سۇندەت تويعا ارنالعان قۇتتىقتاۋ، تىلەكتەر
بالانىڭ سۇندەتكە وتىرۋى — ونىڭ ازاماتتىققا اپارار جولعا قادام باسۋىمەن تەڭ. سۇندەت — پاكتىكتىڭ، تازالىقتىڭ، مۇسىلماندىقتىڭ بەلگىسى. سۇندەتكە وتىرعان بالانىڭ ناعاشىلارى وعان ناعىز ازامات بولدىڭ عوي دەپ تاي مىنگىزەتىن بولعان، اتا-اپالارى ءتۇرلى بازارلىعىن سىيعا تارتقان.
توي تورەسى — سۇندەت توي: اتا-اناعا مىندەت قوي! ۇلكەن مىندەت اتقارىپ، اتا-اناسى شاتتانىپ، ارامىزدا كۇلىمدەپ، باستارىنا ب ا ق دارىپ، بار كوڭىلىن اقتارىپ وتىرعان ءبىر جايى بار — ماڭدايىندا ايى بار: جارقىراعان بالاسى — بولاشاعى، پاناسى! ءبىر قۋاندى اكەسى، ءبىر قۋاندى اناسى — اتقا قونعان بالاسى، ايعا قونعان ساناسى! قۇتتى بولسىن قۋانىش، ءوسسىن ەلدىڭ داناسى!
*** *** *** ***
سۇندەت تويى بالانىڭ قۇتتى بولسىن! تەزىرەك ەر جەتىپ، يماندىلىقتى بويىنا ءسىڭىرىپ، وسكەن ەلىنىڭ ايتۋلى ازاماتى بولا بەرسىن!
*** *** *** ***
جاسىڭدى ساناپ قاراسام — بيىلعى جىل بەستەسىڭ،
زەينەت تەپتى پارىمداپ تەپكىشەكتىڭ كەستەسىن.
ۇكىلەۋلىك ەر بەستى تاقىمىڭنان كەتپەسىن،
قالاۋلى ەلدىڭ ۇلى بول، اتاق-داڭقىڭ وشپەسىن.
توگىلگەن جورعا مىنگەنىڭ، جىبەك، ماقپال كيگەنىڭ،
وقالاۋلى ۇزبەسى جارقىراعان تۇيمەڭنىڭ.
ءومىرلى بول، قاراعىم، تاۋداي بولسىن تالابىڭ!
قار ۇستىندە وت جونار — قالاۋشى تاپسا قالاۋىن،
باقىت قونسىن باسىڭا، اۋلاق بولسىن اجالىڭ.
بەدەلدى بولىپ ەلىڭە، ءوتىمدى بولسىن بازارىڭ،
ورگە ءجۇزسىن ونەرىڭ، سىنباسىن ساعىڭ، اجارىڭ!
*** *** *** ***
تالمايتىن تالابىڭ مول بولسىن،
سامعايتىن قاناتىڭ سول بولسىن!
ىرىس-ىنتىماق، باياندى باقىت بەرسىن،
ۇزاق عۇمىر، تۇرلاۋلى ۋاقىت بەرسىن!
*** *** *** ***
ۇكىلى ات استىڭنان ءومىر-باقي كەتپەسىن!
قاسەكەنىڭ قارعىسى ساعان مۇلدە جەتپەسىن!
ەلدىڭ ەرەن ۇلى بول — اتاق-داڭقىڭ وشپەسىن!
*** *** *** ***
ءوز قۇربىڭنىڭ الدى بول، قورا تولى مالدى بول!
جاۋىڭا دەس بەرمەيتىن، ارىستانداي جالدى بول!
وسە بەرسىن وركەنىڭ، شارلاي بەرگىن جەر شەگىن.
جاسپەن بىرگە ب ا ق بەرسىن، ءتاڭىر ءيىپ ناق بەرسىن!
قايىرىڭدى ەل كورىپ، جومارت دەگەن ات بەرسىن!
سەن تاڭداعان كەلىنىم ۇيگە ىرىس اپ كەلسىن!
*** *** *** ***
مۇسىلماندىق —بۇل مىندەت، قۇتتى بولسىن بۇل مىندەت.
ءومىر جولى —ۇزاق جول، ۇزاق جولدا تالماعىن،
ەڭبەك، ونەر، عىلىمدا قاتارىڭنان قالماعىن.
بيىك بولسىن تالماعىن،
حالقىڭ سىيلار ادام بول —ورىندالسىن ارمانىڭ!
*** *** *** ***
ناعاشىدان ءبىر تىلەك
قاتارىڭنىڭ الدى بول،
باقىتتى بول، مالدى بول.
باقىتىڭا ماستانىپ،
بولا كورمە قاندى قول.
جاس بەرسە، بىرگە ب ا ق بەرسىن،
جارىلقاپ ءتاۋىر ناق بەرسىن.
قايىرىڭدى ەل كورىپ،
جومارت دەگەن ات بەرسىن.
جولدارىڭدى وڭداسىن،
قىدىر بولسىن جولداسىڭ.
قىرىق شىلتەن، عايىپ-ەرەن
قورعاشتاپ سەنى قولداسىن.
اعايىننىڭ اق تىلەگى
مۇسىلمان بولدىڭ قاراعىم،
كانە بەرمەن قاراعىن.
شىراعىن جاعار ۇلىسىڭ
اتا مەنەن انانىڭ.
تاۋداي بولىپ تالابىڭ،
التىن مەنەن كۇمىستەن
جاسالسىن بارلىق جاراعىڭ.
كورىمدىگىڭ مىنەكي،
بار ما تاعى قالارىڭ؟
قوي سۇراساڭ — قوي بەرەم،
تاي سۇراساڭ — تاي بەرەم.
زات سۇراساڭ — زات بەرەم،
ات سۇراساڭ — ات بەرەم.
باتىرلىعىڭ بايقالسا،
ساۋىت بەرەم اقبەرگەن.
مۇراتىڭا جەتە بەر،
كۇنننەن-كۇنگە وسە بەر.
ۇزاق بولىپ ءومىرىڭ،
ءومىرىڭنىڭ ءتۇيىنىن
ءوز قولىڭمەن شەشە بەر.
*** *** *** ***
مۇسىلماندىق — بۇل مىندەت،
قۇتتى بولسىن بۇل سۇندەت.
ءومىر جولى — ۇزاق جول،
ۇزاق جولدا تالماعىن.
ەڭبەك، ونەر، عىلىمدا،
قاتارىڭنان قالماعىن،
بيىك بولسىن تالعامىڭ.
حالقىڭ سىيلار ادام بول،
ورىندالسىن ارمانىڭ.
مۇسىلماندىق — ۇلى مىندەت،
قۇتتى بولسىن بۇل سۇندەت!
بالانىڭ سۇندەت تويى قۇتتى بولسىن، تەزىرەك ەر جەتىپ، يماندىلىقتى بويىنا ءسىڭىرىپ وسكەن ەلىنىڭ ايتۋلى ازاماتى بولسىن!
*** *** *** ***
قۇرمەتتى اعايىندار، ءقادىرلى .............!
سىزدەردى بۇگىنگى ۇلى تويلارىڭىزبەن شىن كوڭىلىمىزبەن قۇتتىقتايمىز. مۇحاممەت پايعامباردىڭ حاديسىندە مۇسىلمان ءۇشىن ەڭ ۇلى توي — سۇندەت تويى دەگەن ەكەن. مۇنىڭ ءمانىسى ءسىرا، بالعىن جاس بالا اتا-بابا جولىنا ءتۇستى، مۇسىلماندىق رۋحىن ساقتايدى، داستۇرگە ادال بولادى دەگەن نيەتتە جاتسا كەرەك. سوندىقتان بۇگىنگى ۇلى تويلارىڭىز قۇتتى بولسىن.
ءبىر كەزدە مۇسىلماندىقتىڭ قايماعى بۇزىلماي تۇرعان كەزدە بالانى جاستان دەمەكشى، سۇندەتكە وتىرعىزۋعا سونداي زور ءمان بەرىلگەن. بۇگىن سىزدەر اتا-انالىق بورىشتارىڭىزدى وتەپ قانا وتىرعان جوقسىزدار، بالاقايدىڭ كەلەشەگىن نۇسقاپ تا وتىرسىزدار. بالامىز وسكەن كەزدە ءبىلىمدى ازامات بولسىن، رۋحى قازاقشا، ءدىلى مۇسىلمانشا بولسىن، حالقىن سۇيگەن ازامات بولسىن دەگەن تىلەكتەرىڭىزدى جۇرت الدىندا پاش ەتىپ، توي جاساپ وتىرسىزدار. وسىناۋ ىزگى تىلەكتەرىڭىز قابىل بولسىن، مۇراتتارىڭىزعا جەتىڭىزدەر. بالامىز جەتى جۇرتتىڭ قامىن ويلاعان ازامات، اتانىڭ عانا ۇلى ەمەس، ەلدىڭ، حالىقتىڭ پەرزەنتى بولسىن.
*** *** *** ***
بالا، بالا-بال عۇمىر،
قۋانىشتى ماڭگى جىر.
وتىرىپتى سۇندەتكە،
جىگىتتىكتىڭ الدى بۇل.
ءداستۇرىمىز بەل الدى،
ەلدىڭ ءىسى وڭالادى.
وتەلىپتى پارىزى،
جاسالىپتى جورالعى.
قۇتتى بولسىن سۇندەتى،
ول-مۇحامەت ۇمبەتى.
ورىندالدى ويداعى،
اتا-انانىڭ مىندەتى.
مۇسىلماندىق-يمانىڭ،
ەكەندىگىن ءبىل، جانىم.
توي جاساپتى اعايىن،
شاشىپ بارلىق جيعانىن.
ءومىردىڭ ءبىر بەلەسى،
مۇسىلماندىق ءجونى وسى.
قۋانىپ ءجۇر اكەسى
كوككە جەتىپ توبەسى.
امان-ەسەن جەتەيىك،
تويلارىنا كەلەسى.
*** *** *** ***
You Might Also Like
-
ۋاقىت كەرۋەنى توقتاعان ەمەس، توقتاماق ەمەس، بىردە جىلدام، بىردە باياۋ ءبىراق ۇنەمى العا جىلجىپ بارا جاتادى. ال وسى ۋاقىت كەرۋەنىنىڭ ءىز وكشەسىنە ۇڭىلسەك، تاريح قويناۋىندا، تاۋاريح قاتپارىندا قالعان تا...
-
تاسجارعان (بەدرەنەس كامنەلومكوۆىي، Pimpinەlla saxifraga L.) — كوپ جىلدىق، ءشوپ تەكتەس وسىمدىك. بيىكتىگى 75 سم-گە دەيىن جەتەدى. نەگىزگى تامىرى بۇتاقتى، بىرنەشە مويىن تامىرلى، ءتۇسى قوڭىر. س...
