تانىمال جازۋشىلار جايلى بەيمالىم دەرەكتەر
تانىمال ادەبيەتشىلەردىڭ ءومىرى جايلى، وشپەس تۋىندىلارىن قالاي شىعارعاندىعى جايلى كوپتەگەن مالىمەت بار. دەگەنمەن، بولمىسى بولەك جازۋشىلار وزگەنىڭ ومىرىنە ۇقسامايتىن ەرەكشە عۇمىر كەشكەن. بالكىم سول وزگەشەلىگىنىڭ ارقاسىندا وشپەس تۋىندىلاردى دۇنيەگە اكەلگەن بولار؟!
چارلز ديككەنس
جانىپ تۇرعان شامنىڭ جانىندا ءاردايىم شىبىن-شىركەيلەر ءۇيىلىپ جۇرەدى، ءبىراق بۇعان شام كىنالى مە؟
چارلز ديككەنس
— ديككەنس گيپنوزبەن اۋەستەنگەن.
— ديككەنستىڭ سۇيىكتى ساۋىعىنىڭ ءبىرى پاريج بەيتىنە بارىپ، بەيمالىم دەنەلەردى كورسەتۋ بولعان.
— چارلز ديككەنس ءاردايىم باسىن سولتۇستىككە قاراتىپ جاتقان. سونىمەن بىرگە شىعارمالارىن جازعاندا بەتىن سولتۇستىككە قاراتىپ وتىرعان.
وسكار ۋايلد
مەن ءمانسىز بىردەڭەلەر ايتقاندى جاقسى كورەمىن — سونى عانا جاقسى مەڭگەرگەنمىن.
وسكار ۋايلد
— وسكار ۋايلد ديككەنستىڭ شىعارمالارىن ەشقاشان بايسالدى قابىلداماعان جانە ءار سەبەپپەن مازاقتاپ كۇلەتىن. جالپى زاماناۋي جازۋشىلار چارلز ديككەنسكە ەشقاشان بريتانيانىڭ ۇزدىك جازۋشىلارىنىڭ تىزىمىنە كىرمەيسىڭ دەگەن.
— 1878 جىلى وكسفوردتى ۇزدىك بىتىرەدى.
— ولەر الدىندا ۋايلد كەيبىر سەبەپتەرگە بايلانىستى اتىن سەباستيان مەلموت دەپ اۋىستىرعان.
ەرنەست حەمينگۋەي
ناعىز ەرجۇرەك ادامدارعا دۋەلگە شىعۋدىڭ قاجەتى جوق، ءبىراق مۇنى كوپتەگەن قورقاق مىنەزدىلەر ءوز ەرجۇرەكتىلىگىنە سەندىرۋ ءۇشىن جاسايدى.
ەرنەست حەمينگۋەي
— ەرنەست حەمينگۋەي پەيرافوبيامەن (كوپشىلىكتىڭ الدىندا سويلەۋدەن قورقۋ) اۋىرعان جانە وقىرماندارىنىڭ جىلى لەبىزدەرى مەن ماقتاۋ سوزدەرىنە ەشقاشان سەنبەگەن. ءتىپتى دوستارىنا دا سەنبەگەن.
— حەمينگۋەي بەس سوعىستى باستان كەشكەن، ءتورت كولىك اپاتىن جانە ەكى اۋە اپاتىنا ۇشىراعان.
— حەمينگۋەي ونى فتب (FBI) باقىلاپ جۇرگەنىن ءجيى ايتاتىن. اڭگىمەلەسۋشىلەرى مۇنى جازۋشىنىڭ قيالى دەپ ويلايتىن، ءبىراق سوڭىندا بۇل راس بولىپ شىقتى – بۇل جازۋشىنىڭ پارانويياسى ەمەس، جازۋشىنىڭ سوڭىنان ناقتى باقىلاۋ بولعانىن قۇپياسى اشىلعان قۇجاتتار راستاعان.
ليۋيس كەررولل
بۇل الەمدە ءبارى ەسىنەن اداسقان.
ليۋيس كەررولل
— كەررولل جەكە كۇندەلىگىندە ءاردايىم قاندايدا ءبىر كۇناسىنا وكىنەتىنىن جازعان. دەگەنمەن، جازۋشىنىڭ بەينەسىنە كىر كەلتىرمەۋ ءۇشىن بۇل بەتتەردى جانۇياسى جىرتىپ تاستاعان. زەرتتەۋشىلەردىڭ كەيبىرى "دجەك-پوتروشيتەل" ءدال وسى كەررولل بولعان دەگەندى ايتادى.
— كەررولل سۋ بەزگەگىمەن، سيستيتپەن، قۇياڭمەن، قىشىمامەن، فۋرۋنكۋلەزبەن، ارتريتپەن پليەۆريتپەن، ريەۆماتيزممەن، ۇيقىسىزدىقپەن جانە تاعى باسقا كوپتەگەن اۋرۋلارمەن اۋىرعان. بۇدان وزگە، ونىڭ ۇزدىكسىز – جانە قاتتى – باسى اۋىراتىن بولعان.
— كەررولل ۇشدوڭگەلەكتى ۆەلوسيپەد، اتتار مەن داتالاردى جاتتاۋعا ارنالعان منەمونيكالىق جۇيەنى جانە ەلەكترلىك قالامدى ءوزى ويلاپ تاپقان.
فرانس كافكا
وتىرىك ايتۋعا سىلتاۋ از بولعاندا ەمەس، وتىرىك از ايتقان ۋاقىتتا وتىرىك از ايتىلادى.
فرانس كافكا
— كلەكر بولىپ جۇمىس ىستەگەن. زاماناۋي كورىنىس بويىنشا وفيستە وتىراتىن قاراپايىم بەيباق قىزمەتكەر بولعان.
— فرانس كافكا قاساپشىنىڭ نەمەرەسى بولاتىن جانە ءوزى ەت جەمەيتىن.
— ءومىر بويى ول قوعام اراسىندا ەلەۋسىز قالعان بىرنەشە اڭگىمەلەرىن عانا جاريالاعان. ولەر الدىندا ول وزىنەن وسيەت العان ماكس برودقا قولجازبالارىنىڭ كوزىن قۇرتۋدى تاپسىرادى. ءبىراق ماكس برود حال ۇستىندەگى ادامنىڭ ءوتىنىشىن ورىندامايدى. وسىلايشا فرانس كافكا ولگەننەن سوڭ اتاقتى جازۋشىعا اينالادى.
— قازىرگى ۋاقىتتا كافكا پراگانىڭ باستى ماسكوتتارىنىڭ (اتاقتى) ءبىرى سانالادى.
ۋيليام شەكسپير
وزگەنىڭ كۇناسىن پاش ەتۋگە اسىقپاڭىز، ءوز كۇناڭىزدى ساناساڭىز، وزگەنىكىنە جەتپەي قالاسىز.
ۋيليام شەكسپير
— ۋيليام شەكسپيردىڭ تۋىلعان كۇنى مەن ولگەن كۇنى ءبىر – 23 ءساۋىر.
— زامانداستارى شەكسپيردىڭ قاسكويلىككە اۋەس بولعانىن ايتادى. ول ەش رۇقساتسىز سەر توماس ءليۋسيدىڭ يەلىگىندەگى ەلىكتەردى اڭدىعان.
— شەكسپيردىڭ قۇرمەتىنە مەركۋرييدەگى كراتەر اتالعان.
— سان جىلدار بويى ونىڭ اتىمەن شىققان شىعارمالاردى ناقتى ول جازعان با، جوق پا دەگەن پىكىرتالاستار ايتىلىپ كەلەدى.
ليەۆ تولستوي
كەيبىر ادامدار ەستە ساقتاۋ قابىلەتى ناشار بولعاندىقتان، ارىم تازا دەپ ويلايدى.
ليەۆ تولستوي
— سوفيا بەرسپەن نەكە ءتۇنىنىڭ الدىندا 34 جاسار ليەۆ تولستوي 18 جاسار جاڭا تۇسكەن ايەلىنە كۇندەلىگىندەگى ءوزىنىڭ وزگە ايەلدەرمەن، اسىرەسە كرەپوستنوي شارۋا ايەلدەرىمەن ماحاببات شىتىرماندارى ەگجەي-تەگجەيلى جازىلعان بەتتەرىن وقۋعا ماجبۇرلەگەن. تولستوي ايەلى ەكەۋى اراسىندا ەشقانداي قۇپيا بولماعانىن قالاعان.
— ليەۆ تولستوي روماندارىنا سىني كوزبەن قاراعان، ونىڭ ىشىندە «سوعىس پەن بەيبىتشىلىككە» دە. 1871 جىلى ول فەتكە حات جىبەرەدى: «بۇدان بىلاي «سوعىس» سياقتى ۇزىن-سونار تۇككە تۇرمايتىن شىعارمالاردى جازبايتىنىما قۋانىشتىمىن».
— ليەۆ تولستوي ىشكى كرەستتىڭ ورنىنا فرانسۋز اعارتۋشىسى ج.ج.رۋسسونىڭ سۋرەتىن تاعىپ الىپ جۇرەتىن بولعان.
اگاتا كريستي
اڭگىمەلەر ادامدارعا ويلانۋعا كەدەرگى كەلتىرۋ ءۇشىن ويلاپ تابىلعان.
اگاتا كريستي
— ءبىرىنشى دۇنيەجۇزىلىك سوعىس كەزىندە ول اسكەري گوسپيتالدا مەدبيكە بولىپ جۇمىس ىستەگەن. كەيىن ءدارىحانادا جۇمىس ىستەگەن، سەبەبى ۋلاردى جاقسى ايىرا العان، جانە كىتابىنداعى كوپتەگەن ءولىم وسى ۋ ىشكەننەن ورىن العان.
— اگاتا كريستي ديسگرافيامەن اۋىرعان، ياعني قولمەن جازا المايتىن بولعان. ونىڭ بارلىق تانىمال روماندارى ايتىپ وتىرۋ بويىنشا جازىلعان.
— اگاتا كريستيدىڭ تانىسى برايان الديسس بىردە ونىڭ ادىستەرى جايلى ايتىپ بەرگەن – «ول كىتاپتى سوڭىنا تارماعىنا دەيىن جازىپ شىعاتىن دا، كەيىن ەڭ الماعايىپ كۇدىكتىنى تاڭداپ، ونى اياقتان شالۋ ءۇشىن باستاپقى تارماعىنداعى كەيبىر جەرلەرىن وزگەرتەتىن بولعان».
انتون چەحوۆ
ونەر مەن مادەنيەتتىڭ ءدامىن كورىپ، راحاتىن سەزىنە العان ادامعا بۇدان ارتىق بايلىق كەرەك ەمەس.
انتون چەحوۆ
— انتون چەحوۆ اسا ىجداھاتتىقپەن پوشتا ماركالارىن توپتاستىرعان. ول ءومىر بويى ولاردى جيناپ وتكەن.
— انتون چەحوۆ كومپوزيتور چايكوۆسكيمەن دوس بولعان جانە وعان «تۇنجىراعان ادامدار» اڭگىمەلەر جيناعىن ارناعان.
— 3ء-شى سىنىپتا اۋىزشا اڭگىمەلەۋدەن ناشار بولعاندىقتان ەكىنشى جىلعا قالىپ قالعان.
— چەحوۆ شىعارمالارىن جازار الدىندا مەرەكەلىك كيىم كيىپ الاتىن بولعان.
ارتۋر كونان دويل
تىم ناقتى دەرەكتەرگە جەتەر جالعان ەشتەڭە جوق.
ارتۋر كونان دويل
— شەرلوك حولمستى ويلاپ تاپقان ارتۋر كونان دويل وككۋلتيست بولعان جانە كىشكەنتاي قاناتتى پەريزاتتاردىڭ ءومىر سۇرەتىنىنە سەنگەن.
— ارتۋر كونان دويل شەرلوك حولمس جايلى اڭگىمەلەرىندە كريميناليستيكانىڭ سول كەزدەرى پوليسياعا ءمالىم بولماعان كوپتەگەن ادىستەرىن سيپاتتايدى. ولاردىڭ ىشىندە تەمەكى تۇقىلدارى مەن كۇلىن جيناۋ، باسۋ ماشيناسىن يدەنتيفيكاسيالاۋ، وقيعا ورىن العان جەردەگى ىزدەردى لۋپا ارقىلى قاراۋ. كەيىن پوليسيا قىزمەتكەرلەرى حولمستىڭ وسى جانە وزگە دە ادىستەرىن پايدالانا باستايدى.
— ارتۋر كونان دويل بىردە شەرلوك حولمس جايلى «بىردە-بىر سۇيكىمدى قاسيەتى جوق ناشاقور» دەگەنى ءۇشىن بەرنارد شوۋمەن ناشار قارىم-قاتىناستا بولعان.
— ارتۋردىڭ ءقابىر ۇستىندەگى قۇلپىتاسىندا جەسىر ايەلىنىڭ ءوتىنىشى بويىنشا سەرىلىك ۇران جازىلعان: Steel True، Blade Straight («بولاتتاي سەنىمدى، ءدال قىلىشتىڭ جۇزىندەي»).
You Might Also Like
-
تۋعان جەر - ادام ومىرىندە كيەلى ورىن الادى. ناقتى وسى جەر ونى ەلىمەن، وتكەنمەن جانە بولاشاقپەن بايلانىستىرادى. مىنە، سوندىقتان دا ءتىپتى بالالىق شاقتان باستاپ-اق ا ادامدا وتانعا دەگەن ماحاببات سەزىم...
-
استانا. قازاقپارات - قازاقستاندا قازاق، ورىس جانە اعىلشىن تىلدەرىندە وقىتۋدىڭ ءبىرىڭعاي تىلدىك ستاندارتىن قابىلداۋ جوسپارلانۋدا. بۇل تۋرالى بۇگىن 2015 جىلدىڭ قورىتىندىسىن جاساعان ءبىلىم جانە عىلىم مي...
