InfoHub Logo

«تاپقىر دوستار» ينتەللەكتۋالدىق ويىن.

ماقساتى: توپتا بىرلەسە جۇمىس ىستەۋگە، باسقا ادامنىڭ جۇمىسىن باعالاۋعا ۇيرەتۋ، قاتىسۋشىلاردىڭ شەبەرلىكتەرىن، وي – ءورىسىنىڭ قىزىعۋشىلىعىن دامىتۋ. بالالاردى ۇيىمشىل بولۋعا، شاپشاڭدىققا، تاپقىرلىققا تاربيەلەۋ.

ويىنعا ءۇش توپ قاتىسادى. ءار توپتا 5 بالادان بولادى. ويىنىمىز 5 كەزەڭنەن تۇرادى.

1-كەزەڭ «كىم تاپقىر؟» ءار توپتان ءبىر قاتىرۋشى ءارىپ تاڭدايدى. قويىلعان سۇراقتارعا سول ارىپتەن سوزدەرمەن جاۋاپ بەرەدى. (ا، ءا، ن).
سۇراقتار
1-توپقا (ن)
1. دوسىڭ كىم؟
2. اناڭنىڭ اتى كىم؟
3. قاي كوشەدە تۇراسىڭ؟
4. ءبىزدىڭ ەڭ قاجەتتى اسىمىز؟
5. كوكتەمدە تويلاناتىن كوجە دايىندالاتىن مەرەكەنى اتا

2-توپقا (ا)
1. جاسىڭ نەشەدە؟
2. شاشىڭنىڭ ءتۇسى قانداي؟
3. قانداي جەمىستى جاقسى كورەسىڭ؟
4. قانداي اڭدى بىلەمىڭ؟
5. ادامداردى تاسىمالدايتىن كولىك.

3-توپقا (ءا)
1. كىمدى جاقسى كورەسىڭ؟
2. سەنىڭ اتىڭ كىم؟
3. تاڭەرتەڭ ادامداردى ۇيقىسىنان وياتىپ، داۋىس شىعاراتىن نە؟
4. ولەڭدى كوپ ايتاتىن ادامداردى نە دەيمىز؟
5. بەسىك جىرى قالاي باستالادى؟

2-كەزەڭ «ويلان، تاپ!»
1. «كەل، بالالار، وقىلىق!» - كىمنىڭ ولەڭى؟ (ى. التىنسارين)
2. ءتىرى تابيعاتقا نەلەر جاتادى؟ (ادام، جانۋارلار، وسىمدىكتەر)
3. ءتورت تۇلىك مالدى اتا؟ (تۇيە، سيىر، جىلقى، قوي، ەشكى)
4. قويان جۇيرىك پە، تاسباقا جۇيرىك پە؟
5. ءولى تابيعاتقا نەلەر جاتادى؟ (سۋ، اۋا، توپىراق، تاس)
6. گەومەتريالىق پىشىندەردى اتا.
7. بەس ساۋساقتى قولعاپتا نەشە ساۋساق بار؟
8. اسپاندا نەشە جۇلدىز بار؟
9. تابيعات دەگەنىمىز نە؟ (اينالانى قورشاپ تۇرعان دۇنيە)
10. اپتا كۇندەرىن اتا.
11. باعدارشامدا نەگە كوزى بار؟
12. جىل مەزگىلدەرىن اتا.

3-كەزەڭ «سيقىرلى پىشىندەر». ءار ءتۇرلى گەومەتريالىق پىشىندەردەن جاڭا ءبىر زات ويلاپ قۇراستىرۋ. (ءۇشبۇرىش، ءتورتبۇرىش، دوڭگەلەك)

4 - كەزەڭ «ماقالدى جالعاستىر». ءتىل جانە ءسوز ونەرى تۋرالى ماقالداردى جالعاستىرۋ.
1. ءتىل تاس جارادى، تاس جارماسا باس جارادى.
2. ءپىل كوتەرمەگەندى، ءتىل كوتەرەدى.
3. جاقسى ءسوز – جارىم ىرىس.
4. ونەر الدى – قىزىل ءتىل.
5. ءسوز ءتۇبىن – ءسوز تابار.
6. ءسوز سوزدەن تۋادى، سويلەمەسە نەدەن تۋادى.
7. ءسوز اسىلى – ماقال.
8. ءسوز شىندى تابار.
9. كوپ ءسوز كومىر، از ءسوز التىن.

4-كەزەڭ «ماتەماتيكالىق جۇمباقتار».
1. بەس المانىڭ ۇشەۋىن
دوسىڭ سۇراپ الادى.
ايتشى سوندا نەشەۋى
ءوز قولىڭدى قالادى؟ (2)

2. تاباقتا تۇر بەس ورىك
قانداي ءتاتتى جەسە ورىك
بەسەۋىندە جەپ قويسام
قالادى سوندا نەشە ورىك؟ (0)

3. كولدەن ۇشتى 4 قاز
قايتىپ كەلدى 2 قاز.
ۇشىپ كەتتى نەشەۋى؟ (2)

5-كەزەڭ «قىزىقتى لوگيكالىق سۇراقتار».
1. پەش تۇبىندە پىرىلداپ ۇيىقتايدى...
2. اكەڭنىڭ اكەسى...
3. ولار ورماندا وسەدى...
4. شىر – شىر ەتىپ ۇشادى...
5. لاقتىڭ ەنەسى...
6. ودان كويلەك، جەيدە تىگەدى...
7. ارىپتەردىڭ تىزبەگى...
8. ول جاۋىننان قورعايدى...
9. بولمەگە كۇننىڭ جارىعى نەدەن تۇسەدى؟
10. ول ءۇي كۇزەتەدى...
11. بالالار جاتاتىن جيھاز...
12. قازاقستاننىڭ استاناسى...