ تۇرلەرى.
• رەفلەكسيا
• قورىتىندىلاۋ

پسيحولوگيالىق دايىندىق
كوزىمىزدى جۇمامىز.
ەركىن تىنىس الامىز
جاقسى ويلار ويلايمىز.
شارشاعاندى ۇمىتىپ،
دەنەمىزدى بوساڭسىتامىز
ال ەندى
جاپ - جاسىل،
جۇپ - جۇمساق
شوپتە جاتقانداي سەزىنەيىك.
كۇن نۇرىن بىزگە توگىپ تۇر…
كۇن
جىپ - جىلى،
سامال لەپ،
تازا اۋا.
ءبىز ەركىن تىنىستادىق
عاجاپ قانا ۇيىقتادىق!
وياناتىن ءسات كەلدى!
كوزدەرىمىزدى اشامىز.
قولىمىزدى جوعارى كوتەرەمىز،
كەرىلەمىز! كۇلەمىز!

وقۋشىلار ستيكەرلەردى تاڭداۋ ارقىلى ءۇش توپقا بولىنەدى:
1 توپ –«زەرتتەۋشىلەر» توبى
2 توپ - «سۋرەتشىلەر» توبى
3 توپ - «اقىندار» توبى.

تەمەكىنىڭ ادام اعزاسىنا زيانى تۋرالى مالىمەتتەر بەرۋ. بەينەكورسەتىلىم كورسەتۋ.

سەن بىلەسىڭ بە؟
• ءاربىر تەمەكى ادام ءومىرىن 8 مينۋتقا قىسقارتادى.
• كۇنىنە 1 قوراپ تەمەكى تارتاتىن ادامنىڭ 1 جىلدا وكپەسىنە 1 ليتر سمولا جينالادى.
• دۇنيە جۇزىندە شىلىم شەگۋدەن جىل سايىن 3، 5 ملن ادام قايتىس بولادى.
• شىلىم شەگەتىندەر قىسقا ۋاقىت ءومىر سۇرەدى، ءوز ءومىرىن 6 جىلعا قىسقارتادى.
• تەمەكى شەگۋشىلەر ينفاركت، راك، اسقازان جاراسى سياقتى اۋرۋلاردان 10 - 30 ەسە كوپ قايتىس بولادى.
• بالالارعا تەمەكىنىڭ ءقاۋپى، ۇلكەندەرگە قاراعاندا 2 ەسە كوپ. كەيدە بالالار 2 - 3 تال تەمەكىنى قاتار شەككەننەن جۇرەگى توقتاپ قالعان وقيعالار بولعان.

جاسوسپىرىمدەر تەمەكىنى نە سەبەپتى شەگەدى دەپ ويلايسىڭدار؟ دەگەن سۇراققا وقۋشىلار پىكىرىن تىڭداۋ.
وقۋشىلاردىڭ مۇمكىن جاۋاپتارى:
- تەمەكىنىڭ اعزاعا قانشالىقتى زيان ەكەنىن بىلمەۋ، بۇعان جەڭىل كوزقاراسپەن قاراۋ
- قاسىنداعىلار نەمەسە وزىنەن ۇلكەندەر قىسىمشىلىق جاساۋى مۇمكىن
- ءبىر رەت كورەيىن، سوسىن تاستايمىن دەپ اۋەستەنۋشىلىكتەن بولۋى مۇمكىن
- ءسانقويلىق، ياعني قازىرگى زامانعا ساي ءوزىن ەرەسەك سەزىنۋ
- جارنامالارعا قاراپ قىزىعۋشىلىعى ارتۋى مۇمكىن
- ميدىڭ جاقسى جۇمىس ىستەۋى ءۇشىن نەمەسە باتىلدىق ءۇشىن دەپ تەرىس تۇسىنىكتىڭ قالىپتاسۋى ت. ب.

3 توپقا تاپسىرمالار بەرىلەدى. «زەرتتەۋشىلەر» توبى تەمەكىنىڭ تاريحى، زيانى تۋرالى اقپارات دايىندايدى. ( ولارعا قوسىمشا رەسۋرستار بەرىلەدى). «سۋرەتشىلەر» توبى تەمەكىنىڭ ادام ومىرىنە زيانى تۋرالى ەس كارتاسىن قۇرادى، «اقىندار» توبى تەمەكىنىڭ زيانى تۋرالى ءبىر شۋماق ولەڭ جولدارىن جانە بەس جولدى ولەڭ جازادى. تاپسىرمالاردى ورىنداپ بولعان سوڭ، ءاربىر توپ ءوز جۇمىستارىن قورعايدى.
كورىنىس «تەمەكى شەگۋدىڭ ءۇش پايداسى» اليحان مەن جالعاس.
بالا: اتا، مەن تەمەكى شەگۋدى ۇيرەنىپ ءجۇرمىن. ءسىز قالاي ويلايسىز، بۇل پايدالى ما؟
اتاسى: تەمەكى شەگۋ ءۇش جاعدايدا عانا پايدالى.
بالا: ايتىڭىزشى، قاي كەزدە پايدالى؟
اتاسى: بىرىنشىدەن، كىم دە كىم تەمەكى شەكسە، ول ەشقاشان قارتايمايدى.
بالا: قالايشا، نەلىكتەن، اتا؟
اتاسى: سەبەبى ول قارتايۋعا ۇلگىرمەيدى. ول تىم ەرتە ومىردەن كەتەدى. ەكىنشىدەن، ونىڭ ۇيىنە ەشقاشاندا ۇرى تۇسپەيدى.
بالا: نە سەبەپتى؟ قالايشا ۇرى تۇسپەيدى؟
اتاسى: سەبەبى، كىم دە كىم تەمەكى شەكسە، ءتۇنى بويى توسەكتە اۋدارىلىپ، توڭكەرىلىپ جاتادى دا، قاتتى جوتەلۋمەن بولادى. ۇرى ءۇي يەسىنىڭ جوتەلىن ەستىسىمەن، ءۇيدى اينالىپ كەتىپ قالادى. ءبىراق بۇنىمەن ءالى بىتكەن جوق، تەمەكى شەگەتىن ادامدى يتتە قاپپايدى.
بالا: راس پا؟