ءجون-جوسىق
مىڭداعان جىلدار بويى حالقىمىز قازاقتىق قالپىن ساقتاي وتىرىپ، ءومىر تاجىريبەسىندە سالت پەن سانانىڭ، ءار ءىستىڭ رەتى مەن ادەبىن، ءجونى مەن جولىن جاساپ قالدىرعان. وسىدان ۇلتتىق سالت ءداستۇر، ادەت-عۇرىپ، ىرىمدار، ۇعىمدار، تىيىمدار قالىپتاسقان. مىنە، وسىنىڭ ءبارىنىڭ باسىن قۇرايتىن ادەپتەر جيىنتىعى – ۇلتىمىزدىڭ ءجون-جوسىعى تۋىنداعان. مۇنىڭ ءبارى ۇلتتىق مىنەز بەن سانا-سەزىم، ءدىني سەنىم، رۋحاني قازىنا مەن قاعيدالار بايلىعى، ۇلگى-ونەگە، تالىم-تاربيە ەرەجەسىنە نەگىز بولا وتىرىپ، جىل سايىن دامي تۇسكەن. مۇنى حالىق جاساعان دەسەك تە، ونىڭ ىشىندە قاسىم حان سالعان قاسقا جول، ەسىم حان سالعان ەسىكى جول، ءاز تاۋكەدەن جەتكەن «جەتى جارعى» سياقتى ادىلەت، بيلىك زاڭدارىمەن بىرگە تولە بي، قازىبەك بي، ايتەكە بي سىندى قارا قىلدى قاق جارعان ءادىل قازىلار بەلگىلەپ كەتكەن قازاقتىڭ قالىپ پەن قازىنالى قاعيدالار – ادامدىقتىڭ اق جولى.
وسىنداي تاعىلىمدىق ولمەس ونەگە جولدارى مەن ءجون-جوسىقتار حالقىمىزدىڭ بىرلىك، ەرلىك، وتانسۇيگىشتىك، مارتتىك، جومارتتىق، نامىسقويلىق، شەبەرلىك قاسيەتتەرىن ۇرپاقتار بويىنا ءسىڭىرىپ، سول جولدا قىزمەت ەتۋگە ۇيرەتتى. قانداي اۋىر جىلدار، كەزەڭدەر بولسا دا حالقىمىزدىڭ قانىنا ءسىڭىپ، زەردەسىندە ۇيىپ، تازا قازاقىلىق قالىپقا، ادامدىق اسىل قاسيەتتەرگە جەتەلەگەن دە، اعايىندى اداستىرماس ءجون سىلتەر سارا جولىمىز دا وسى ءجون-جوسىعىمىز بولاتىن. ءبىزدىڭ ۇلتتىق كەسكىن-كەلبەتىمىز دە، ابىروي بەدەلىمىز دە وسى جول ارقىلى كورىنەدى.
جوسىق – ادىلەت، شىندىق، ادالدىق ەرەجەسى.
You Might Also Like
-
بۇل جازۋشىلىق شەبەرلىكتى يەمدەنگىسى كەلەتىندەرگە جاي عانا كەڭەستەر ەمەس، بۇل حح عاسىردىڭ ۇلى جازۋشىلارىنىڭ ءبىرىنىڭ ءجۇرىپ وتكەن ءومىر جولى مەن ءومىر سالتى جايلى ەستەلىكتەرى.
