ستۋدەنتتەر جاردەماقىسى كوتەرىلدى
مەملەكەت باسشىسىنىڭ تاپسىرماسىن جانە «نۇر وتان» پارتياسىنىڭ سايلاۋالدى باعدارلاماسىن جۇزەگە اسىرۋ اياسىندا اعىمداعى جىلدىڭ 1 قىركۇيەگىنەن باستاپ قازاقستاندىق جوعارى وقۋ ورىندارىنىڭ ستۋدەنتتەرىنە، ماگيسترانتتارىنا جانە دوكتورانتتارىنا شاكىرتاقى ۇلعايتىلدى. باكالاۆرلاردىڭ شاكىرتاقىسى 20 پايىزعا، ماگيسترانتتار مەن دوكتورانتتار ءۇشىن 15 پايىزعا كوتەرىلدى. ەگەر سيفرلارعا اۋدارساق، باكالاۆريات شاكىرتاقىسى 26 186 تەڭگەدەن 31 423 تەڭگەگە دەيىن ءوستى.پەداگوگيكالىق ماماندىقتار بويىنشا ءبىلىم الاتىن ۋنيۆەرسيتەت ستۋدەنتتەرى ەندى بۇرىنعى 42 مىڭ تەڭگەنىڭ ورنىنا 50 400 تەڭگە الاتىن بولادى.
بولاشاق دارىگەرلەردىڭ شاكىرتاقىسى دا ايتارلىقتاي ءوستى. ەندى ولار 26 186 تەڭگەنىڭ ورنىنا 50 400 تەڭگە الادى.
«نەگىزى، سوڭعى ەكى جىلدا باكالاۆريات ستۋدەنتتەرىنىڭ شاكىرتاقىسى ەكى ەسەگە جۋىق ءوستى»، - دەدى ءبىلىم جانە عىلىم ۆيسە-مينيسترى قۋانىش ەرعالييەۆ.
بۇل رەتتە ماگيسترانتتار، دوكتورانتتار مەن ينتەرندەردىڭ شاكىرتاقىسى ۇلعايتىلدى. بۇرىن ماگيسترانتتار 66 913 تەڭگە الاتىن بولسا، ءقازىر ولاردىڭ اي سايىنعى شاكىرتاقىسى 76 950 تەڭگەنى قۇراپ وتىر. دوكتورانتتاردىڭ شاكىرتاقىسى 150 مىڭ تەڭگەدەن 172 500 تەڭگەگە، ينتەرندەردىڭ شاكىرتاقىسى 47 431 تەڭگەدەن 59 289 تەڭگەگە ءوستى.
«اعىمداعى جىلى مۇنداي قولداۋ شارالارى «نۇر وتان» پارتياسىنىڭ سايلاۋالدى باعدارلاماسىن ىسكە اسىرۋ جونىندەگى جول كارتاسى اياسىندا جۇزەگە اسىرىلۋدا»، - دەپ ءتۇسىندىردى ق ر ءبىلىم جانە عىلىم مينيسترلىگى. - بارلىق وزگەرتۋلەر مەن تولىقتىرۋلار ۇكىمەت قاۋلىسىمەن جوو ستۋدەنتتەرىنە مەملەكەتتىك ستيپەنديالاردى تاعايىنداۋ، تولەۋ جانە مولشەرلەمەلەرىن بەلگىلەۋ قاعيدالارىنا ەنگىزىلدى».
بۇعان دەيىن حابارلاعانىمىزداي، 1 قىركۇيەكتەن باستاپ ءبىلىم مينيسترلىگىنە قاراستى جوعارى وقۋ ورىندارى وقىتۋشىلارىنىڭ جالاقىسى كوتەرىلدى. ەندى مۇعالىمدەر ايىنا كەمىندە 200 مىڭ تەڭگە الاتىن بولادى، دەپ سەندىردى ۆەدومستۆو:
«اعا وقىتۋشىنىڭ جالاقىسى كەمىندە 230 مىڭ تەڭگە، دوسەنتتىكى 260 مىڭ تەڭگە، پروفەسسوردىڭ جالاقىسى 350 مىڭ تەڭگە (ۇلتتىق جوعارى وقۋ ورىندارىندا 400 مىڭ تەڭگە) بولۋى كەرەك».
سونداي-اق حالىقارالىق زياتكەرلىك وليمپيادا جەڭىمپازدارى ءبىر رەتتىك اقشالاي سىيلىق الاتىنى دا بۇرىن حابارلانعان بولاتىن. التىن مەدال يەگەرلەرىنە 1500 مرپ،كۇمىس مەدالعا – 1000 مرپ، قولا – 500 مرپ مولشەرىندە كوتەرمەلەۋ قاراستىرىلعان. بۇل تۋرالى ۇكىمەت وتىرىسىندا ءبىلىم جانە عىلىم ءمينيسترى ءمالىم ەتتى.
سونداي-اق حالىقارالىق وليمپيادالاردىڭ جەڭىمپازدارىن دايىنداعان پەداگوگ-تالىمگەرلەرگە دە ءبىر رەتتىك اقشالاي سىيلىق بەرىلەدى.
بۇل شەشىم مەكتەپ وقۋشىلارىن جانە ستۋدەنتتەردى جاقسى وقۋعا يتەرمەلەيدى دەپ ويلايمىن.
ديلناز نۋرجان
You Might Also Like
-
ومىردەگى بارلىق ادامدار ءبىر ورىندا وتىرۋدان شارشايدى جانە ءبىر نارسە جاساۋدى باستاعىسى كەلەدى. كەيدە كوپتەگەن ادامدارعا شابىت جەتىسپەيدى، ءتىپتى ەگەر ولار ءبىر جۇمىسقا كىرىسسە دە، ولار كوپ ۇزاماي ول ج...
