ءسوز، شەشەندىك، بوسسوزدىك تۋرالى ماقال-ماتەلدەر
مالدان مالدىڭ نەسى ارتىق — ءبىر اسىم ەتى ارتىق،
ەردەن ەردىڭ نەسى ارتىق — ءبىر اۋىز ءادىل ءسوزى ارتىق.
*** *** *** ***
ءسوز جۇيەسىن تاپسا، مال يەسىن تابادى.
*** *** *** ***
جول قۋعان كادەگە جولىعادى.
*** *** *** ***
الماس قىلىش مايداندا سەرىك، اسىل ءسوز مايداندا دا، سايراندا دا سەرىك.
*** *** *** ***
دۇنيەدە سوزدەن كونە، سوزدەن بەرىك ەسكەرتكىش جوق.
*** *** *** ***
كەن بايلىعى — جەردە، ءسوز بايلىعى — ەلدە.
*** *** *** ***
سۇتكە ءسۇت قوسىلسا — سۇمەسىن، سوزگە ءسوز قوسىلسا — دەمەسىن.
*** *** *** ***
بىرەۋدىڭ ات كوتەرمەس ءبوزى بار، بىرەۋدىڭ ات كوتەرمەس ءسوزى بار.
*** *** *** ***
قازاق ءبىر اۋىز ۇتىمدى ءسوز ءۇشىن كىسىنىڭ قانىن كەشكەن، ەلدىڭ تاعدىرىن شەشكەن.
*** *** *** ***
اس اتاسى — نان، ءسوز اتاسى — شال.
*** *** *** ***
ورايى كەلگەن ءسوز — ورىندى ءسوز.
*** *** *** ***
سالەم — ءسوزدىڭ اناسى.
*** *** *** ***
دالەلسىز سوزدە دارمەن جوق.
*** *** *** ***
وتىرىك — شىندىقتىڭ كەلىنى.
*** *** *** ***
ءسىز-بىز دەگەن — ءسوزدىڭ جەلىمى.
*** *** *** ***
اۋىز كوركى — ءسوز، ءجۇزدىڭ كوركى — كوز.
*** *** *** ***
ءسوز شىندى تابادى.
*** *** *** ***
كونە ءسوز — جاڭا ءسوزدىڭ قازىعى.
*** *** *** ***
ءسوزدى سوزبەن ۇستا، قاشاعاندى قۇرىقپەن ۇستا.
*** *** *** ***
سۋ توركىنى — ءاۋىز، ءسوز توركىنى — اۋىز.
*** *** *** ***
ءار جەردىڭ ولشەمى، ءار ءسوزدىڭ مولشەرى بار.
*** *** *** ***
ءسوز اتاسى — قۇلاق، سۋ اتاسى — بۇلاق.
*** *** *** ***
ءسوز ءتۇپسىز، ءومىر شەكسىز.
*** *** *** ***
ينە كوزىنەن، شەشەن سوزىنەن سىنادى.
*** *** *** ***
ءسوز ينە ساباقتايدى.
*** *** *** ***
قۇران ءسوزى — قۇداي ءسوزى.
*** *** *** ***
كەسىرلى اۋىزدان كەساپاتتى ءسوز شىعادى.
*** *** *** ***
تاۋ مەن تاستى سۋ بۇزادى، ادامزاتتى ءسوز بۇزادى.
*** *** *** ***
جاقسىنىڭ ءسوزى اقىل شاقىرادى، جاماننىڭ ءسوزى اشۋ شاقىرادى.
*** *** *** ***
جاقسى ءسوز جارانى دا جازادى.
*** *** *** ***
جاقسى سوزگە جان سەمىرەدى، جامان سوزگە جان تۇرشىگەدى.
*** *** *** ***
جىلى كيىم ءتاندى جىلىتار، جىلى ءسوز جاندى جىلىتار.
*** *** *** ***
اسەرى جوق ءسوز — ءولى ءسوز.
*** *** *** ***
ادامدى ادام ەتكەن وي مەن ءسوز.
*** *** *** ***
ءسوزدىڭ باسى ءبىر پىشاق، اياعى ءبىر قۇشاق.
*** *** *** ***
كوز جەتكىزەر، كوز جەتكىزبەگەندى ءسوز جەتكىزەر.
*** *** *** ***
وق جاراسى بىتەر، ءسوز جاراسى بىتپەس.
*** *** *** ***
اق ءسوز اششى بولادى.
*** *** *** ***
مال شوپكە توقتايدى، ادام سوزگە توقتايدى.
*** *** *** ***
تانكى توقتاتا الماعان كۇشتىنى ءسوز توقتاتار.
*** *** *** ***
وڭ ءسوز وزەن توقتاتار.
*** *** *** ***
قاھارلى ءسوز قامال بۇزار.
*** *** *** ***
جاراقتى جاۋدى جايراتقان ءسوز.
*** *** *** ***
ءسوز اسىلى — ماقال.
*** *** *** ***
اقىن ءتىلى — ناركەسكەن.
*** *** *** ***
اقىننىڭ حاتى ولمەيدى،
جاقسىنىڭ اتى ولمەيدى.
*** *** *** ***
وق جاراسى بىتەر جوق.
*** *** *** ***
شەشەننىڭ ءتىلى — سەمسەردىڭ ءجۇزى.
وتىز تىستەن شىققان ءسوز،
وتىز رۋعا تارايدى
*** *** *** ***
توقسان اۋىز ءسوزدىڭ توبىقتاي ءتۇيىنى بار.
*** *** *** ***
سوزگە ءسوز كەلگەندە سويلەمەسە، اتاسى ولەدى.
*** *** *** ***
ءسوز ءجىپ، سوزساڭ كەتە بەرەدى.
*** *** *** ***
اۋزى قيسىق بولسا دا، بايدىڭ بالاسى سويلەسىن.
*** *** *** ***
ءسوز تاپقانعا قولقا جوق.
*** *** *** ***
ادامنىڭ ءوزى جەتپەگەن جەرگە ءسوزى جەتەدى
*** *** *** ***
مال شوپكە، ادام سوزگە توقتايدى.
*** *** *** ***
ويناپ سويلەسەڭ دە، ويلاپ سويلە.
*** *** *** ***
جاقسى ءسوز جان سۇيىندىرەر،
جامان ءسوز جان كۇيىندىرەر.
*** *** *** ***
ءسوزدىڭ كوركى — ماقال،
يەكتىڭ كوركى — ساقال.
*** *** *** ***
تۇيەنىڭ بۋراسى جاقسى،
ءسوزدىڭ تۋراسى جاقسى.
*** *** *** ***
قىمبات دۇنيە قولعا تۇسە بەرمەيدى،
قىمبات ءسوز اۋىزعا تۇسە بەرمەيدى.
*** *** *** ***
كۇن شالماس قاراڭعى كوڭىلدى ءسوز شالادى،
كۇن جىلىتپاس سۇم جۇرەكتى ءسوز جىلىتا الادى.
*** *** *** ***
اسىل سوزگە ءولىم جوق.
*** *** *** ***
كوپ ءسوز ۇتپايدى،
ءدوپ ءسوز ۇتادى.
*** *** *** ***
سويلەي-سويلەي شەشەن بولار،
كورە-كورە كوسەم بولار.
*** *** *** ***
جالعىز سويلەگەن جىگىت شەشەن.
*** *** *** ***
بايلاۋى جوق شەشەننەن،
ۇندەمەگەن ەستى ارتىق.
بايگى الماعان جۇيرىكتەن،
بەلى جۋان بەستى ارتىق.
*** *** *** ***
جىلى-جىلى سويلەسە جىلان دا ىنىنەن شىعادى.
*** *** *** ***
ارىق ايتىپ، سەمىز شىق.
*** *** *** ***
ادام الاسىنان ءسوز الاسى جامان،
وتتىڭ شالاسىنا ءسوز تالاسى جامان.
*** *** *** ***
سويلەگەنشە — سوزىڭە ءوزىڭ قوجا،
سويلەگەن سوڭ — وزىڭە ءسوزىڭ قوجا.
*** *** *** ***
شەبەردىڭ قولى ورتاق،
شەشەننىڭ ءتىلى ورتاق.
*** *** *** ***
جاقسى بايقاپ سويلەيدى،
جامان شايقاپ سويلەيدى.
*** *** *** ***
ات اينالىپ يەسىن تابار،
ءسوز اينالىپ جۇيەسىن تابار.
*** *** *** ***
جاقسى ادام ەل ىرىسى،
جاقسى ءسوز جاننىڭ تىنىسى.
*** *** *** ***
ءسوز سۇيەكتەن وتەدى،
تاياق ەتتەن وتەدى.
*** *** *** ***
ۇلى سوزدە ۇيات جوق.
*** *** *** ***
اۋرۋدا — شانشۋ جامان،
سوزدە — قاڭقۋ جامان.
*** *** *** ***
الا سويلەپ، ۇلىققا جاققانشا،
ادال سويلەپ، جۇرتقا جاق.
*** *** *** ***
ارتىندا بالاسى قالسا، كوزى قالدى دە،
ارتىندا ءسوزى قالسا، ءوزى قالدى دە.
*** *** *** ***
قىلىشىنان قان تامعان باتىردى،
تىلىنەن بال تامعان اقىن الادى.
*** *** *** ***
بايلاۋى جوق شەشەننەن، ۇندەمەگەن ەستى ارتىق.
*** *** *** ***
اقىننىڭ ءتىلى قىلىشتان وتكىر، قىلدان نازىك.
*** *** *** ***
كوپ ءسوز — ەسەككە جۇك.
*** *** *** ***
ءدىلماردىڭ ءسوزى ۇستانىڭ بىزىنەن وتكىر.
*** *** *** ***
شەشەندىك كۇشى — شىندىق.
*** *** *** ***
سوزشەڭدى ۇندەمەگەن جەڭەدى.
*** *** *** ***
مىلجىڭ ۇندەمەسە باسى اۋىرادى.
*** *** *** ***
از سويلەسەڭ دە ساز سويلە.
*** *** *** ***
وتقا بارعان ايەلدىڭ — وتىز اۋىز ءسوزى بار.
*** *** *** ***
تۇيمەدەيدى تۇيەدەي ەتىپ.
*** *** *** ***
ينە كوزىنەن سىنادى،
شەشەن سوزىنەن سىنادى.
*** *** *** ***
كوپ سويلەسەڭ تاقىلداق دەر،
سويلەمەسەڭ اقىماق دەر.
*** *** *** ***
دالدەپ اتىپ جاۋدى ءولتىر،
دالدەپ ايتىپ داۋدى ءولتىر.
*** *** *** ***
تىلگە شەشەن — ىسكە مەشەل.
*** *** *** ***
جالعىزدىق قۇدايعا جاراسار،
كوپسوزدىلىك قۇرانعا جاراسار.
*** *** *** ***
كوڭىلدەگى قۇپيانى —
كوزىڭ ايتىپ قويادى،
كوپ سويلەگەن كۇپىلدەپ —
ءسوزىڭ ايتىپ قويادى.
*** *** *** ***
ورىندى ايتىلعان ءسوز —
ورنىنا قاعىلعان شەگە سياقتى.
*** *** *** ***
ازىلدە كەك جوق،
وسەكتە شەك جوق.
*** *** *** ***
تىلدە تيەك جوق،
اۋىزدا جيەك جوق.
*** *** *** ***
قىسىر سوزدە قىرسىق كوپ.
*** *** *** ***
وسەكشىنىڭ ءتىلى قىشىپ تۇرادى.
*** *** *** ***
اۋىزبەن وراق ورعاننىڭ بەلى اۋىرمايدى.
*** *** *** ***
اۋزىمەن استاۋ شاپقان
قولىمەن جاڭقا جارا الماس.
*** *** *** ***
اۋىز — داربازا، ءسوز — سامال،
قۇداي ۇرعانعا نە امال.
*** *** *** ***
تىلمەنەن تىكەن تارتىپ بولمايدى.
*** *** *** ***
ۇيالماس بەتكە تالماس جاق بەرەدى.
You Might Also Like
-
جەتى اتاسىن بىلگەن ۇل، جەتى جۇرتتىڭ قامىن جەر. *** *** *** ***
-
الەمدەگى وزەكتى ماسەلە ەكولوگيا بولسا، ءبىزدىڭ ەلدىڭ وزەكتى پروبلەماسى-تىل تازالىعى. ەلىمىزدە قازىرگى كەزدە ءتىل جاناشىرلارى وتە از، ءتىلىن، ءدىنىن، ءدىلىن، جالپى العاندا ۇلتىن سۇيەتىن جاناشىردى كەزىكتى...
