تابىستى ادامدار كەرىسىنشە جاسايتىن 11 ارەكەت
«ەموسيالى پاراسات» بەستسەللەرىنىڭ اۆتورى دوكتور تريەۆيس برەدبەري Fortune 500 تىزىمىندەگى كومپانيا باسشىلارىنىڭ مىنەز-قۇلقى مەن ادەتىن زەرتتەپ، تابىستى ادامدار باسقاشا جاسايتىن ارەكەتتەر ءتىزىمىن جاسادى.
دوكتور برەدبەريدىڭ پىكىرىنشە، ءبىزدىڭ تابىسقا قول جەتكىزە الماۋىمىزدىڭ سەبەبى بويىمىزداعى زياندى ادەتتەرگە نەمەسە ەڭبەككە قابىلەتتىلىگىمىزدەن بۇرىن، ۋاقىت تاپشىلىعىنا بايلانىستى.
ۋاقىت – ءار ادامنىڭ ەنشىسىنە بۇيىرعان ءارى زايا كەتىرە المايتىن جالعىز كاپيتال.
توماس ەديسون
تابىستى بولۋ ءۇشىن، كۇندىز-تۇنى جۇمىستان باس الماي ەڭبەكتەنۋدىڭ قاجەت جوق. تەك اقىلمەن ەڭبەكتەنە بىلسەڭىز بولعانى. تابىستى ادامدار بۇل قاعيدانى بىلەتىندىكتەن، ءومىرىنىڭ ءار مينۋتىنىڭ جەمىسىن كورۋگە تىرىسادى. Fortune 500 تىزىمىندەگى كومپانيا باسشىلارى مەن توپ-مەنەدجەرلەرىنىڭ مىنەز-قۇلقىن زەرتتەگەن برەدبەريدىڭ پىكىرىنشە، ولاردىڭ تابىسقا باستايتىن ادەتتەرىن بويعا ءسىڭىرۋ قيىننىڭ ءىسى ەمەس.
بىردەن اتقارۋعا بولاتىن ءىستى كەيىنگە قالدىرماڭىز
ۇستاپ جۇرگەن تەلەفونىمىزداعى قوڭىراۋدى توقتاتىپ قويۋعا مۇمكىندىك بەرەتىن قىزمەت ءتۇرىن بىلەتىن بولارسىز؟ توقتاتامىز دا، وزگە شارۋالارىمىزعا دەن قويامىز. مىنە، وسى ءتارىزدى ارەكەت ماڭىزدى ىستەرىڭىزدە كورىنىس تاپپاۋى ءتيىس. ەگەر قانداي دا ءبىر حاتتى وقۋ نە الدەكىمگە قوڭىراۋ شالۋ، نەمەسە كىشىگىرىم قيىندىقتىڭ شەشىمىن تابۋ قاجەت بولسا، سول مەزەتتە-اق اتقارعانىڭىز ءجون. ءتىپتى بولماسا، قول استىڭىزداعى قىزمەتتەرگە تاپسىرىڭىز. ءبىراق ءىستى تەجەمەڭىز، كەيىنگە قالدىرماڭىز.
ەرتەڭگى جۇمىسقا بۇگىن دايىندالعايسىز
تابىستى ادامدار ەرتەسى كۇنى اتقارىلۋى ءتيىس مىندەتتەر جوسپارىن ءبىر كۇن ىلگەرى قۇرادى. بۇل ادەت تيىمدىلىگىنىڭ ەكى قىرى بار: بۇگىنگى كۇنىڭىزدى وي ەلەگىنەن وتكىزىپ، وزىڭىزگە ەسەپ بەرەسىز ءارى ەرتەڭىڭىزدىڭ دە تابىستى بولارىن بىلەسىز.
ەڭ كۇردەلى، جانىڭىزعا جات ءىستى ءبىرىنشى رەتتە قولعا الىڭىز
اعىلشىن تىلىندە «to eat frogs» دەگەن تىركەس بار. ياعني جاعىمسىز جۇمىستى ءبىرىنشى كەزەكتە اتقارىپ، مۇنان كەيىن عانا كوڭىلىڭىزگە ۇنامدى، شابىتتاندىراتىن ءىستى باستاڭىز.
شۇعىل اتقارىلۋى ءتيىس مىندەتتەرمەن كۇرەسە ءبىلىڭىز
ادەتتە شۇعىل اتقارىلۋى ءتيىس مىندەتتەر اسا ماڭىزدى ىستەردىڭ جۇزەگە اسۋىن تەجەپ، كەدەرگى جاسايدى. تابىستى ادامدار مۇنداي كەدەرگىلەردىڭ شەشىمىن لەزدە تابۋعا نە شەتكە ىسىرۋعا، قىزمەتكەرلەرگە تاپسىرۋعا تىرىسادى.
جينالىس ۋاقىتىندا جوسپاردان اۋىتقىماڭىز
ۇزىن-سونار جينالىستاردىڭ قاشان دا ۋاقىتىمىزدىڭ باسىم بولىگىن الاتىنى راس. ەگەر جينالىس ۇيىمداستىرۋ قاجەتتىلىگى تۋىنداسا، الدىن الا جوسپار قۇرىپ، جوسپارىڭىزعا مىعىم بولعانىڭىز ابزال. كەرىسىنشە جاعدايدا، جينالىستىڭ ۇزاققا سوزىلىپ كەتۋى مۇمكىن.
«جوق» دەڭىز
«جوق» - تابىستى ادامداردىڭ سوزدىك قولدانىسىندا ءجيى ۇشىراساتىن ماڭىزدى ءسوز. كوپتەگەن ادام «ناقتى بىلمەيمىن» نەمەسە «مەن بىلمەيمىن» تىركەستەرىن اتالعان سوزبەن الماستىرادى. ەگەر سەنىمسىز بولساڭىز، بىردەن باس تارتقانىڭىز ءجون.
پوشتاڭىزدى تەكسەرۋگە ارنايى ۋاقىت ارناڭىز
ءبىز جازۋدان جالىقساق، ءسىز وقۋدان مەزى بولاسىز. تاعات تاپپاستان ۇنەمى پوشتاڭىزدى تەكسەرۋ ارتىق ۋاقىتىڭىزدى الادى. پوشتاڭىزعا ايەلىڭىزدىڭ بوسانعانى نەمەسە كۇيەۋىڭىزدىڭ اۋرۋحاناعا تۇسكەندىگى جايلى حات جولدانبايتىنى انىق. دەمەك كەلىپ جاتقان حاتتاردىڭ ايتارلىقتاي ماڭىزدى، شۇعىل بولماعانى. سوندىقتان پوشتاڭىزدى كۇنىنە بىرنەشە رەت بەلگىلى ۋاقىتتاردا عانا تەكسەرۋگە داعدىلانىڭىز.
بىرنەشە مىندەتتى موينىڭىزعا الماڭىز
كوپتەگەن زەرتتەۋ جۇمىستارىنىڭ ناتيجەسى كورسەتكەندەي، ءبىر ۋاقىتتا بىرنەشە ماسەلەنى شەشۋ – ەرەكشە بولعانىمەن، ءتيىمسىز ءادىس. از ۋاقىتتا كوپ ءىس تىندىرۋعا ۇمتىلاتىن جاندار وسى ادىسكە جۇگىنەدى. ال، شىن مانىسىندە، قولعا العان ءىسى كوپ، ال جۇزەگە اسقانى – ساۋساقپەن سانارلىق.
ويىڭىزعا تىنىم بەرىپ، جۇمىستان بوساتىڭىز
تەلەفون ءنومىرىڭىزدى تەك سەنىمدى ادامىڭىزعا بەرىپ، شۇعىل ارالاسۋىڭىزدى تالاپ ەتەتىن جاعدايلاردا عانا قوڭىراۋ شالۋىن سۇراڭىز. ميىڭىزدى جۇمىس جايلى ويدان بوساتىپ، تىنىقتىرۋ اعىمداعى ماسەلەلەرىڭىزگە جاڭا قىرىنان قاراۋعا مۇمكىندىك بەرەدى.
جۇمىسىڭىزدى وزگەگە تاپسىرا ءبىلىڭىز
تابىستى ادامدار وزىنەن وزگە دە اقىلدى، دارىندى ادامدار بار ەكەندىگىن مويىنداي بىلەدى. سوندىقتان وزگەلەرگە قالتقىسىز سەنۋگە ۇيرەنىپ، ءوز ءىسىن تابىستاي الادى.
تەحنولوگيالاردى قولدانىڭىز
جۇمىس نە ساباق كەستەسىن كۇنتىزبەگە ەنگىزۋ ءۇشىن ۋاقىت جۇمساۋدىڭ قاجەتى نە؟ تەحنولوگيا كۇن ساناپ دامۋ ۇستىندە. نەلىكتەن ولاردى دۇرىس ءارى ءتيىمدى قولدانىپ، جۇمىسىمىزدى جەڭىلدەتپەسكە؟
اتالعان تاقىرىپ كۇنى بۇگىن عانا كوتەرىلگەن ەمەس. قاي زاماندا دا ادامدار كوكەيىندە سانسىز ساۋال تۋىنداتقان. دەسە دە تابىستى ادامداردىڭ قۇپياسىن بىلسەڭىز، پىكىر قالدىرىپ، ويىڭىزبەن ءبولىسىڭىز. بالكىم، ءدال ءسىزدىڭ پىكىرىڭىز تالاي جانعا قانات ءبىتىرىپ، ارمانىنا جول اشار.
وقۋعا كەڭەس بەرەمىز:
مىندەتتەردى قالاي جەڭىلدەتۋگە بولادى؟
7 پايداسىز ارەكەتتەن باس تارتىپ، ءومىرىڭدى وزگەرت
ءومىرىڭىزدى قۇر وتكىزىپ جاتقانىڭىزدىڭ 13 بەلگىسى
جالقاۋلىقتى جەڭۋدىڭ ەڭ جاقسى ءادىسى
You Might Also Like
-
باتىس قازاقستان وبلىسى اكىمدىگى ءبىلىم باسقارماسى كازتالوۆ اۋدانىنىڭ «پسيحولوگيالىق-پەداگوگيكالىق تۇزەۋ كابينەتى» «پسيحولوگيالىق-پەداگوگيكالىق تۇزەۋ كابينەتىنىڭ» تاربيەلەن...
-
ۇندەستىك دەگەن ەكى داۋىستىڭ بىردەيلىگى ەمەس، ەڭ كەم ەكى ءتۇرلى داۋىستىڭ قيىسۋى ەمەس پە؟ ءسوز كوركەمدىگى وسى مىنەزدەس. ءبىر ءسوز ءبىر سوزگە جارىعىن دا ءتۇسىرىپ تۇرادى، كولەڭكەسىن دە ءتۇسىرىپ تۇرادى.
