شقو-دا مۇعالىمدەرگە ارنايى گرانتتار بەرىلۋى مۇمكىن
شقو-دا باستاۋىش سىنىپ مۇعالىمدەرىنە ارنايى گرانتتار بەرىلۋى مۇمكىن. بۇل جونىندە وبلىس اكىمى دانيال احمەتوۆ «نۇر وردا» مەكتەپ-ليسەيىنىڭ جۇمىس بارىسىمەن تانىسۋ كەزىندە ايتتى، دەپ حابارلايدى التاينيۋس.
زاماناۋي قالىپتا جاسالعان ءبىلىم ورداسىنىڭ وقۋ كابينەتتەرىن ارالاپ، وڭ باعاسىن بەرگەن ايماق باسشىسى «Nur Oran» پارتياسى وبلىستىق فيليالى ءتوراعاسىنىڭ ءبىرىنشى ورىنباسارى انۋاربەك مۇحتارحانوۆ پەن وبلىستىق ءبىلىم باسقارماسىنىڭ باسشىسى سايرانگۇل ءجۇمادىلوۆاعا IT-سىنىپتاردىڭ باعدارلاماسىن حالىقارالىق تالاپتارعا سايكەس وزگەرتۋدى تاپسىردى.
بۇدان بولەك وبلىس اكىمى باستاۋىش سىنىپ مۇعالىمدەرىنە ارنايى گرانت ءبولۋ قاجەتتىگىن اتاپ ءوتتى. سونداي-اق، ايماق باسشىسى مەكتەپ وقۋشىلارىنىڭ قاي سالاعا يكەمى بارىن انىقتاۋ ماقساتىندا ارنايى تەست ازىرلەۋدى جۇكتەدى.
«ءبىزدىڭ مەكتەپتەردەگى IT-سىنىپتاردا بارلىق جاعداي جاسالعان. بۇل باسەكەگە قابىلەتتى مامان دايارلاۋدىڭ بىردەن-بىر جولى. وسىنداي مەكتەپتەر وڭىرىمىزدە كوپ بولۋى ءتيىس. 11 سىنىپتى ءتامامداعان تۇلەكتىڭ دايىن مامان بولىپ شىعۋىنا جاعداي جاساۋ قاجەت. شەتەلدەردە مۇنداي تاجىريبە بۇرىننان بار. سوندىقتان قازىرگى ۋاقىتتا بىلىمگە دەگەن كوزقاراسىمىزدى وزگەرتۋىمىز كەرەك. ول ءۇشىن بىزدە بار مۇمكىندىك بار. ەۋروپا مەن ازيانىڭ ۇزدىك مۇعالىمدەرى وبلىستاعى وقۋشىلاردى ءىت-باعدارلامالاۋعا وقىتۋى ءتيىس، - دەدى دانيال احمەتوۆ.
سونىمەن قاتار وبلىس اكىمى مەملەكەتتىك-جەكەمەنشىك سەرىكتەستىك اياسىندا وسكەمەندەگى 44 مەكتەپتىڭ اسحاناسى قايتا جاڭعىرتىلىپ جاتقانىن دا تىلگە تيەك ەتتى. جەكە كاسىپكەرلەر مەكتەپ اسحانالارىنا جوندەۋ جۇمىستارىن جۇرگىزىپ، جابدىقتار مەن جيھازدارمەن قامتاماسىز ەتىپ جاتقانىن ايتقان ول جاڭا وقۋ جىلىندا ەسكى جابدىقتارمەن جۇمىس ىستەپ تۇرعان 44 مەكتەپتىڭ 35-نە قايتا جاڭعىرتۋ جۇمىستارىنىڭ تولىق اياقتالاتىنىن حابارلادى.
ال قالعان 9 مەكتەپتىڭ اسحاناسىن زاماناۋي قالىپقا كەلتىرۋ جوباسى بويىنشا كونكۋرستار بيىلعى جىلدىڭ قاراشا ايىندا جاريالانباق.
You Might Also Like
-
ءبىر كۇنى ءبىر قاسقىر بىرەۋدىڭ قوراسىنا ءتۇسىپ، ءبىر قويدى تاماقتاپ اپانىنا الىپ بارىپ، سىلقيا تويعان سوڭ ىڭىرانىپ جاتىپ قالادى. ءبىر تىشقان ەتتىڭ ءيىسىن سەزىپ، جورعالاپ كەلىپ ءبىر ءتۇيىر ەتتى ىنىنە سۋىرىپ...
-
ەرتەدە ءبىر بايدىڭ ەكى ايەلى بار ەكەن. توقالى ساقاۋ دا اڭقاۋ، بايبىشەسى قاتال دا قۋ ەكەن. توقالدى تاماقتان قاعىپ كۇن كورسەتپەيدى ەكەن.
