InfoHub Logo

«سوڭعى قوڭىراۋ» مەرەكەسى
ءمۇعالىم: قۇرمەتتى قوناقتار، ۇستازدار، اتا-انالار جانە وقۋشىلار. قيىندىعى مەن قىزىعى مول تاعى ءبىر وقۋ جىلى ارتتا قالدى. الدا جايدارى، جارقىن جاز، كوڭىلدى دەمالىس، تىنىمسىز ەڭبەك توقسانى. بارشاڭىزدى وقۋ جىلىنىڭ اياقتالۋىمەن، «سوڭعى قوڭىراۋ» مەرەكەسىمەن قۇتتىقتايمىز!
اقىل، ءبىلىم جاستاردا،
ءسوز بەرەمىز جاستارعا!
نۇراي: قۇرمەتتى اتا - انالار، كەلگەن قوناقتار!
مەكتەپتەن باستالادى ءبىلىم - بۇلاق،
بۇگىنگى سالتاناتتى مەرەكەنى،
باستايمىز جاريالاپ.

نۇرسۇلتان: بيىلعى باستاۋىش مەكتەپ تۇلەكتەرى «4ا»، «4ءا» سىنىپ وقۋشىلارى مەن سىنىپ جەتەكشىلەرىن ورتاعا شاقىرامىز.
(بارلىعى قول سوعىپ تۇرادى، «4ا»، «4ءا» سىنىپ وقۋشىلارى مەن سىنىپ جەتەكشىلەرى ورىندارىنا كەلىپ تۇرادى)

نۇراي: قۇرمەتتى باستاۋىش مەكتەپ تۇلەكتەرى، وزدەرىڭە ارنالعان «سوڭعى قوڭىراۋ» مەرەكەسىن اشىق دەپ جاريالايمىز.
نۇرسۇلتان: قازاقستان رەسپۋبليكاسىنىڭ مەملەكەتتىك تۋى سالتاناتتى تۇردە اكەلىنسىن.
مەملەكەتتىك ءانۇران ورىندالادى.
نۇرسۇلتان: قىمباتتى باستاۋىش مەكتەپ تۇلەكتەرى، باستاۋىش مەكتەپتە وتكىزگەن 4 - جىلدا قوڭىراۋ ءۇنىن قانشاما رەت ەستىدىڭدەر. العاش مەكتەپ تابالدىرىعىن اتتاعاندا ەستىگەنىڭ ەسىڭدە مە؟

نۇراي: ال، بۇگىنگى قوڭىراۋدىڭ ءۇنى مۇلدە ەرەكشە. ول ساعان باستاۋىش مەكتەپتىڭ سوعاتىن ەڭ سوڭعى قوڭىراۋى. بالالىق شاقتىڭ كەلەسى ءبىر بەلەسىنە اپاراتىن قوڭىراۋ.
نۇرسۇلتان: بۇگىن مىنە العاشقى ۇستازدارىڭمەن قوشتاسار ۋاقىت جەتتى. بۇگىن باستاۋىش مەكتەبىمىزدىڭ 44 تۇلەگى باستاۋىش مەكتەپتى ءبىتىرىپ وتىر.
نۇراي: جولدايدى مەكتەپ ءمۇدىرى، تۇلەكتەرگە اق تىلەك.
ءومىر دەگەن ۇلكەن جولدا.
اق جول تىلەپ، ب ا ق تىلەپ
ومىردە وشپەيتىن ءىس بالاعا
بەرگەن ءبىلىمىن مەيىرىمىن، قامقور پەيىلىڭ دەپ
العاشقى ءسوزدى مەكتەپ ديرەكتورى ساتايەۆا ايگۋل ءۋاسىلقىزىنا بەرىلەدى.
نۇرسۇلتان: مەكتەپ بۇيرىعىمەن تانىستىرىپ، وقۋ وزاتتارىن ماراپاتتاۋ ءۇشىن وقۋ ءىسى جونىندەگى ورىنباسارى يدريسوۆ احات نەسىپحانۇلىنا بەرىلەدى.

گراموتا بەرىلەدى:
1) وقۋ وزاتتارىن ماراپاتتاۋ
2) سىنىپ جانە مەكتەپ ومىرىنە بەلسەنە قاتىسقانى ءۇشىن وقۋشىلاردى ماراپاتتاۋ.
3) اتا - انالاردى ماراپاتتاۋ.

نۇرسۇلتان: وقۋ وزاتتارىنا مۋزىكالىق سالەم. ورىندايتىن 3 «ا» سىنىپ وقۋشىسى تۇرسىنتايەۆا ايىم. «جاسا قازاقستان!» انىمەن.
نۇراي: كەلەشەك قوي وسىلار بارعا شۇكىر،
الدارىڭدا اق قانات ارمان تۇر.
جۇرەكتەرى لۇپىلدەپ، تەبىرەنىپ،
جەتەكشىسىن ەلجىرەپ قيماستاي ءبىر.

نۇرسۇلتان: كوڭىلدەرى قوبالجىپ، قيماستاي كۇي كەشىپ تۇرعان «4ا»، «4ءا» سىنىپ جەتەكشىلەرى قۇرالاي جانىبەك قىزى، سانيا سالەسحانقىزىنا ءسوز بەرىلەدى.
نۇراي: ءان «مەكتەبىم» 4 ءا سىنىپ وقۋشىسى نيازبەكوۆا بالاۋسا
نۇرسۇلتان: جاس باستاۋىش مەكتەپ تۇلەگى ەندىگى ءسوزدى سەندەرگە بەرەمىز. «4ا»، «4ءا» سىنىپ وقۋشىلارى ءسوز بەرىلەدى.
4 - سىنىپ وقۋشىلارى: ءبىلىمنىڭ مىنا ومىردە جەڭگەنى كوپ،
ءبىلىم قالار حالقىمنىڭ سەنگەنى كوپ.
سوندىقتاندا ءبىلىم كىلتىن
اق نيەتپەن سەندەرگە تاپسىرامىز (ءبىلىم كىلتىن ماد سىنىبىنا تاپسىرادى)
نۇراي: ءبىزدىڭ مەكتەپ تابالدىرىعىن اتتاعالى وتىرعان جاس بوبەكتەر ياعني بولاشاق 1 - سىنىپ وقۋشىلارىنا ءسوز بەرەمىز.
1-بالا: جۇرەم بە ويناپ مەن تەككە،
بارام بيىل مەكتەپكە
قولعا قالام الامىن،
سۋرەتتى دە سالامىن.

2-بالا: داپتەرىمدى تازا قىپ،
جازۋدى دا جازامىن.
كىتاپتى دا وقيمىن،
كوڭىلگە وي توقيمىن.

3-بالا: ءاندى دە سالامىن،
سپورتقا دا بارامىن.
ءبىلىم الىپ جان - جاقتى،
جىگىت بولام جان جاقتى.

4-بالا: تاربيەلى ءتالىمدى،
قۋانتاتىن ءبارىڭدى.
ءبىلىم ءنارىن توقۋشى،
مەنىڭ اتىم وقۋشى.
نۇراي: اتا - انا تاربيەلەپ بالاپانىن
الديلەپ ايالاعان الاقانىن.
بولاشاقتا ب ا ق تىلەپ تۇراسىڭدار،
ويلاۋمەنەن الداعى بالا قامىن.
اتا - انالار اتىنان تىلەك ءسوز بەرىلەدى.--------

نۇرسۇلتان: ءبىرىنشى سىنىپقا باراتىن وقۋشىلارعا مۋزىكالىق سالەم.
بي «جاڭا زامان ءبيى»
نۇرسۇلتان: ونەرپازدار ورتامىزدا ءالى بار.
بيشىلەردىڭ بيلەپ بەرەر ءسانى بار.
قوشەمەتتەپ، قول سوعىپ قارسى الايىق
ۆالس ءبيىن بيلەپ بەرەر ۇل قىز بار.

«3 ءا» سىنىپ اتىنان باستاۋىش مەكتەپ تۇلەكتەرىنە ۆالس ءبيى.
نۇراي: بىيىلعى وقۋ جىلىنىڭ سوڭعى قوڭىراۋىنا قۇلاق سالايىق. قوڭىراۋ سوعىلادى.
ءمۇعالىم: قۇرمەتتى وقۋشىلار! سىزدەردى كوڭىلدى دەمالىس، جايدارى، جارقىن جاز قارسى الادى. ال ەندى تۇلەكتەردى قۇرمەتپەنەن شىعارىپ سالايىق.
ەكى جۇرگىزۋشى بىرگە: ۇلكەن ومىرگە اتتانعان قادامدارىڭا نۇر جاۋسىن، تالاپتارىڭ وڭ بولسىن!
ءمۇعالىم: سونىمەن «سوڭعى قوڭىراۋ» مەرەكەسىن جابىق دەپ جاريالايمىن!