شقو-دا 6،5 مىڭ ءمۇعالىم ەكى جىل بويى ۇستەمە اقىدان قاعىلىپ كەلگەن
شىعىس قازاقستان وبلىستىق پروكۋراتۋراسى وڭىردەگى 6،5 مىڭ مۇعالىمگە 2 جىل بويى تيەسىلى ۇستەمە اقى تولەنبەي كەلگەنىن انىقتادى.
«شقو پروكۋراتۋراسىنىڭ ارالاسۋىنان كەيىن مۇعالىمدەرگە تيەسىلى قوسىمشا اقى تولەنەتىن بولدى. مەكتەپ قىزمەتكەرلەرى ەڭبەك قۇقىقتارىنىڭ ساقتالۋىنا تەكسەرۋ جۇرگىزگەن بولاتىن. ناتيجەسىندە 6،5 مىڭ مۇعالىمگە ەرەكشە قاجەتتىگى بار بالالارمەن جۇمىس جۇرگىزگەنى ءۇشىن قوسىمشا اقى تولەنبەگەنى انىقتالدى»، - دەيدى وبلىستىق پروكۋراتۋرانىڭ باسپا ءسوز حاتشىسى اسەل مومىنجانوۆا.
اتالمىش ساناتتاعى بالالارمەن جۇمىس ىستەگەنى ءۇشىن مۇعالىمدەر بازالىق ەڭبەكاقىعا 40% ۇستەمە اقى الۋى كەرەك بولعان. سول تولەمدى مۇعالىمدەر 2 جىل بويى الماعان. 2017-2018 جىلداردا بەرەشەك 87 ملن تەڭگەدەن اسقان.
«ءقازىر قوردالانعان ەڭبەكاقى قارىزى تولەنىپ جاتىر. ءبىلىم قىزمەتكەرلەرىنە بۇگىنگى كۇندە 14 ملن تەڭگەدەن استام قارجى وتەلدى»، - دەيدى پروكۋراتۋرا وكىلى.
You Might Also Like
-
تەحنولوگيانىڭ قارقىندى دامىپ جاتقان زاماندامىز. وسى دامۋدىڭ جەمىسى بولعان ينتەرنەت، گادجەت سياقتى ونىمدەردى ورىندى، شەكتەۋلى قولدانباعان جاعدايدا ءبىرشاما كەلەڭسىزدىكتەرگە جول اشاتىنى اقيقات. سونىڭ ...
-
مۇحيتتىڭ پلاستيكپەن لاستانۋى Prochlorococcus باكتەريالارىنىڭ جويىلۋىنا سەبەپ بولادى. ال بۇل باكتەريا اتموسفەراعا 10% وتتەگى ءوندىرىپ شىعارادى.
