InfoHub Logo

مازمۇنى:
1. كىرىسپە.
2. شۇباتتىڭ ەمدىك قاسيەتى.
3. قازاقستاننىڭ ۇلتتىق برەندى - شۇبات
4. زەرتحانالىق جۇمىس.
5. قورىتىندى.
6. پايدالانعان ادەبيەتتەر ءتىزىمى

جوبانىڭ ماقساتى.
قازاق حالقىنىڭ بايىرعى سۋسىنى - شۇباتتىڭ ەمدىك قاسيەتىن انىقتاۋ ارقىلى ماڭىزىن كورسەتۋ.
قازاقتىڭ بايىرعى سۋسىنى ۇلتتىق برەند رەتىندە الەمدىك نارىققا شىعارۋ قاجەتتىلىگىن ءتۇسىندىرۋ.

جوبانىڭ مىندەتى.
- قازاقتىڭ ۇلتتىق سۋسىنى - شۇباتپەن تانىسۋ؛
- شۇباتتىڭ ادام ومىرىندەگى الاتىن ورنىن كورسەتۋ؛
- شۇباتتىڭ ادام دەنساۋلىعىنا پايداسىن كورسەتۋ؛

كىرىسپە.
تۇيە – ءتورت تۇلىكتىڭ تورەسى. اۋىر جۇك ارتىلىپ، الىس ساپارعا جەگىلسە دە مىڭق ەتپەيتىن ماڭعاز جانۋاردىڭ ءقادىرىن كوشپەلى جۇرت قاتتى بىلگەن. ايرىقشا كۇتىمدى قاجەتسىنبەيتىندىكتەن «كەدەيدىڭ مالى»اتانعان جانۋار تابيعي جايىلىمدى تەز قوڭدانادى. ءارى ونىڭ ءسۇتى مەن شۇباتتى مەديسينا تاراپىنان ەمدىك سۋسىن رەتىندە مويىندالعانى دا بەلگىلى. كوزىن تاۋىپ، وڭدەي بىلسە، ءجۇنى دە ونەركاسىپتە تاپتىرمايتىن شيكىزات. مىنە، وسىنداي پايداسى مول مال تەك الەمدە ساناۋلى مەملەكەتتەردە عانا بار. سونىڭ ءبىرى ءبىزدىڭ ەلىمىزدە. الايدا، تۇلىكتىڭ تورەسى تۇيەنى ءوسىرىپ، ونىڭ ونىمدەرىن ۇلتتىق برەندكە اينالدىرا الماي وتىرعانىمىز دا شامبايىمىزعا باتاتىن شىندىق. بۇل تۇرعىدا مەملەكەت تاراپىنان كەشەندى باعدارلاما جاسالىپ، وسى سالاداعى ۇساق-تۇيەك شارۋاشىلىققا بارىنشا ناقتى قولداۋ كورسەتىلمەسە بۇگىنگىدەي مىسىقتابانداۋمەن ۇزاققا بارمايتىنىمىز بەلگىلى.

- تۇيەنىڭ پايدالى جاقتارى كوپ قوي. ءبىر عانا سۋسىنىنىڭ ءوزى نەگە تۇرادى. كوپتەگەن اۋرۋلارعا مىڭنان ءبىر ەم. سۇتىنەن شۇبات دايىنداپ، قۇرت قايناتادى. شيپالىق قاسيەتى مول، ءدامى ءتىل ۇيىرەر شۇبات سۋسىنىنا بۇگىندە شەتەلدىكتەر اسا قىزىعۋشىلىق تانىتىپ وتىرعانى بەلگىلى. كوپتەگەن ازيا ەلدەرى ءارى تاعام، ءارى كيىمگە شيكىزات، دەرتكە داۋا رەتىندە پايدالاناتىن تۇيە ءسۇتىنىڭ ەمدىك قاسيەتتەرى كۇننەن كۇنگە عالىمداردى تاڭعالدىرۋدا.

عالىمدار شۇباتپەن وكپە قۇرتى، باۋىر اۋرۋلارىن، حولەسيستيتتى، ءوت جولدارىنىڭ بىتەلىپ قالۋىن ەمدەۋگە بولادى دەگەندى ايتادى. وسىعان وراي شۇباتتى الەمدىك نارىققا شىعارۋ ءۇشىن عالىمدار ءونىمدى كەپتىرۋ، قۇرعاق ءسۇت ۇنتاعى جانە تابلەتكا ءتۇرىن جاساۋ تەحنولوگياسىمەن دە اينالىسۋدا. الايدا شۇباتتان جاسالعان ونىمدەردى الەمدىك نارىققا شىعارىپ، ۇلتتىق برەندىمىزگە اينالدىرۋ ءۇشىن قىرۋار قارجى، كولەمدى ينۆەستيسيا قاجەت ەكەنى انىق. ال، ازىرگە دۇنيەجۇزىلىك دەنساۋلىق ساقتاۋ ۇيىمى ساۋىقتىراتىن مەديسينالىق سۋسىن دەپ باعالاپ وتىرعان شۇباتتىڭ پايداسىن ەسكەرگەندەر سانى ساۋساقپەن سانارلىقتاي.