InfoHub Logo

تاتۋلىق – دوستىقتىڭ كيەلى بەسىگى

ماقساتى: بالالارعا قازاقستان رەسپۋبليكاسى الەمدە ەڭ العاشقى مەملەكەتتەردىڭ ءبىرى بولىپ سىرتتان كەلگەن باسقا ۇلت وكىلدەرىنە التىن بەسىك بولعاندىعىن ۇعىندىرۋ. قازاقستاندىق پاتريوتيزمگە، ەلىن، جەرىن سۇيۋگە جانە حالقىن قۇرمەتتەۋگە تاربيەلەۋ. باسقا ۇلت وكىلدەرىنىڭ مادەنيەتىن، ادەت - عۇرپىن سىيلاۋعا ۇيرەتۋ.
تاربيەشى: قۇرمەتتى اتا - انالار، بالاباقشا ۇجىمى سىزدەردى قازاقستان رەسپۋبليكاسىنىڭ مەكەندەگەن ۇلتتار مەن ۇلىستار دوستىعى جانە بىرلىگىنە كۇنىمەن قۇتتىقتايمىز. بۇگىنگى «تاتۋلىق - دوستىقتىڭ كيەلى بەسىگى» تاقىرىبىنداعى مەرەكەمىزگە قوش كەلدىڭىزدەر. مەرەكەمەن قۇتتىقتاۋ ءۇشىن بالاباقشا مەڭگەرۋشىسىنە ءسوز بەرەمىز.

تاربيەشى: نازدانىپ بۇگىن ءومىر نۇرلى كۇنى،
قىر بەتتىڭ قىزعالداققا تۇندى گ ۇلى.
مامىر بوپ، ايبارلى اسىل اسقاقتايدى،
ەڭبەك، باقىت، بەرەكە، بىرلىك كۇنى.

حور: «دوستىق».
تاربيەشى: بالالاردىڭ مەرەكەلىك تاقپاقتارىن قابىل الىڭىزدار:
اقنيەت: جان بىتكەندەي جاس تاۋعا،
شۋاق ويناپ ارايلى.
كۇن كۇلىمدەپ اسپاندا،
مامىر ءانى تارايدى.
جايدارلى جاز تۇرگە ەنىپ،
جادىراتتى جانىمدى.
جەر دۇنيە تەربەلىپ،
دالا قالا قۇلپىردى.

ءبىرجان: سارى اقپىز قارامىز،
بارىمىزدە بالامىز.
ءبىز وتاندا تۇرامىز،
ءبىز مەكتەپكە بارامىز.

ارۋجان: ءبىر شاڭىراق استىندا،
تاتۋ – ءتاتتى تۇرامىز.
بىرگە ىشەمىز استىدا،
بىرگە سايران قۇرامىز.

تاربيەشى: بەيبىتشىلىك قۇسى، اق كوگەرشىن،
بيىك ۇشىپ سامعاسىن.
تىلەگىمىزدى جەرگە جايسىن،
قاناتتارى تالماسىن.

ءان: «اق كوگەرشىن»
ورىندايتىندار: اقنيەت، جانەل، جانيا

تاربيەشى: «دوستىق» بىزگە تىم ىستىق،
بىرلىك، بايلىق، ىرىس – قۇت.
جارقىراسىن كۇنىمىز،
جاسا، جاسا تىنىشتىق.

تاقپاقتار: ءبىرعانىم: بولسىن جەر مەن سۋدا ورتاق،
بولسىن ءبىزدىڭ تۋ دا ورتاق.
اقپىز، قارا، سارىمىز،
اعايىنبىز ءبارىمىز.

ەراسىل: اق سارى دەپ بولمەيمىز،
ءبىر جىل تۋعان تولدەيمىز.
تۋىسقانبىز تاتۋمىز،
بيىكتەرگە ورلەيمىز.

ادەليا: بىلەگى ءبىر، جۇرەگى ءبىر،
دوستارمەن بىرگەمىز.
تۋىس باردا قۇرىشتان دا،
بەرىك ءبىزدىڭ ىرگەمىز.

راتمير: دوستىقتى ۇلگى ساناعان،
ءبىر ۇيدە ءبىز تۇرامىز.
قالعان اتا - بابادان،
بىرلىك اسىل مۇرامىز.

تاربيەشى: ءان: «دوس بولايىق ءبارىمىز». ورىندايتىندار: شاديار، ءبىرجان، دانيال.

تاربيەشى: قادىرمەندى ءبىر دوسىمىز - ورىسىم،
قالتقىسى جوق دەمىڭ بەينە ءوز دەمىم.
ءوز سوزىمدەي جانعا جايلى سوزدەرىڭ،
ءوز كوزىمدەي كۇلىمدەيدى كوزدەرىڭ - دەي وتىرىپ ءبيشى قىزدارىمىزدى شاقىرايىق.
بي: «ورىس» ءبيى.

تاربيەشى: كۇتەتۇعىن وسىنىڭ ءار كۇنىن ءبىز،
ارنالاتىن ەڭ ءتاتتى ءان - جىرىمىز.
مەرەكەلى - مەرەيلى ايدىڭ باسى،
قۇتتى بولسىن ءبىرىنشى – مامىرىمىز!
ءان: «ماي جىرى». ورىندايتىندار: جانەل، دانيال، ايزەرە، ءبىرعانىم، اقنيەت، شاديار.

تاربيەشى: بالالاردىڭ دوستىق، ىنتىماق تۋرالى دانالىق سوزدەرىن قابىل الىڭىزدار.

1. ىنتىماق - دوستىقتىڭ بىرلىگى (ءبىرعانىم)
2. ىرىس الدى - ىنتىماق (ارۋجان)
3. دوستىق كۇنى - بىرلىكتە (ايدوس)
4. ەل - بىرلىگى، ەل تەڭدىگى (ايارۋ)
5. ىنتىماق جۇرگەن جەردە
ىرىس بىرگە جۇرەدى. (شاديار)

تاربيەشى: اعايىن – تۋعان – بار ادام،
ادالدىق ءۇشىن جارالعان.
بار قىمبات تۋىستىق،
باياندى بولسىن تىنىشتىق!

حور «اعايىنبىز - ءبارىمىز».

تاربيەشى: ءان: «دوستىق» ورىندايتىندار: ادەليا، ءبىرعانىم.
تاربيەشى: «ەل بىرلىگى – ەڭ اسىل قاسيەت. بىرلىك، ىنتىماق، سابىرلىلىق پەن پاراساتتىلىق، ەڭ الدىمەن وزىمىزگە – قازاقتارعا كەرەك» دەپ كورگەندىلىكپەن ەلباسىمىز ايتقانداي، ءبىز سياقتى كوپ ۇلتتى مەملەكەتتىڭ دامۋ بولاشاعىنىڭ ءبىر كوزى – قازاقستان حالىقتارىنىڭ بىرلىگى.

بي: «پوپپۋري»

تاربيەشى: سابيلەر كوڭىلىن بۇلت شالماسىن،
گۇل بايشەشەك ەش ۋاقىتتا سولماسىن.
توبەمىزدە كۇن كۇلىمدەپ ءارقاشان،
قاسىمىزدا بولسىن ماڭگى انامىز.
حور: «ءارقاشان كۇن سونبەسىن».

تاربيەشى:
قورىتىندى:
1 - مامىر مەرەكەسى دۇنيە جۇزىندەگى حالىقتاردىڭ دوستىعى مەن بىرلىگىن اتاۋ كۇنى. قازاقستان رەسپۋبليكاسىندا قازىرگى تاڭدا 130 - دان استام ۇلتتار مەن ۇلىستار مەكەندەيدى. تاريح كوشىنىڭ بەلگىلى ءبىر كەزەڭىندە تاعدىر تاۋقىمەتىن ارقالاپ، سولاقاي ساياساتتىڭ قۇربانىنا اينالىپ، ەلىمىزگە كەلىپ قونىستانعان ۇلتتار مەن ۇلىستار ءۇشىن قازاق جەرى كيەلى التىن بەسىككە اينالدى.

ەندەشە، بەيبىتشىلىك جاساسىن!
ىنتىماقتاستىق جاساسىن!
قازاقستان جاساسىن!
قازاقستان حالىقتارىنىڭ بىرلىگى جاساسىن!
وسىمەن، بۇگىنگى مەرەكەلىك كەشىمىزدى اياقتايمىز. ساۋ-سالاماتتا بولىڭىزدار!