InfoHub Logo

ءۇزىلىسسىز سوعىس ەلدى ابدەن تيتىقتاتىپ، ىعىر ەتكەن سوڭ ابىلاي از ۋاقىت بولسا دا دامىلداۋ ماقساتىمەن قالدەن سەرەنگە ەلشى جۇمسايدى. وعان باسشى بولىپ ەسكەلدى بارادى. بارعان بەتىندە قالماقتىڭ حانى:

— سويلە! — دەيدى.

— مەن سويلەسەم، بۇرىنعىنىڭ ادامدارى ايتۋشى ەدى: قازاق، قالماق تۋىسقان دەپ. ونى ايعاقتايتىن ۇقساستىعىمىز دا كوپ. ال ارامىزدا الا اۋىزدىق، ارازدىق بولا قالسا:

«داۋدىڭ ءتۇبىن قىز بەكىتەدى،
سۋدىڭ ءتۇبىن شىم بەكىتەدى.
جاۋدىڭ ءتۇبىن ءتىل بەكىتەدى»، —

دەپ جاتاتىن. كەلىسسەڭىزدەر، سۇيەك جاڭعىرتىپ، نە قىز بەرىپ، نە قىز الىپ، تاتۋلاسىپ تىنايىق، — دەيدى ەسكەلدى.

سوندا قالدەن سەرەن:

— تىڭداۋعا ءسوزى جايلى، جۇرەك تەبىرەنتەرلىكتەي دانا ەكەن. قىز بەرسەك، وسىنىڭ وزىنە بەرەلىك! — دەپتى. بۇل ءسوزدى ەستي سالا ەسكەلدى:

— سالتتى ساناسىز بۇزار. ەل اعاسىنان بۇرىن ءىنىسى جول الماس بولار. ابىلاي ەلىمىزدىڭ ايبىنى دا، اعاسى دا، تاقسىر! جول الدىمەن سونداعى قىزدىڭ ەسىمى — قاندان ەكەن دەيدى. قاسىم سۇلتان سول كىسىدەن تۋعان دەسەدى ايتۋشىلار.

---