شىڭىراۋ (ءى نۇسقا)
ءزاۋلىم قۇز جارتاسقا ۇيا سالعان قىران وزىنەن ۇرپاق كورمەي شەرلى وتەدى. جىلداعى تاپقان جالعىز جۇمىرتقاسىن وردالى جىلان جىلدا جارىپ تۇقىمىن قۇرتىپ كەتەدى.
ءبىر جىلى تاعى دا جۇمىرتقاعا ورمەلەپ كەلە جاتقان سۇر شۇباردىڭ ۇستىنەن تاپ بولعان ىزالى قاندىكوز قىران وتكىر تۇياقتارىمەن قۇلاق-شەكەدەن قاتتى سەرپىپ، ءزاۋلىم قۇزدان زىندان شىڭىراۋعا قاراي لاقتىرىپ جىبەرەدى. وسىدان كەيىن ۇيادا ءبىر كۇنى شۇڭعىل كوز، اق ۇرپەك بالاپان پايدا بولادى. جۇمىرتقا جارىپ جارىق دۇنيەگە كوز سالعان بالاپانىن ايالاپ ءوسىرىپ، كەڭ الەمگە قانات قاقتىرۋ ءۇشىن الىس-الىس ساپارلار شەگىپ جەم تارتادى. تيان-شان اسىپ، التاي كەتىپ، الاتاۋ شارلاۋعا تۋرا كەلەدى. وسىنداي ءبىر الىس ساپاردان جەم تارتىپ كەلە جاتقاندا، شىڭىراۋ تۇبىنەن قۇزعا قاراي ورمەلەگەن اجداھار-جىلاننىڭ بەينەسى كوز الدىنا ەلەستەپ، قىران ءوز ۇياسىنا جەتۋگە جان ۇشىرا تالپىنادى. بيىك-بيىك قۇزداردى ارتقا تاستاپ سامعاپ كەلە جاتقاندا، ۇستىنەن قالىڭ نوسەر جاڭبىر قۇيىلادى. كوزىنەن تامشىلاعان ىستىق جاس جاڭبىرمەن بىرگە تامشىلايدى.
You Might Also Like
-
ەرتە ۋاقىتتا ءبىر ۇلكەن جۇت بولادى. ەلدە ءجوندى مال قالمايدى. بۇكىل اۋىلدى جۇتتان قالعان جالعىز ءبىر بوزىنگەن اسىرايدى. كوپشىلىكتىڭ كۇن كورىپ وتىرعان بوزىنگەنى ءبىر كۇنى يىمەي قالادى، جان ساقتاپ وتىرعا...
-
ءبىر تورعاي ءبىر اعاشتىڭ باسىنا ۇيا سالىپ جۇمىرقالاسا، ءار جىلى جىلان جەپ توقتاتپاپتى. ابدەن زاپى بولعان تورعاي، جۇمىرتقاسىنا ورمەلەپ كەلە جاتقان تورعايدى كورىپ، قايتەرىن بىلمەي شىرىلداعان ەكەن. مۇنى ك...
