InfoHub Logo

جۇزىڭىزدەن شۋاق كەتپەي، ءبىزدىڭ ورتامىزدا كۇلىپ-ويناپ، شاتتىققا كەنەلىپ، باقىتقا بولەنىپ ۇزاق جاساي بەرىڭىز. وسى جاسقا كەلگەنشە جۇرت تامسانارلىق ىستەرىڭىز كوپ-اق. الداعى ۋاقىتتا وسى ىستەرىڭىزدىڭ جەمىسىن كورىڭىز.

ءبىز سىزبەن ماقتانامىز، مارقايامىز!
ەڭ تاماشا ءسوز بۇل ومىردە «اكە» دەگەن،
سۋىققا ءبىر شالدىرماي ماپەلەگەن.
ءومىردىڭ سوقپاعىمەن ورگە تارتىپ،
الدىمەن ادام بول دەپ جەتەلەگەن.
تاعدىردىڭ كەۋدە توسىپ جارتاسىنا،
ءبىز ءۇشىن تۇسكەن مايدان ورتاسىنا.
الاڭسىز ساۋىق-سايران، شالقىپ ءجۇرمىز،
ءبىز بۇگىن اكەلەردىڭ ارقاسىندا.
اكەشىم، جۇرەمىز ءبىز ءبىر ءوزىڭدى ارقالانىپ،
جەتەدى جاقسى ءىسىڭ جۇرت تامسانارلىق.
جۇزگە جەت ءجۇزىڭ جارقىن، دەنىڭ ساۋ بوپ،
ونى دا امان-ەسەن قارسى الالىق.

*** *** *** ***

اسقار تاۋ تىرەگىم — اسىل اكە...
ءبىز — كولدىڭ ءسانى قۇراقپىز.
ءسىز — ءسوزدىڭ باسى سۇراقسىز،
ءبىز — ءومىرىڭىزدىڭ بايلاۋى، سوڭىڭىزداعى تۇراقپىز.
ءسىز — تاۋدىڭ شىڭىسىز، پاپا!
ءبىز — ءسىز ەككەن باۋدىڭ گۇلىمىز.
كىلەمىڭىزدىڭ ورنەگى سىندى ۇل-قىزدارىڭىز،
پاپا!
«اكە — بالاعا سىنشى» دەگەن،
وزىڭىزگە ءمالىم قىلىعىمىز بەن ءتىلىمىز!
ءۇيىمىزدىڭ شۋاقتى نۇرى اياۋلى انامىز بولسا،
ءبارىمىزدىڭ شىرقاپ ايتار ءان-جىرىمىز — اسقار تاۋ — پاپا، ءسىزسىز! اقىلشى تىرەگىمىز دە ءوزىڭىزسىز!
بۇگىنگى ۇلى جيىنىڭىزبەن ءسىزدى شىن جۇرەگىمىزبەن قۇتتىقتاپ، ۇل-قىزدارىڭىز، نەمەرە-شوبەرەلەرىڭىز ۇزاق عۇمىر تىلەيدى.

*** *** *** ***

اينالايىن جان اكە، جاسىل باعىم!
قۇتتىقتاپ كەلدى بۇگىن بوتالارىڭ.
ءارقاشان انامىزبەن امان بولىپ
تەڭ كورىڭدەر بالا-شاعا قۋانىشتارىن!
اينالايىن جان اكە، جاسىل باعىم!
ارقا سۇيەپ ەركەلەيتىن اسقار تاۋىم!
ەرەكشە قايتالانباس دارالىعىڭ
ومىرىمە جول سىلتەيدى دانالىعىڭ!
اينالايىن جان اكە، جاسىل باعىم!
تىلەيمىن وزىڭىزگە جامبىل جاسىن.
باق-داۋلەت، بەرەكە، ىرىس بولىپ
سيىنعان اتا بابام ءارۋاعى قولداسىن!

*** *** *** ***

ادامگەرشىلىگىمەن، ازاماتتىق ىس-ارەكەتىمەن اينالاسىنا ءقادىرلى بولعان، كىسىلىك پەن كىشىلىك نۇرى تۇلا بويىنان توگىلىپ تۇرعان سىزدەي ارداقتى اكەمىزدى ءاردايىم ماقتانىش ەتەمىز!

ءومىر جولىندا اداسپاۋ ءۇشىن ءبىلىمدى بولۋعا، ەڭبەكسۇيگىشتىككە ۇيرەتكەن، جاماندىقتان ساقتاندىرىپ، پانا بولعان ءوزىڭىز! «بالام، «كورگەنسىزدىڭ بالاسى» دەگەن جامان اتاققا قالما. ادال ءجۇرىپ، تۇر! قولىڭنان كەلسە جاقسى ءىس جاساپ، العىس ال» دەگەن وسيەتتى قۇلاعىما قۇيىپ تاربيەلەگەن دە ءوزىڭىز! ءسىزدىڭ وسىنداي تاربيەڭىزدىڭ شاراپاتىن كوپ جەردە كوردىم، ومىردەن ءوز ورنىمدى اداسپاي تابۋىما كوپ كومەگى ءتيدى. سول ءۇشىن سىزگە ماڭگى قارىزدارمىن.

*** *** *** ***

جان اكە، ءسىز جۇرگەندە كوزىڭدى ساپ،
وسەمىز بايتەرەكتەي ءوزىڭ قۇساپ.
ورتادا سىزدەر باردا دارا شىڭداي،
بىزگە اشىق كەڭ پەيىلدى سەزىم قۇشاق.
جان اكە، ۇيرەتكەن ءسىز ەرلىكتى دە،
ۇعىندىق سىزگە قاراپ ەلدىكتى دە.
جۇرەمىز جالعىزسىراپ ءداستۇرىڭدى،
دارىتىپ دارحاندىقتى، كەڭدىكتى دە.
جان اكە، بۇگىن توي عوي ءان سالاتىن،
شاتتىققا تولى بولسىن ءار ساعاتىڭ.
اتىڭدى اسقاق ءبىز ۇستايمىز،
بولاشاق مەرەيتويلار سالتاناتىن.

*** *** *** ***

تارىلماسىن، جان اكە، تىنىسىڭىز،
تاسي بەرسىن ءاماندا ىرىسىڭىز.
نەمەرەڭنىڭ كەلىنى سالەم ەتىپ،
شوبەرەڭنىڭ قولىنان سۋ ءىشىڭىز.

*** *** *** ***