InfoHub Logo

شىعىس قازاقستان وبلىسى،
زىريان اۋدانى، «زىريان قالاسىنىڭ
№9 ورتا مەكتەبى» كمم
باستاۋىش سىنىپ ءمۇعالىمى
ماتايەۆا اگليمان بۋلتۋكانوۆنا

دۇنيەتانۋ پانىنەن ساباق جوسپارى. 2 - سىنىپ.
تاقىرىبى: «تابيعات» تاراۋىنان وتكەن تاقىرىپتاردى قايتالاۋ. تەست.
ماقساتى: وقۋشىلاردىڭ وتىلگەن ماتەريالداردان بىلىمدەرىن جۇيەلەۋ، بەكىتۋ، قالاي تۇسىنگەندەرىن بايقاۋ؛ ءومىر تاجىريبەلەرىن قولدانا وتىرىپ، تەوريا مەن پراكتيكانىڭ بىرلىگىن ۇشتاستىرۋ، بايلانىستىرىپ سويلەۋىن دامىتۋ، پانگە قىزىعۋشىلىقتارىن ارتتىرۋ؛ تابيعاتتى قورعاۋدى دارىپتەۋ.
كۇتىلەتىن ناتيجە:
1. وقۋشىلاردىڭ كوكجيەك تۋرالى بىلىمدەرى ناقتىلانادى؛
2. اۋا، قاسيەتتەرى تۋرالى بىلىمدەرى جۇيەلەنەدى؛
3. سۋ تۋرالى بىلىمدەرى تولىقتىرىلادى؛
4. توپىراق تۋرالى بىلىمدەرى كەڭەيتىلەدى؛
قۇرالدار. پاراقشالار، تەست تاپسىرمالارى؛ ستيكەرلەر، فلوماستەرلەر

1. ۇيىمداستىرۋ:
ءتالىم ءساتى: مۋزىكا ويناپ تۇرادى. وقۋشىلار كوڭىلدى مۋزىكا اۋەنىمەن سىنىپ بولمەسىنە كىرەدى. ءبارى ءبىزدىڭ قولىمىزدا، جاقسى ءىس جاساپ، ناتيجە كورسەتە ءبىلۋ دە ءبىزدىڭ قولدا!

2. ساباق ماقساتىن حابارلاۋ.
- ءبىز بۇگىن دۇنيەتانۋ ساباعىنان وتىلگەن «تابيعات» تاراۋىنىڭ ءتورت تاقىرىبى بويىنشا بىلىمدەرىمىزدى قايتالاپ، بەكىتەمىز، قالاي تۇسىنگەنىمىزدى تەكسەرىپ، تەست تاپسىرامىز.
تابىس كريتەرييىن ۇسىنۋ:
- وتىلگەن تاقىرىپتار بويىنشا ءبىر - بىرىمىزبەن ءبىلىمىمىزدى ءبولىسۋ؛
- ساباقتا ءومىر تاجىريبەمىزدەن العان ءبىلىمىمىزدى قولدانۋ؛
- شىعارماشىلىقپەن بەلسەندى جۇمىس جاساۋ؛
ءاربىر وقۋشى ستيكەرگە ءوز جاۋاپتارىنا وراي + بەلگىسىن قويىپ وتىرادى. ساباق سوڭىندا بارلىق ۇپاي سانى جيناقتالىپ، قورىتىندى باعا قويىلادى.
ال، ىسكە ءسات. بۇگىنگى ساباقتا بارلىعىڭا ساتتىلىك تىلەيمىن.

3. ءۇي تاپسىرماسىن تەكسەرۋ.
«جۇبىڭمەن تالدا»: اركىم ءۇي تاپسىرماسىن ورىنداپ كەلدى. بارلىعى ورىندارىنان تۇرىپ، باسقا توپتىڭ مۇشەلەرىمەن جۇپتاسادى. ءوز ەسسەلەرىن ءبىر - بىرىنە وقىپ بەرىپ، دۇرىس - بۇرىسىن تالدايدى. اقىلداسىپ، ءبىر - بىرىنە باعا قويادى.
«كۇن، اي، بۇلت».

4. ءبىلىم قايتالاۋ. 5 كەزەڭنەن تۇرادى.
1 - كەزەڭ: ءومىر تاجىريبەمىزدەن...... تابيعاتتان بايقاعاندارىڭ بويىنشا ءوز بىلىمدەرىڭمەن بولىسىڭدەر. ءار سۇراققا جاۋاپ بەرگەن وقۋشى 1 ۇپاي الادى.
1. سولتۇستىككە قاراما - قارسى قاي باعىت ورنالاسقان؟
2. سۇلبا مەن سۋرەتتىڭ ايىرماشىلىعىن اتا:
3. داپتەرىڭە سىنىپتىڭ سۇلباسىن قالاي سالار ەدىڭ؟ (ماسشتابىن كىشىرەيتىپ)
4. قانداي شار سۋعا باتپايدى؟
5. جانىپ تۇرعان مايشام توبەسىن جاۋىپ قالساق نە بولادى؟
6. جۇقا كيىممەن ادام نەگە توڭادى؟
7. 3 مايشام تۇر. ونىڭ 1 - ەۋىن ءوشىرىپ تاستاپ ەدىم، نەشە مايشام قالادى؟
8. دوپ نەگە سەكىرەدى؟ ونى سەكىرتىپ تۇرعان نە؟
9. قۇس اۋامەن عانا ۇشا الادى. نەگە؟
10. ءبىزدى نەگە كۇن كۇيدىرىپ كەتپەيدى؟

قورىتىندى: كىم نەشە سۇراققا جاۋاپ بەردى، وزدەرىڭە سونشا ۇپاي قويىڭدار.

2 - كەزەڭ. «كونۆەرتتەگى سۇراق». «دوستار جازعان اڭگىمە»- دەپ اتالادى. سەندەردىڭ ءوز دوستارىڭ اڭگىمە جازىپ وتىر. سوندىقتان، توپپەن وقىپ تالداپ، كەلىسەسىڭ بە، جوق پا، ءوز پىكىرلەرىڭمەن بولىسىڭىزدەر. تاعى نە قوسار ەدىڭدەر؟
توپتار1 مينۋت اقىلداسىپ، ءوز ويلارىن ايتادى. ۇجىمعا ءبىر وقۋشى شىعىپ، توپتىڭ پىكىرىن بىلدىرەدى.
باسقا توپتار «ەكى جۇلدىز، ءبىر تىلەك» ايتادى.

تالداناتىن تاقىرىپتار:

جەردىڭ كورىنبەيتىن كيىمى - اۋا دەپ سانايمىن. ول بىزگە كورىنبەيدى. ءيىسسىز، ءتۇسسىز، سىعىلادى. قىزدىرعاندا كولەمى ۇلعايادى. اۋانى ءبىز تازا ۇستاۋىمىز كەرەك. كىر اۋامەن دەمالساق، ءبىز ەسىمىزدەن تانىپ قالامىز. اۋانىڭ كومەگىمەن قۇستار ۇشا الادى، ويتكەنى ولاردىڭ قاۋىرسىنىندا اۋا بار.
مەن سۋمىن.
مەن سۋمىن. جەر بەتىنىڭ تورتتەن ءۇش بولىگىن الىپ جاتىرمىن. كوزگە كورىنەمىن جانە ەريتىن زاتتاردى ەرىتەمىن. مەن كەيدە سۇيىق، گاز، قاتتى كۇيدە كەزدەسەمىن. ادامداردىڭ دەنەسىنىڭ 65 پايىزىن الىپ جاتىرمىن. مەن تىرشىلىك كوزىمىن. ادەمىلىكتى ساقتايمىن. سۋدىڭ جانىنداعى اعاشتاردى كەسۋگە بولمايدى. وزەننىڭ سۋىن ىشۋگە بولمايدى. ويتكەنى، ول تۇششى. تەڭىزدىڭ سۋى اششى بولادى.
مەن توپىراقپىن.
جەردىڭ قۇنارلى، ءارى جۇمساق قاباتى توپىراق دەگەن مەن بولامىن. مەن بۇكىل جەر بەتىنىڭ اسىراۋشىسىمىن. مەنىڭ بويىمنان سۋ، اۋا، ءشىرىندى، قۇم، سازدى كورۋگە بولادى. الەمدەگى بۇكىل جەر، سۋدىڭ قۇرامىن دا رەتتەپ وتىرامىن. وسىمدىكتەردىڭ جايقالىپ وسۋىنە، ادامدار، جانۋارلاردىڭ تىرشىلىك ەتۋىنە كومەكتەسەمىن. قۇمدى، سازدى جەردىڭ توپىراعى قۇنارلى بولادى. جانۋارلار ءۇشىن مەن باسپانا بولىپ سانالامىن.
مەن تابيعاتپىن.
ادام تابيعاتتان جارىق، سۋ، اۋا، جىلۋ، تاماق الادى. وسىمدىكتەردى سۋارۋ، سىندىرماۋ، اعاشتاردىڭ ءدىڭىن اكتەۋ، دالاعا قوقىس تاستاماۋدى ءبىزدىڭ تابيعاتقا جاساعان قامقورلىعىمىز دەپ بىلەمىن. ادام تابيعاتقا شىققاندا كوكجيەك تۇستارىن ءبىلۋى شارت. كوكجيەك تۇستارىن انىقتايتىن قۇرالدى قول ساعات دەپ اتايدى. ال، تاپا تال تۇستە كۇنگە ارقاڭدى قاراتىپ تۇرساڭ، كولەڭكەڭمەن دە تۇستاردى انىقتاۋعا بولادى.
توپ جەتەكشىلەرى، توپ مۇشەلەرىنىڭ جۇمىس ىستەۋىنە قاراي ۇپاي بەرەدى.
3 - كەزەڭ: «ىشىنە، تىسقارى»
ءار توپقا سوزدەر بەرىلەدى. سول سوزدەردىڭ ىشىنەن تاقىرىپقا ساي سوزدەردى الىپ جابىستىرادى.

1 - توپ: «سۋ»: جابىسقاق، سەرپىلەدى، اعادى، ءتۇسسىز، ءمولدىر، سىعىلادى، تۇراقتى ءپىشىنى بولمايدى، تىرشىلىك كوزى، قاتتى، سۇيىق، گاز تۇرىندە بولادى، سۇيىق، ەرىتكىش، ءيىسسىز، جىلۋدى ساقتايدى.
2 - توپ: «اۋا»: جابىسقاق، سەرپىلەدى، اعادى، ءدامسىز، ءتۇسسىز، ءمولدىر، سىعىلادى، تىرشىلىك كوزى، ەرىتكىش، ءيىسسىز، جىلۋدى ساقتايدى، بارلىق جەردە كەزدەسەدى، ورنى بار، جەڭىل، وتتى جانعىزادى، كوزگە كورىنبەيدى.
3 - توپ: «توپىراق»: سەرپىلەدى، قۇم، ساز، ءشىرىندى، اۋا، سۋ، جابىسقاق، ەرىتكىش، وسىمدىك وسەدى، جۇمساق قابات، قۇنارلى، قورەك كوزى، باسپانا.
4 - توپ: «كوكجيەك»: تۇسباعار، كوكجيەك سىزىعى، سولتۇستىك، باتىس، شىعىس، وڭتۇستىك، سۇلبا، سۋرەت، ماسشتاب، ءيىسسىز، سەرپىلەدى، قۇنارلى.
«كىر جاياتىن جىپكە» توپتار ونىمدەرىن ءىلىپ، قورعايدى.
توپ جەتەكشىلەرى، توپ مۇشەلەرىنىڭ جۇمىس ىستەۋىنە قاراي ۇپاي بەرەدى.
4 - كەزەڭ: تەست. 5 - سۇراق بەرىلەدى. 5 مينۋت ۋاقىت. 5 مينۋت تەكسەرەدى. باعالاۋ.
«كۇن، اي، بۇلت» دۇرىس جاۋاپ ەكراندا كورسەتىلەدى.


سلايدىن جۇكتەۋ