InfoHub Logo

ساباقتىڭ تاقىرىبى: «ءسۇت قالاي ۇيىقتادى؟» (وسپانحان اۋباكىروۆ)
ساباقتىڭ ماقساتتارى:
1) وقۋشىلارعا ماتىندەگى نەگىزگى ويدى، يدەيانى ۇعىندىرۋ؛
2) مىسالداعى ءسۇت ۇيىپ قاپتى، ءسۇت ءىرىپ قاپتى، ايران اشىپتى، ايران باقىرىپتى ت. بت ءسوز تىركەستەرىن پايدالانا وتىرىپ وقۋشىلاردىڭ بايلانىستىرا سويلەۋ داعدىسىن جەتىلدىرۋ. وي ۇشقىرلىعىن دامىتۋ.
3) ۇلتتىق تاعام تۇرلەرىن، ولاردىڭ پايداسىن، جاسالۋ جولدارىن بىلگىزە وتىرىپ، وقۋشىلاردى استى قادىرلەۋگە، دۇرىس تاماقتانۋعا ۇيرەتۋ، ەڭبەك سۇيگىشتىككە، ىسكەرلىككە، شىعارماشىلىق قابىلەتتەرىن تاربيەلەۋ.
ساباقتىڭ كورنەكىلىگى: رەبۋس، سەمانتيكالىق كارتا، شونا سماقان ۇلى، وسپانحان اۋباكىروۆتىڭ بەينەسى، ءومىربايانى، كىتاپتارى، ءۇنتاسپا.
ساباقتىڭ ءتۇرى: ارالاس ساباق، ويىن ساباق.
ساباقتا قولدانىلاتىن ادىستەر: سۇراق - جاۋاپ، اڭگىمە، تىرەك - سحەما، كورنەكىلىك.

ساباقتىڭ بارىسى:
ءى. ۇيىمداستىرۋ كەزەڭى. وقۋشىلاردىڭ نازارىن ساباققا اۋدارۋ
پسيحولوگيالىق دايىندىق.
ۇلكەنگە دە «ءسىز»،
كىشىگە دە «ءسىز»،
سالەم بەردىك سىزدەرگە،
قۇرمەتپەنەن ءبىز.

ءىى. ءۇي تاپسىرماسىن تەكسەرۋ. ۇيگە بەرىلگەن تاپسىرما شونا سماقان ۇلىنىڭ «تاكاپپار» مىسالىن دۇرىس ءتۇسىنىپ مانەرلەپ وقۋ، ولەڭدى اڭگىمە تۇرىندە جەتكىزۋ. سالعان سۋرەتتەرىن تۇسىندىرەدى. ابايدىڭ «عىلىم تاپپاي ماقتانبا» ولەڭىنىڭ مازمۇنىن دياگرامما بويىنشا تۇسىندىرەدى.

ءىىى. جاڭا ساباق.
1. كىرىسپە اڭگىمە. رەبۋس شەشۋ («ءسۇت قالاي ۇيىقتادى؟») تاقىرىپتى اشۋ.
جۇمباق شەشۋ
سىلدىر سۇيىق سۋ ەمەس،
ىشسەڭ سۋسىن قانادى.
اق بولسا دا قار ەمەس،
شەشۋىن كىم تابادى؟
(ءسۇت)

- ال، بالالار، جارايسىڭدار، ەندى بۇل مىسال نە تۋرالى دەپ ويلايسىڭدار؟ (بۇل مىسال ءسۇت تۋرالى).
- سول ءسۇتتى قايدان الامىز؟ (ءۇي جانۋارلارى ءتورت تۇلىك مالدان: قوي، سيىر، ەشكى
- ءسۇت، تۇيەنىكى - قىمىران، بيەنىكى - قىمىز دەپ ايتادى.)
- وسىلاردىڭ ىشىندە قانداي ءسۇتتى ۇيىتۋعا بولادى؟ (قوي، سيىر، ەشكى - ءسۇتىن)

IV. ويىن «بەينە تابۋ».
1 - سۇراق: ساتيريك دەگەن كىم؟ قانداي ساتيريك اقىندا بار؟
2 - سۇراق: مىنا ماقالدىڭ ءتيىستى سوزدەرىن تاپ:
انانىڭ ءسۇتى......... وسىرەدى. (بويدى)
انانىڭ ءتىلى......... وسىرەدى.(ويدى)
3 - سۇراق. «بەس دوسىڭدى» اتا؟
4 - سۇراق. اعارعان تۋرالى تىيىم سوزدەردى ايت. (اقتى توكپە)
5 - سۇراق. ماقتانشاقتىق جايلى ماقال - ماتەلدەردى ايت.
ءوزىن - ءوزى ماقتاعان ولىممەن تەڭ.
ماقتانشاقتىق - جامان ادەت.
6 - سۇراق. نە ارسىز؟ (ءۇش ارسىز: ۇيقى، كۇلكى، اس.)
بەينە اشىلدى.
1. ءمۇعالىم تۇسىندىرمەسى. وسپانحان اۋباكىروۆ تۋرالى ايتۋ.
1934 جىلى الماتى وبلىسى، جامبىل اۋدانى، قاراقىستاق اۋىلىندا دۇنيەگە كەلگەن. ۇزاق جىلدار «قازاقستان پيونەرى»، «ۇلان» گازەتىندە قىزمەت ىستەدى. 1961 - 1962 جىلدارى قازاق تەلەديدارىندا اعا رەداكتور، «ارا» جۋرنالىندا جۇمىس ىستەدى. «بودەن»، «سيىر»، «سۇزەگەن ءسوز» اتتى كىتاپتارى بار.