تاراعان وكپە — تاتۋلىقتىڭ يشاراتى
جاسى جاعىنان ەسكەلدى بي ۇلكەن، بالپىق بي كىشى ەكەن دە، دارابوز-انا ولاردىڭ ەكەۋىنەن دە ۇلكەن بولسا كەرەك (توركىنى — كۇشىك، تۇسكەن جەرى — انداستىڭ ىشىندەگى كەنجەكە). بۇرىندار كەلىن اتا-اناسىنىڭ ۇيىنەن ءمىنىپ كەلگەن اتىنا اۋىل بالالارىنىڭ ءبىرىن وتىرعىزاتىن ءداستۇر بولىپتى. دارابوز-انا كەلىن بوپ تۇسكەن كەزىندە الدىنان شىققان ءبىر توپ بالانىڭ ىشىنەن وزىنە ۇناپ كەتكەن بالپىقتى تىك كوتەرىپ الىپ اتىنا مىنگىزگەن ەكەن. ەل ىشىندە «بولاشاق اۋليەنى، بالكىم، ءوزى شاراپاتتى ادام بىلگەن شىعار» دەگەن ءسوز بار.
...بىردە ەسەكەڭ مەن باپەكەن وكپەلەسىپ قاپتى. مۇنى ەستىگەن دارابوز-انا دەرەۋ ەكەۋىن دە قوناققا شاقىرىپ، الدارىنا ءبىر ىدىسپەن اس قويىپتى (ايران بولسا كەرەك)، ەكى قاسىق بەرىپتى. قاسىعىن قولىنا ۇستاعان باپەكەڭ اسىقپاي استان ءدام تاتىپتى دا، قاسىعىن توڭكەرىپ قويا سالىپتى. ەسەكەڭ دە ءدام تاتىپ، قاسىعىن الشىسىنان ءتۇسىرىپتى دە، ارالارىندا دانەڭە بولماعانداي اماندىق-ساۋلىق سۇراسىپ، اكەي-ۇكەي اڭگىمەلەسىپ كەتىپتى.
دارابوز-انا وتكەندى ءسوز ەتپەستەن، كىشىسىنىڭ كىشىرەيىپ، ۇلكەنىنىڭ ۇلكەندىك جاساپ، ءدامىن سىيلاپ وتىرعانىنا ريزالانىپ، شاي قامىنا كىرىسىپتى. وكپە جايىندا ءبىر اۋىز ءسوز ايتىلماسا دا، ولار سولايشا ءبىر-بىرىنىڭ يشاراسىن تۇسىنگەن ەكەن.
You Might Also Like
-
ۇلى ءجۇز ءۇيسىننىڭ ءبىر بالاسى — دۋلات. دۋلاتتان بوتپاي، شىمىر، سيقىم، جانىس تۋادى. قازىرگى شىمىر اۋىلىندا (تالدىقورعان اۋدانى) سول شىمىرلاردىڭ قازدىرعان توعاندارىنىڭ ورنى بار. سونىڭ باسىنان كوم...
-
ءۇزىلىسسىز سوعىس ەلدى ابدەن تيتىقتاتىپ، ىعىر ەتكەن سوڭ ابىلاي از ۋاقىت بولسا دا دامىلداۋ ماقساتىمەن قالدەن سەرەنگە ەلشى جۇمسايدى. وعان باسشى بولىپ ەسكەلدى بارادى. بارعان بەتىندە قالماقتىڭ حانى:
