تۋعان جەر – التىن بەسىگىم
سولتۇستىك قازاقستان وبلىسى شال اقىن اۋدانى
«شال اقىن اۋدانىنىڭ القااعاش نەگىزگى مەكتەبى» كمم
7 سىنىپ وقۋشىسى: ابياكيم اقبوتا
جەتەكشىسى: جاكينا گۇلميرا جولاۋشى قىزى
قىس مەزگىلى... قاتتى اياز بولعاندىقتان تەرەزەنىڭ اينەكتەرى ادەمى ويۋ-ورنەكپەن قىراۋلانىپتى. سۋرەتشىنىڭ سۋرەتى ىسپەتتەس. اينەكتەن كوزىمدى الماي ءبىراز وتىردىم. سانامدى شىرماعان ءبىراز ويلار ەرىكسىز اق قاعاز بەن قالام العىزدى. اق قاعاز بەتىنە مەنىڭ جۇرەگىمنەن شىققان سوزدەر مارجانداي توگىلدى. ول قىسى سۋىق، جازى ىستىق مەنىڭ تۋعان جەرىم-التىن بەسىگىم - القااعاش اۋىلى تۋرالى. مەنىڭ اۋىلىمنىڭ تابيعاتى وتە كوركەم، سۇلۋ. اۋىلىم شاعىن بولسا دا، جەرى قۇنارلى، ءوسىپ شىققان شۇيگىن ءشوبى، ساپ-سارى التىنداي بولىپ، قاۋلاپ وسكەن بيدايى، قاتار-قاتار تىزىلگەن اعاشتارى، وسى اعاشتاردىڭ ىشىندە شاپقىلاپ جۇرگەن جانۋارلارى، ەركىن ۇشقان اققۋ-قازى دا بار. وسىنىڭ بارلىعى باعا جەتپەس سۇلۋلىق قوي! بالدىرعان شاعىمنىڭ قىزىقتى دا، ءارى كوڭىلدى كەزدەرى وسى تۋعان ولكەمدە ءوتتى. مەن وسى اۋىلدا كوبەلەك قۋىپ ويناپ ءوستىم. سوندىقتان دا ءوز جەرىم ماعان قاتتى ىستىق.
ارينە، ءار ادامعا ءوزىنىڭ كىندىك قانى تامعان، باقىتتى بالالىق شاعىن وتكىزگەن جەرى قىمبات. «تۋعان جەردەي جەر بولماس، تۋعان ەلدەي ەل بولماس» دەپ بەكەر ايتىلماعان ءسوز. تۋعان جەردىڭ اۋاسى-شيپا، جۋسانى-جۇپار – دەگەندەي، ونىڭ ءقادىرىن شەتتە جۇرگەندە تەرەڭ تۇسىنەسىڭ دەپ ۇلكەندەر ايتىپ جاتقانىن قۇلاعىم شالاتىن. سول ايتقاندارى ەسىمە ءتۇستى.
ەلباسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» اتتى باعدارلاماسى بويىنشا تۋعان جەرىڭە، وسكەن اۋىلىڭا، ياعني تۋعان جەرىڭە دەگەن سۇيىسپەنشىلىكتەن باستالاتىنىن قاداپ ايتتى. وسى ماقالا اياسىندا ونەگەلى ومىرىمەن كوپكە ۇلگى بولعان ازاماتتار جايىندا سوڭعى كەزدە ماقالالار جازىلىپ ءجۇر. بۇل، ارينە، قۋانىشتى جايت. ويتكەنى، تۋعان جەرگە تۋىن قاداپ، ونىڭ كوركەيىپ، دامۋىنا ۇلەس قوسىپ جۇرگەن ادامدار بار. سولاردىڭ ءبىرى - وسى مەكتەپتىڭ تۇلەكتەرى جۇمابايەۆتار، قىدىرميندەر، داۋلەنوۆتار، ەرساينوۆتار وتباسى. مەكتەپكە ءتۇرلى-تۇستى پرينتەر، ۆولەيبول وينايتىن سەتكا، دوپتار سىيلادى.
قىزمەت بابىمەن تۋعان جەردەن جىراقتا جۇرگەندەردىڭ ىشىندە ەلىن اڭسامايتىنى جوق شىعار. ءار نارسەنىڭ ءقادىرى بار. ادامداردىڭ بارلىعى ءوز ەلىنىڭ ءقادىرىن جاقسى تۇسىنەدى. سول سياقتى ەلگە ۇلگى بولارلىق وسىنداي جانى جايساڭ ادامدار بار. مەن كىتاپتاردى وقىعان كەزدە كوپ جازۋشىلاردىڭ شىعارمالارىندا ءوزىنىڭ تۋعان جەرىن سيپاتتاپ جازاتىنىن بايقادىم. ءار ادام جازۋشى بولسىن، وتە دۇنيە جۇزىنە اتاقتى ادام بولسىن ولاردىڭ بارلىعى ءوز تۋعان جەرىنە دەگەن ىستىق سەزىمى ەشقاشان تاۋسىلمايدى.
رۋحاني جاڭعىرۋ - ۇلت بولاشاعى. ۇلت بولاشاعى، ياعني حالىق ەرتەڭى. حالىقتىڭ ەرتەڭىن جاس ۇرپاق جاسايدى. ەندەشە مەن وقۋىمدى جاقسى اياقتاپ، وسكەندە ءوز ەلىمدى گۇلدەندىرۋگە ات سالىسامىن.
You Might Also Like
-
ەگەسىنىڭ ءىس-قيمىلىن باسقارىپ، ونى زومبيگە اينالدىراتىن پارازيت، بەينە ءبىر قورقىنىشتى ءفيلمنىڭ سيۋجەتىندەي، كەلىسەسىز بە؟ الايدا مۇنداي ورگانيزمدەر شىنايى ومىردە كەزدەسەدى جانە جاڭا عىلىمي زەرتتەۋلەر...
