تالىم-تاربيە تۋرالى ماقال-ماتەلدەر
جەتى اتاسىن بىلگەن ۇل، جەتى جۇرتتىڭ قامىن جەر.
*** *** *** ***
جاقسى كەلىن — قىزىڭداي،
جاقسى كۇيەۋ — ۇلىڭداي.
*** *** *** ***
قىزىم، ساعان ايتام،
كەلىنىم، سەن تىڭدا.
*** *** *** ***
ايتۋشى اقىلدى بولسا،
تىڭداۋشى دانا بولادى.
*** *** *** ***
ءوزىڭدى-وزىڭ سىيلاماساڭ، وزگەدەن سىي دامەتپە.
*** *** *** ***
سيىر سۋ ىشسە، بۇزاۋ مۇز جالايدى.
*** *** *** ***
سۇڭقار قاناتى ۇشقاندا قاتايادى.
*** *** *** ***
اكەسى قوي باعا بىلمەگەننىڭ،
بالاسى قوزى باعا بىلمەيدى.
*** *** *** ***
كەمە كەلسە، قايىق سۋدان شىعادى.
*** *** *** ***
ساقتىقتى سوقىردان ۇيرەن،
كىشىلىكتى تۇيەدەن ۇيرەن.
*** *** *** ***
سىن تۇزىلمەي، ءمىن تۇزىلمەيدى.
*** *** *** ***
باباسى ەككەندى، بالاسى ورادى.
*** *** *** ***
اپاسىنىڭ كيگەن تونىن ءسىڭلىسى دە كيەدى.
*** *** *** ***
ەلگەزەك ەكى ايتقىزبايدى.
*** *** *** ***
تاربيەلى ادام — تاعالى اتپەن تەڭ.
*** *** *** ***
جاقسىلىق ەككەن العىس ورادى.
*** *** *** ***
ءيتتى كۇشىگىندە ۇيرەت.
*** *** *** ***
ۇلكەن باستار، كىشى قوستار.
*** *** *** ***
شىبىق تيمەس، شىڭق ەتەر.
*** *** *** ***
ۇلى جول ءۇيىڭنىڭ تابالدىرىعىنان باستالادى.
*** *** *** ***
ادەپسىز وسكەن ادامنان، تارتىپپەن وسكەن تال جاقسى.
*** *** *** ***
ۇلكەندى سەن سىيلاساڭ، كىشى سەنى سىيلايدى،
كىشى سەنى سىيلاسا، كىسى سەنى سىيلايدى.
*** *** *** ***
ينە وتكەن جەردەن ءجىپ وتەر.
*** *** *** ***
ەل بولام دەسەڭ بەسىگىڭدى تۇزە.
*** *** *** ***
ادەپتى بالا — ارلى بالا، ادەپسىز بالا — سورلى بالا.
*** *** *** ***
بەسىك كورمەگەن ەسسىز بولىپ، ەسىككە ەنەدى.
*** *** *** ***
بالانىڭ وسكەن بەسىگى — كەڭ دۇنيەنىڭ ەسىگى.
*** *** *** ***
بەسىكتەن بەلى شىقپاعان.
*** *** *** ***
اناسىن سۇيگەننىڭ بالاسىن ءسۇي.
*** *** *** ***
اتاڭا نە قىلساڭ، الدىڭا سول كەلەر.
*** *** *** ***
جاقسى بالا — سۇيىك، جامان بالا — كۇيىك.
*** *** *** ***
ەسىك كورگەندى الما، بەسىك كورگەندى ال.
*** *** *** ***
ۇيادا نە كورسەڭ، ۇشقاندا سونى ىلەرسىڭ.
*** *** *** ***
الدىڭعى اربا قالاي جۇرسە،
سوڭعى اربا سوندا جۇرەر.
*** *** *** ***
اعايىنعا قاراپ بالا وسەر،
قاراعايعا قاراپ تال وسەر.
*** *** *** ***
ءتىسى شىققان بالاعا،
شايناپ بەرگەن اس بولماس.
*** *** *** ***
جورعانىڭ تەرى كەپپەس،
جىلاۋىقتىڭ كوز جاسى كەپپەس.
*** *** *** ***
قۇس جەتكەن جەرىنە قونادى.
*** *** *** ***
تاۋدا تۋعان بالانىڭ،
ەكى كوزى تاستا بولار.
اشارشىلىقتا تۋعان بالانىڭ،
ەكى كوزى استا بولار.
*** *** *** ***
اعانى كورىپ ءىنى وسەر،
اپانى كورىپ ءسىڭلى وسەر.
*** *** *** ***
جەتى اتاسىن بىلمەگەن — جەتەسىز.
*** *** *** ***
سۇتپەن كىرگەن مىنەز.
سۇيەكپەن كەتەدى.
قاراپ كورىڭىزدەر
ۇلگى تۋرالى ماقال-ماتەلدەر
ونەگە تۋرالى ماقال-ماتەلدەر
تاربيە تۋرالى ماقال-ماتەلدەر
سايتتاعى ماقال-ماتەلدەر
ءتالىم، تاربيە، ۇلگى، ونەگە تۋرالى ماقال ماتەلدەر
You Might Also Like
-
وقۋ — ءبىلىم ازىعى، ءبىلىم — ىرىس قازىعى. *** *** *** ***
-
مالدان مالدىڭ نەسى ارتىق — ءبىر اسىم ەتى ارتىق، ەردەن ەردىڭ نەسى ارتىق — ءبىر اۋىز ءادىل ءسوزى ارتىق.
