InfoHub Logo

ساباقتىڭ تاقىرىبى: شونا سماحان ۇلى “تاكاپپار” (مىسال)
ساباقتىڭ ماقساتى:
 بىلىمدىلىك: مىسال ولەڭدى مانەرلەپ وقي وتىرىپ، نەگىزگى ويدى انىقتاۋعا ۇيرەتۋ؛
 دامىتۋشىلىق: وقۋشىلاردى پروبلەمالاردى دۇرىس شەشۋگە، ويلارىن جۇيەلى، بايلانىستىرا جەتكىزە بىلۋگە قالىپتاستىرۋ، سوزدىك قورلارىن بايىتۋ، تىلدەرىن دامىتۋ؛
 تاربيەلىك: “تاكاپپار” ءسوزىنىڭ ماعىناسىن اشا وتىرىپ، وقۋشىلاردى جامان قاسيەتتەردەن اۋلاق بولۋعا، تۋعان جەرىن، وتانىن سۇيۋگە، وعان ادال بولۋعا تاربيەلەۋ.
ساباقتىڭ ءتۇرى: جاڭا ساباق.
ساباقتىڭ ءتيپى: ينتەراكتيۆتى ساباق.
وقۋ ءىس - ارەكەتىنىڭ ءادىسى: ءتۇسىندىرۋ، اڭگىمەلەۋ، وتكەندى بەكىتۋ، ويىن، وي قوزعاۋ، سۇراق - جاۋاپ، تالداۋ.
كورنەكى قۇرالدار: ينتەراكتيۆتى تاقتا، كەستە.
ءپانارالىق بايلانىس: ءوزىن - ءوزى تانۋ، ماتەماتيكا، قازاق ءتىلى
ساباقتىڭ بارىسى:
ءمۇعالىمنىڭ ارەكەتى وقۋشىلاردىڭ ارەكەتى
(2 سلايد) ءى. ۇيىمداستىرۋ:
- بالالار، «ءوزىن - ءوزى تانۋ» ساباعىندا شاتتىق شەڭبەرىن قۇرىپ ءبىر - بىرىمىزگە جۇرەك جىلۋىن قالاي بەرەمىز؟ ەندەشە، بۇگىنگى ساباعىمىزدى جىلىلىقتان باستايىق!

(3 سلايد) ءىى. ءۇي تاپسىرماسى:
«جۇلدىزدى ءسات» ويىنى ارقىلى وتكەن ساباقتى، ياعني ءۇي تاپسىرماسىن تەكسەرەمىن. بالالار، وسى ساتتەن باستاپ ساباق سوڭىنا دەيىن جاۋاپ بەرىپ، ساباققا قاتىسقان بالاعا بۇگىنگى ساباقتى باعالاۋ ماقساتىمەن جۇلدىزشا تاراتامىن. كوپ جۇلدىز الۋعا تىرىسىڭدار! كىم كوپ جۇلدىز السا، ساباق سوڭىندا ارينە سوعان سايكەس دەگەن باعا الماق. ەندەشە، جۇلدىز تاڭداپ، سۇراقتارىنا جاۋاپ بەرەيىك.

(4سلايد)
1 - سۇراق -“داڭعوي” مىسالىنىڭ اۆتورى كىم؟
(جۇلدىزشا بەرۋ)
(5سلايد)
2 - سۇراق
- ولەڭدى نەگە مىسال ولەڭ دەيمىز؟
(جۇلدىزشا بەرۋ)
(6 سلايد)
3 - سۇراق -“داڭعوي” ولەڭىنىڭ باستى كەيىپكەرىن اتا. ودان ۇلگى الار ما ەدىڭ؟
(جۇلدىزشا بەرۋ)
(7سلايد)
4 - سۇراق - قيار نە دەپ ماقتاندى؟ ماتىننەن تاۋىپ وقى:
(جۇلدىزشا بەرۋ)
(8سلايد)
5 - سۇراق - قيار قانداي كۇيگە ۇشىرادى؟ وعان نە سەبەپ بولدى؟
(جۇلدىزشا بەرۋ)

(9سلايد)
6 - سۇراق: - مىسالداعى نەگىزگى وي نە؟ وزىڭە قانداي ۇلگى الدىڭ؟
(جۇلدىزشا بەرۋ)

(10سلايد)
ءىىى. جاڭا ساباق:
كىرىسپە:
- بالالار سەندەرگە ساندى ءوسۋ رەتىمەن قويۋ وڭاي، ەندەشە ساننىڭ استىنداعى ارىپتەردى دە سايكەس الا وتىرىپ ءسوز وقىڭدار. كانە، كىم جىلدام؟
5 1 4 2 8 6 3 7
پ ت ا ءا ر پ ك ا
(جۇلدىزشا بەرۋ)

(11سلايد)
نەگىزگى ءبولىم:
- سونىمەن وتكەن ساباقتا مىسالمەن تانىستىڭدار. ونى ءۇي تاپسىرماسىن تەكسەرۋ كەزىندە ەسكە ءتۇسىرىپ كەتتىك. بۇگىن تاعى مىسالمەن تانىسامىز.
داپتەرگە كۇندى جازعىزۋ.

( 12سلايد)
اۆتورمەن تانىستىرۋ:
شونا سماحان ۇلى جامبىل وبلىسى، تالاس اۋدانى، «ويىق» سوۆحوزىندا 1924 جىلدىڭ 5 - قازانىندا دۇنيەگە كەلگەن. قازاقتىڭ اتاقتى اقىنى، سىقاقشىسى. پەداگوگيكالىق ينستيتۋتتىڭ ءتىل جانە ادەبيەت فاكۋلتەتىن سىرتتاي وقىپ بىتىرگەن. ۇلى وتان سوعىسىنا قاتىسقان. 1943 - 57 جىلدارى پەداگوگيكالىق قىزمەت اتقارعان. بىرنەشە باسپاحانالاردا قىزمەت ەتكەن. شونا سماحان ۇلىنىڭ شىعارمالار جيناعى («قوڭىراۋلى شەڭگەل»، ت. ب.)، كىتاپتارى («شيمايبەك پەن شىڭقەتپە»، «ۇرى ءتىس»، «قۋ تۇلكىنىڭ سىباعاسى»، ت. ب.) جارىق كوردى. 1988 جىلى الماتى قالاسىندا قايتىس بولدى.