InfoHub Logo

ماقساتى: بالالاردىڭ تابيعاتقا دەگەن سۇيىسپەنشىلىگىن ارتتىرۋ، اسەمدىكتى كورە بىلۋگە، تابيعاتتى قورعاپ ايالاۋعا ۇيرەتۋ. بالالارعا قىس تۋرالى تۇسىنىك بەرۋ، قىس مەزگىلىنىڭ ەرەكشەلىگىن ءتۇسىندىرۋ. بالالاردىڭ سوزدىك قورىن بايىتۋ، تاربيەشىنى تىڭداي وتىرىپ وزدىگىنەن بايلانىستىرا جاۋاپ بەرۋگە جەتەلەۋ.
دامىتۋشىلىعى: بالالاردىڭ تابيعات جونىندە وي - ءورىسىن دامىتۋ.
تاربيەشىلىگى: ۇيىمشىلدىققا جانە ءوزارا سىيلاستىققا تاربيەلەۋ.

شاتتىق شەڭبەر.
قايىرلى كۇن، كۇنىم، دالام، ورمانىم،
قايىرلى كۇن، گۇلىم، قۇسىم، كولدەرىم.
قايىرلى كۇن، وسىمدىكتەر، جاندىكتەر
قايىرلى كۇن، بار تىرشىلىك يەسى!

- بالالار ءقازىر جىلدىڭ قاي مەزگىلى (قىس)
- قىستا نەشە اي بار؟ (جەلتوقسان، قاڭتار، اقپان)
تابيعات دەگەنىمىز بالالار ول ءبىزدى اينالامىزدى قورشاعان ورتا.
تابيعاتقا نەلەر جاتادى؟
سلايد قاراۋ.

بالالار، تابيعات الەمىنە ورمانعا ساياحاتقا بارعىلارىڭ كەلەمە؟
- ارينە
ەندى ساياحاتقا بارۋ ءۇشىن مەنى تىڭداڭىزدار!
پسيحو جاتتىعۋ: بالالار دەنەلەرىڭدى تىك ۇستاپ، باستارىڭدى جوعارى كوتەرىپ، ىڭعايلانىپ وتىرىڭدار. كوزدەرىڭدى جۇمىپ، تەرەڭ تىنىس الىپ، تازا اۋانى جۇتايىق. (اۋەن "تابيعات ءۇنى")
ال ەندى كوزدەرىڭدى اشىپ، قانداي اسەر العاندارىڭدى ايتىڭدارشى؟
- سۋدىڭ، قۇستاردىڭ، جاڭبىردىڭ داۋىستارىن ەستىدىك.
تاربيەشى:- دۇرىس ايتاسىڭدار بالالار، ەندەشە ءبىز ورمانعا كەلدىك.
- جەردە نە جاتىر؟(قار)
- اۋا رايى قانداي؟(سۋىق)
- اينالاعا قاراڭدارشى، نە كورىپ تۇرسىڭدار؟(اعاشتاردى)
- اعاشتاردىڭ جاپىراقتارى بار ما؟ نەگە؟(قىستا اعاشتاردىڭ جاپىراقتارى بولمايدى)
- اعاشتاردىڭ پايداسى بار ما؟(ولار اۋانى تازارتادى)
بالالار سۋرەت تۇر، قاراڭدارشى.
ورماندى ورتتەن قورعايىق. (سۋرەت)
بالالار ورمانعا ساياحاتقا بارعاندا وت جاعۋعا بولا ما، قالاي ويلايسىڭدار؟
- ورمانعا بارعاندا وت جاعۋعا بولمايدى. سەبەبى ورمان اعاشتارى جانىپ كەتەدى. اڭدار كۇيىپ قالادى. قۇستار مەن جاندىكتەرگە زيان تيەدى.
- دۇرىس ايتاسىڭدار بالالار، ورمانعا بارعاندا وت جاعۋعا بولمايدى. تابيعاتتى قورعاۋىمىز كەرەك.
- بالالار، تىڭداڭدارشى جىلاعان داۋىس ەستىلەدى؟ بۇل كىم ەكەن؟
قويان:- سەندەر كىمسىڭدەر؟ ورماندا نە ىستەپ جۇرسىڭدەر؟
تاربيەشى: بۇل 2 - سابيلەر توبىنىڭ بالالارى. ءبىز ورمانعا ساياحاتقا كەلدىك. ال سەن نەگە جىلاپ ءجۇرسىڭ
قويان: ماعان دوستارىم حات جازىپ جانە كەزدەسەتىن ورنىمىزدىڭ سىزباسىن قاعازعا سالىپ بەرىپ جىبەرىپتى، مەن سول جولداردىڭ ءبارىن ءوتتىم، ءبىراق مەن ولاردى تابا الماي ءجۇرمىن.
- قويان قانە قاعازىڭدى قارايىق سەن جۇرگەن جولدارىڭدى كورسەت. بالالار قوياننىڭ وتكەن جولدارىنا بەلگى رەتىندە قوياننىڭ سۋرەتىن جابىستىرايىق جانە كىمدەرمەن كەزدەسەتىنىن انىقتايىق.
جاپسىرۋ.
- جارايسىڭدار بالالار، مەنىڭ كەزدەسەتىن دوستارىم سەندەر ەكەنسىڭدەر عوي، وتە قۋانىشتىمىن. بالالار مەن جول ءجۇرىپ شارشاپ قالدىم.
- بالالار قانە وندا قويانمەن بىرگە بويىمىزدى سەرگىتىپ الايىق.

سەرگىتۋ ءساتى
ۇزىن قۇلاق سۇر قويان
ەستىپ قالىپ سىبدىردى،
ويلى - قىرلى جەرلەرمەن
ىتقىپ - ىتقىپ جۇگىردى.

بالالار قاراڭدارشى تابيعات دەگەن قانداي ادەمى، بالالار ءبىز تابيعات جايلى تاقپاقتار بىلەمىزبە؟

كۇن ساۋلەسى توگىلگەنى ادەمى،
الۋان ءتۇرلى قىزىل گۇلدەر ادەمى.
سىلدىر قاققان ءمولدىر سۋدا ادەمى.
بيىك - بيىك شىڭدارىم دا ادەمى.
ايدىن كولدە اققۋ قانداي ادەمى،
سۇڭقار قۇستىڭ سامعاعانى ادەمى.
دالانى انگە بولەگەن قۇستارىم قانداي ادەمى،
تابيعاتپەن سىرلاسۋدا ادەمى.
جەر – انانى ايالاساڭ جان – تانىڭمەن،
بولاسىڭدار سەندەر دە، دۇنيەدەگى ەڭ ادەمى!

سۇيەيىك، تابيعاتتى ايالايىق!
ءبىز دە ونان جاقسىلىقتى ايامايىق!
تابيعاتتان ءنار العان عوي جانىمىز،
ۇسىنايىق جۇرەك نۇرىن ءبارىمىز.
- بالالار سەندەرمەن ويىن ويناعىم كەلىپ تۇر.
ويىن: "ءوز ءۇيىڭدى تاپ"
- قويان ءبىز ءدىڭ بالالار ساعان ارناپ سىيلىق الىپ كەلدى.
قويان؛- راحمەت بالالار قانداي ءبىلىمدى، اقىلدى بالالارسىڭدار، مەن وتە قۋانىشتىمىن. سەندەردىڭ جاساعان سىيلىقتارىڭدى ورمانداعى دوستارىما كورسەتكەنشە اسىعىپ تۋرمىن. مەندە دوستارىما سىيلىق الىپ كەلدىم.

- قويان سەنى كورگەنىمىزگە بىزدە قۋانىشتىمىز، ءبىزدىڭ توپقا قايتاتىن ۋاقىتىمىز بولدى. ساۋ بول!
توپقا قايتۋ.
پسيحوجاتتىعۋ: بالالار دەنەلەرىڭدى تىك ۇستاپ، باستارىڭدى جوعارى كوتەرىپ، ىڭعايلانىپ وتىرىڭدار. كوزدەرىڭدى جۇمىپ، تەرەڭ تىنىس الىپ، تازا اۋانى جۇتايىق. (اۋەن "تابيعات ءۇنى")

قورىتىندىلاۋ، بالالاردى ماقتاۋ ماداقتاۋ.
حورمەن:
تابيعات سەنى سۇيەمىز،
باسىمىزدى يەمىز!

بالاباقشا تاربيەشىسى: جارييەۆا جاينا ابىلاييەۆنا