سۆودكامەن كۇن كورىپ وتىرمىز
قازاقستان جەر كوميسسارياتىنىڭ مال شارۋاشىلىق سەكتورى ولكەدەن ءشوپ ورۋ، ءشوپ سۇرلەۋدىڭ بارىسىن بىلمەيدى. مۇنان ءبىرىنشى كۇنى «ەسكى سۆودكالاردى» بىلەدى. بۇل سەكتوردىڭ بارلىق قىزمەتشىلەرى وبلىستان قاشان «سۆودكالار» كەلەدىمەن كوزى تالادى. وبلىستىق جەر بولىمدەرىنىڭ قىزمەتشىلەرىنىڭ جاماندىعىنا كۇلىسپەدى. ءبىراق نە پايدا، شىنىندا كىمگە كۇيىپ-پىسۋدى بىلمەيدى.
جەر كوميسسارياتىنىڭ مال شارۋاشىلىق سەكتورىنىڭ ناچالنيگى بىردين بىلاي دەيدى: «كۇن كورىپ وتىرعانىمىزدىڭ ءوزى تەك قانا سۆودكا، اۋداننىڭ حالدەرىن بىلۋگە ەشبىر مۇمكىنشىلىك جوق. سەبەبى اۋداندار وتە قاشىق. سوسىن، بۇرىنعى باسشىلىقتىڭ قاتەلىگىن دە اسەر ەتكەن بولار. يا، ءسويتىپ سۆودكاسىز تۇك ايتا المايمىز. ءبىر بۇرىننان جاتقان سۆودكالار بار ەدى سونى سەندەرگە بەرەيىن. ونان ءبىرسىپىرا ماسەلەنى الۋعا بولادى» — دەپ ادامنىڭ استى-ۇستىنە ءتۇسىپ بارادى.
— سويتكەنمەن، ءشوپ سۇرلەۋدەن نە بىتەدى؟
— حاتشى، بەرى قاراي سۆودكانى اتتاندىرشى!
— ءسىز وڭتۇستىك ارتتا كەلەدى دەيسىز، سول وڭتۇستىكتىڭ ارتتا قالۋىنىڭ سەبەبى نە؟
— ماعان سۆودكانى بەرشى. مىنەكەي، سول وڭتۇستىك قازاقستانىڭىز 240 ووو گەكتار ءشوپ شاپتى. ول جوسپار بويىنشا 480. 200 گەكتار شوپتەن شابۋى كەرەك ەدى. بۇل وبلىستىڭ ارتتا قالۋىنىڭ سەبەبى — ولكەلىك پارتيا كوميتەتىنىڭ گولوششەكيننىڭ باسشىلىق جۇمىسىنداعى قاتەلىكتەرىنىڭ سالدارى، تاعى باسقالار.
شىنىن ايتقاندا، جەر كوميسسارياتى ءشوپ سۇرلەۋدىڭ بارىسىن بىلمەيدى. ءبىرسىپىرا وبلىستاردىڭ نەگە ارتتا قالىپ وتىرعانىن بىلمەيدى.
ءوزىنىڭ قاعازباستىلىعىن، وزدەرىنىڭ توڭمويىندىقتارىن ولكەلىك پارتيا كوميتەتىنىڭ ەسكى باسشىلىعىنىڭ قاتەلىگىمەن بۇركەگىسى كەلەدى.
You Might Also Like
-
جاقىندا نارشا بۋلگاكبايەۆ باقىتتى بولۋدى ۇيرەنىڭىز! تريلوگياسىن وقىپ شىقتىم، ءبىرىنشىسى شەكسىز سەنىمدىلىك، ەكىنشىسى ءوز تاعدىرىڭدى ءوزىڭ جاز، ءۇشىنشىسى ميدى قوزعايتىن يدەيالار اتتى كىتاپتارىن وقىپ ش...
