اتموسفەراعا 10% وتتەگى ءوندىرىپ شىعاراتىن باكتەريالاردىڭ جويىلۋى
مۇحيتتىڭ پلاستيكپەن لاستانۋى Prochlorococcus باكتەريالارىنىڭ جويىلۋىنا سەبەپ بولادى. ال بۇل باكتەريا اتموسفەراعا 10% وتتەگى ءوندىرىپ شىعارادى.
ماككۋوري ۋنيۆەرسيتەتىنىڭ عالىمدارى مۇحيتتىڭ پلاستيكپەن لاستانۋى اتموسفەراداعى بارلىق وتتەگىنىڭ 10%-عا دەيىن وندىرىلۋىنە جاۋاپ بەرەتىن Prochlorococcus باكتەريالارىنا جامان اسەر (ءتىپتى ولىمدەرىنە دە سەبەپ بولادى) ەتە وتىرىپ، ۇلكەن ءقاۋىپ تۋدىراتىندىعىن انىقتادى. ولاردىڭ زەرتتەۋلەرى Communications Biology جۋرنالىندا جاريالانعان بولاتىن.
Prochlorococcus — بۇل 30 جىل بۇرىن اشىلعان كىشكەنتاي سيانوباكتەريالاردىڭ ءتۇرى. بۇل ءتۇردىڭ وكىلدەرى پلانەتامىزداعى ەڭ كىشكەنتاي فوتوسينتەز جاسايتىن اعزا عانا ەمەس، سونىمەن قاتار ەڭ كەڭ تارالعان اعزالاردىڭ ءبىرى. كەيبىر زەرتتەۋلەرگە توقتالاتىن بولساق، مۇحيتتا ءۇش وكتيلليونعا دەيىن Prochlorococcus بار كورىنەدى، ءارى ولار سۋدى ساۋ كۇيىندە ۇستاپ قانا قويماي، ءبىز تىنىس الاتىن وتتەگىنىڭ ايتارلىقتاي مولشەرىن (شامامەن 10%) ءبولىپ شىعارا الادى.
زەرتتەۋشىلەر سيانوباكتەريانىڭ ەكى ءتۇرلى شتاممىن الىپ، ولاردى زەرتحانالىق جاعدايلاردا پلاستيكالىق ونىمدەردەن بولىنەتىن حيميالىق زاتتاردىڭ اسەرىنە ۇشىراۋىن باقىلاپ، تاجىريبە جۇرگىزىپ كوردى.
تاجىريبە ناتيجەسىنە سۇيەنەتىن بولساق، حيميالىق زاتتار باكتەريالاردىڭ وسۋىنە كەدەرگى كەلتىرىپ قانا قويماي، ولاردىڭ فوتوسينتەزگە دەگەن قابىلەتىن تومەندەتەدى ەكەن، سونداي-اق گەندەردىڭ ءبىر بولىگىن وزگەرىسكە ۇشىراتادى. ياعني مۇنىڭ سوڭى Prochlorococcus باكتەرياسىنىڭ ولىمىنە اكەلىپ سوعادى ەكەن.
بۇل ۋاقىتقا دەيىن بەركلي ۋنيۆەرسيتەتىنىڭ حيميكتەرى پلاستيكتىڭ جاڭا ءتۇرىن جاساپ شىعاردى، ولاردىڭ ايتۋىنشا مۇنداي ونەرتابىستى شەكسىز مارتە وڭدەۋگە بولاتىن كورىنەدى. ال ماتەريالدى مولەكۋلالىق دەڭگەيدە ىدىراتىپ، ساپاسىن جوعالتپاستان جاڭا ونىمدەردى جاساۋعا بولادى.
وقۋعا كەڭەس بەرەمىز:
پلاستيكالىق ىدىستارداعى ءقاۋىپ
پلاستيكالىق بوتەلكەدەگى سۋدى ساتىپ الار الدىندا نەنى تەكسەرۋ قاجەت؟
You Might Also Like
-
شىعىس قازاقستان وبلىستىق پروكۋراتۋراسى وڭىردەگى 6،5 مىڭ مۇعالىمگە 2 جىل بويى تيەسىلى ۇستەمە اقى تولەنبەي كەلگەنىن انىقتادى.
-
كۇن ساسكەدەن اۋىپ بارادى. ءبىز گريشكا، قاناتاي ۇشەۋمىز ديىرمەننىڭ جەلكە تۇسىنداعى قويتاستىڭ ۇستىندە وتىرمىز. قاناتاي — جۇقالتاڭ، اق سۇر ءوڭدى بالا. مەنەن بىرەر جاسى كىشىلەۋ. گريشكا — وتىز...
