سۋ، شوكولاد، قالام: ۇبت-عا نە الىپ كىرۋگە بولادى
ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ ۇلتتىق ءبىرىڭعاي تەستىلەۋگە كىرۋ تالاپتارىن تاعى ءبىر رەت ءتۇسىندىردى.
«ءالى كۇنگە دەيىن ۇبت تاپسىرۋشىلاردان «وزىممەن بىرگە كالكۋلياتوردى الىپ كەلسەم بولا ما؟» دەگەن سۇراق كەلىپ جاتىر. سوندىقتان بۇل تۋرالى ۇبت الدىندا تاعى ءبىر مارتە ەستەرىڭىزگە سالا كەتەيىن. تەستىلەۋگە جەكە كۋالىك، قالام، سۋ جانە شوكولادتان باسقا ەشنارسە الىپ كىرۋگە بولمايدى»، - دەپ جازدى ورتالىق ديرەكتورى الەۋمەتتىك جەلىدە.
ونىڭ ايتۋىنشا، تەستىلەۋ كومپيۋتەرىندە ماتەماتيكا، ماتەماتيكالىق ساۋات، فيزيكا، حيميا، ينفورماتيكا، گەوگرافيا، بيولوگيا پاندەرى بويىنشا ەلەكتروندى كالكۋلياتور بار.
سونداي-اق، كومپيۋتەر ەكراندارىندا مەندەلەيەۆ جانە تۇزدار ەرىگىشتىگى كەستەلەرى، بەكەتوۆ قاتارى قولجەتىمدى بولادى.
«ال تۇلەكتەردىڭ قالاۋى بويىنشا مەندەلەيەۆ جانە تۇزدار ەرىگىشتىگى كەستەلەرىنىڭ قاعاز نۇسقالارىن ءوزىمىز شىعارىپ، قولدانۋعا بەرەمىز. ءبارى سىزدەرگە ىڭعايلى بولۋى ءۇشىن، الايدا اكادەميالىق ادالدىق تۋرالى دا ۇمىتپاعان ءجون» دەيدى رۋسلان ەمەلبايەۆ.
ەسكە سالا كەتەيىك، كەشە قازاقستاندا نەگىزگى ۇبت باستالعان بولاتىن. ول 5 شىلدەگە دەيىن جالعاسادى.
You Might Also Like
-
ابەنوۆا اينۇر پولات قىزى ماگيستراتۋرا 2 –كۋرس ە.ع.د.، پروفەسسور ايتبەمبەتوۆا ا.ب. ءال-فارابي اتىنداعى قازاق ۇلتتىق ۋنيۆەرسيتەتى
-
ابىلاي حان وزىنە-وزى ەمىن-ەركىن كەلگەن سوڭ «اتاجۇرتىم بۇحارانى الامىن» دەپ، ءۇش ءجۇزدىڭ بالاسى قازاقتىڭ «سەن تۇر، مەن اتايىن» دەگەن باتىرلارىن جيىپ، اتتاندى. مۇنان بارعاننان ءا...
