شۆەيساريادا بارلىعى اي سايىن 2 250 ەۋرو الاتىن بولادى.
شۆەيساريادا بارلىعى اي سايىن 2 250 ەۋرو الاتىن بولادى. جۇمىس ىستەمەي-اق.
شۆەيساريادا بارلىق تۇرعىنعا جۇمىس ىستەي مە، جوق پا، وعان قاراماي 2500 شۆەيسار فرانكىن (نەمەسە 2250 ەۋرو) اي سايىن بەرىپ وتىرۋ ۇسىنىلدى. ال بالالارعا 625 فرانكتان ۇلەستىرىلەدى ەكەن. وسى ماسەلە بويىنشا داۋىس بەرۋ وتكىزىلەدى، وسىلايشا شۆەيساريا الەمدە تۇراقتى تابىس بەكىتىلگەن ءبىرىنشى ەل بولۋى مۇمكىن. ازىرشە وسى ماسەلەنى كوتەرىپ وتىرعان جالعىز وسى ەل عانا.
بۇل ۇسىنىستى جاساعان ەكونوميستەر توبى ادامدار كەپىلدەندىرىلگەن تابىسقا قاراماستان جۇمىسىن جالعاستىرا بەرەدى دەپ ەسەپتەيدى. حالىق اراسىندا جۇرگىزىلگەن ساۋالناما قورىتىندىسى دا وسىلاي دەيدى. حالىقتىڭ 2 پايىزى عانا جۇمىستان شىعىپ كەتەتىنىن ايتىپتى، ال 8 پايىزى جاعدايعا قاراي وتىرىپ، جۇمىس ىستەمەيتىنىن مويىنداپتى.
داۋىس بەرۋ بيىل ماۋسىم ايىندا وتەدى.
بۇل يدەيانى ىسكە اسىراتىن بولسا مەملەكەت جىل سايىن 208 ميلليارد فرانك قاراجاتتى شىعىندايدى. ونىڭ 150 ميللياردىن سالىقتاردان، ال قالعان سوماسىن الەۋمەتتىك ساقتاندىرۋ قورلارىنان الۋ جوسپارلانعان.
ال ازىرشە، 1076 ادامنان الىنعان ساۋالناما قورىتىندىسىندا ۇشتەن ءبىر بولىگى ۇسىنىس كۇشىنە ەنگەن ساتتە جۇمىستان كەتەتىنىن ايتىپتى. سونىمەن بىرگە، ساۋالناماعا قاتىسقانداردىڭ 56 پايىزى مۇنداي زاڭ شىعادى دەگەنگە سەنە المايتىندارىن جاسىرمادى.
دەرەككوز: independent
You Might Also Like
-
Reddit الەۋمەتتىك سايتىندا بەلگىسىز ءبىر اۆتوردىڭ سۋرەتى جاريالاندى. سۋرەتتە ءسىز بانيان اعاشىن كورىپ تۇرسىز، بۇل اعاشتىڭ نەگىزگى ءومىر سۇرەتىن ورتاسى – ءۇندىستان، سول سەبەپتى دە ونى ادەتتە ءۇندى ...
