InfoHub Logo

تاراز قالاسىنداعى نازاربايەۆ زياتكەرلىك مەكتەبىنىڭ ون ەكىنشى سىنىپ وقۋشىسى دانا قۇرمانبەك قۇرعاق سارىسۋ وندىرەتىن بيزنەس-جوباسىن جۇزەگە اسىرۋعا ەكى ميلليون تەڭگە ۇتىپ الدى. ونىڭ بيزنەس-باستاماسىنا «اتامەكەن» ۇلتتىق كاسىپكەرلەر پالاتاسى «بيزنەستىڭ جول كارتاسى-2020» باعدارلاماسى اياسىندا قولداۋ تانىتىپ وتىر.

جاس بيزنەسمەن ءوز يدەياسىن جاقىن ارادا ىسكە اسىرۋدى جوسپارلاپ وتىر. جوسپارىن جۇزەگە اسىرۋعا ينۆەستيسيا دايىن دەيدى ول.

«ءبىزدىڭ ەلگە قۇرعاق ءسۇت سارىسۋى رەسەي مەن بەلارۋستەن يمپورتتالادى. ال ونى ءوزىمىز وندىرە باستاساق قوسىمشا شىعىننان ارىلار ەدىك. قۇرعاق سارىسۋ 150-دەن استام ءونىم تۇرلەرىن شىعارۋعا قولدانىلادى. بۇل - كوسمەتيكالىق جانە فارماسيەۆتيكالىق قۇرالدار، شۇجىق جانە كونديتەرلىك ونىمدەر، بالمۇزداقتىڭ تۇرلەرى»، – دەيدى دانا.

ايتا كەتۋ كەرەك، دانا قۇرمانبەك - باعدارلامانىڭ ەڭ جاس قاتىسۋشىسى. ونىڭ جاسى نەبارى ون سەگىزدە. دانامەن قاتار بايقاۋعا زەينەت جاسىنا دەيىنگى تاجىريبەلى كاسىپكەرلەر دە قاتىسقان. وقۋشى بيزنەس-جوسپارىن جەتەكشىسى، ەكونوميكا ءپانىنىڭ مۇعالىم-مودەراتورى ءاليا جۋسانبايەۆانىڭ باسشىلىعىمەن مۇقيات قۇرىپ، ەسەپتەگەن.

«ءسۇت ءونىمىنىڭ قالدىقتارىن قايتا وڭدەۋ ارقىلى قۇرعاق سارىسۋ ءوندىرۋ جوباسىن تاراز قالاسىنداعى نازاربايەۆ زياتكەرلىك مەكتەبىنىڭ بازاسىندا جۇزەگە اسىرعالى وتىرمىز. ەڭبەگىمىز بولاشاقتا ءوڭىردىڭ جانە ەلدىڭ ەكونوميكاسىنا ەرەكشە پايدا اكەلەدى دەگەن ۇمىتتەمىز»، – دەيدى ءاليا ماحتابەك قىزى.

bilim-all.kz

---