InfoHub Logo

سولتۇستىك قازاقستان وبلىسى شال اقىن اۋدانى
«شال اقىن اۋدانىنىڭ القااعاش نەگىزگى مەكتەبى» كمم
7 سىنىپ وقۋشىسى: ماعزۇم ارمانگۇل
جەتەكشىسى: جاكينا گۇلميرا جولاۋشى قىزى

وتان... ول تاۋەلسىز قازاقستان. بۇل ءسوز ءار ادامنىڭ جانىنا جاقىن، جۇرەگىنە جىلى تيەر ءسوز. قۇس ۇياسىز بولمايتىنداي، ادام وتانسىز بولمايدى. ال مەنىڭ وتانىم – سوناۋ كاسپييدەن التايعا دەيىن سوزىلىپ جاتقان قاسيەتتى ولكە – قازاقستان. قازاقستان دەگەندە كوز الدىما شالقىعان جايلاۋ، ءتۇتىنى بۇرقىراعان اۋىل، جازىق دالا ەلەستەپ، باقتاعى بۇلبۇل قۇستىڭ ءۇنى مەن ايدىڭ كولدەگى اققۋ قۇستىڭ قيقۋلاعان داۋىسى قۇلاعىما كەلەدى. قازاقستاننى كەڭ دالاسىنداي بايتاق دالا ەش جەردە جوق شىعار. «وتانىڭ-التىن بەسىگىڭ»، «وتانى جوقتىق - ناعىز جوقتىق»، - دەيدى حالقىمىز .ءوز وتانىڭدى ءسۇيۋ، ءوز انا ءتىلىن ارداقتاۋ - ءاربىر ازاماتتىڭ بورىشى. ال ءبىزدىڭ حالقىمىزدا اتامەكەندى ارداقتاۋ سەزىمى وتە تەرەڭ دەپ ويلايمىن. حالقىمىزدىڭ باسىنان قانداي قيىن كەزەڭدەر وتكەندە دە اتا-بابالارىمىز ەلىمىزدى سىرتقى جاۋدان قورعاي بىلگەن. ءوز ەلى ءۇشىن جانىن دا، بارىن دا اياماعان. ويتكەنى وتان ءبىز ءۇشىن وتتان دا ىستىق. قازاقستان – مەنىڭ اتامەكەنىم. اتامەكەن دەگەن – تۋعان ءتىل، ءسالت-داستۇر، ەلىننىڭ تاريحى، بايلىعى، مەكتەبىڭ، ءۇيىڭ ءبارى-بارى سوندا. ال بۇلارسىز ءومىر ءسۇرۋ مۇمكىن ەمەس. قازاقستان – تاۋەلسىز ەل. سول تاۋەلسىزدىك جولىندا قازاق بابام نە كورمەدى دەسەڭشى؟! قازىرگى تاڭدا قازاقستان وركەنيەتتى، دامىعان ەلدەر قاتارىندا كەلەدى. ەلىمىز تاۋەلسىز ەل بولعانىنا بيىل 26 جىل تولدى. قازاقستان كۇننەن-كۇنگە جاڭارىپ، جاڭا بەلەستەردەن كورىنۋدە. تاۋەلسىز ەل بولىپ ەحرو-2017 كورمەسىن ۇيىمداستىرىپ ماقتانىشقا يە بولدىق. استانامىز كۇننەن-كۇنگە كوركەيىپ كەلەدى. ىنتىماق پەن بىرلىكتىڭ ارقاسىندا ەلىمىزدە ءارتۇرلى ۇلت وكىلدەرى تۇرىپ جاتىر. بۇگىنگى تاڭدا قازاقستان ماڭگىلىك ەل بولدى. ەشقانداي قيىنشىلىق كورمەي جۇرگەنىمدى اتا-انامنىڭ جۇزدەرىنەن قۋانىش پەن شاتتىق ىزدەرىن بايقاعاندى، كوكىرەگىمدى كەرىپ «تاۋەلسىز ەلدىڭ پاتريوتىمىن!» دەپ ايتا بەرگىم كەلەدى. ەلىمىزدىڭ بەيبىتشىلىگىنىڭ، تاۋەلسىزدىگىنىڭ ارقاسىندا كۇلىپ-ويناپ، ەركىن ءبىلىم الىپ جاتقان ەرىكتى ەلدىڭ ەركىن ۇلانىنىڭ ءبىرىمىن! ەلىمنىڭ ەرتەڭىنەن، بولاشاعىنان جۇرەگىم قورىقپايدى، كەرىسىنشە قۋانادى، ەندەشە كەلەشەگىم نۇرلى بولماق. «ارىستانداي، جولبارىستاي، قىرانداي، كۇشتى جاس ۇرپاقتىڭ ءبىرىمىن. ءبىزدىڭ بۇگىنگى ادەمى كەرەمەتتەرىمىز، ۇتىمدى ۇمتىلىستارىمىز. مەن قازاق بولىپ تۋىلعانىما، وسىنداي باي  بايتاق ولكەدە ءومىر ءسۇرىپ جاتقانىما وتە باقىتتىمىن. ويتكەنى مەن تاۋەلسىز ەلدىڭ پاتريوتىمىن. مىنە، تاۋەلسىزدىگىمىزگە 26 جىل ماڭگىلىك ەل بولىپ وتىرعانىمىز ەلىمىزدىڭ پرەزيدەنتى ن.ءا.نازاربايەۆتىڭ ارقاسىندا دەگىم كەلەدى.

---