InfoHub Logo

ماقساتى: وقۋشىلاردىڭ بولاشاق ومىردەن ءوز جولدارىن دۇرىس تابا ءبىلۋى ءۇشىن الدىنا ماقسات قويىپ، جوسپار قۇرا بىلۋگە ۇيرەتۋ، بەلگىلى ءبىر ماماندىق يەسى بولۋ ءۇشىن تالماي ەڭبەكتەنىپ، بەلگىلى ءبىر جەتىستىككە جەتۋ ءۇشىن ۋاقىتتى ءتيىمدى پايدالانا ءبىلۋ كەرەكتىگىن ءتۇسىندىرۋ. وسى تاقىرىپتا بويىنشا بىلىمدەرىن جەتىلدىرىپ، وي پىكىرلەرىن دامىتۋ ۇلى ادامداردىڭ دانالىق سوزدەرى ارقىلى ويلاۋ قابىلەتتەرىن دامىتۋ جانە ادامگەرشىلىككە تاربيەلەۋ.

ساباقتىڭ ءتۇرى: ترەنينگ
كورنەكىلىكتەر: مۋزىكا، سلايد، ينتەراكتيۆتى تاقتاعا ەكى تىلدە جازىلعان دانالىق سوزدەر:
ەگەردە ەستى كىسىلەردىڭ قاتارىندا بولعىڭ كەلسە، كۇنىندە ءبىر مارتە، بولماسا جۇماسىندا ءبىر، ەڭ بولماسا ايىندا ءبىر، وزىڭنەن ءوزىڭ ەسەپ ال! سول الدىڭعى ەسەپ العاننان بەرگى ءومىردى قالاي وتكىزدىڭ ەكەن، نە بىلىمگە، نە احيرەتكە، نە دۇنيەگە جارامدى، كۇنىندە ءوزىڭ وكىنبەستەي قىلىقپەن وتكىزىپپىسىڭ؟ جوق، بولماسا، نە قىلىپ وتكىزگەنىڭدى ءوزىڭ دە بىلمەي قالىپپىسىڭ؟
(اباي. ون بەسىنشى قارا ءسوز)
«پايعامبارىمىز (س.ع.س.) ۇمبەتىنە ەكى نارسەنىڭ ءقادىرىن بىلۋگە شاقىردى. ونىڭ ءبىرى – دەنساۋلىق، ەكىنشىسى – ۋاقىت. ۋاقىت – ءومىر، ءومىر – قامشىنىڭ سابى»
قۇران حاديستەرى

ساباقتىڭ بارىسى:
ءى. ۇيىمداستىرۋ كەزەڭى:
سەرگىتۋ جاتتىعۋى: «ماماندىقتى تاپ» (ويىن)
ترەنينگكە قاتىسۋشىلارعا كارتوچكالارعا جازىلعان ماماندىقتار تاراتىلادى، ال ولار سول ماماندىقتاردى ىممەن كورسەتۋگە تىرىسۋ كەرەك. قالعاندارى ماماندىقتى تابۋ كەرەك.
حيرۋرگ
حاتشى
كىتاپحاناشى
بانك قىزمەتكەرى
ساتۋشى
ءمۇعالىم
بۋحگالتەر
سلەسار
جۇرگىزۋشى

ءىى.نەگىزگى ءبولىم: ترەنينگ «تايم مەنەدجمەنت – ۋاقىتتى ءتيىمدى پايدالانۋ»
الدىمەن تايم مەنەدجمەنت تۋرالى قىسقاشا ءتۇسىندىرۋ.
تايم مەنەدجمەنت - بۇل ۋاقىتتى باسقارۋ تاسىلدەرى مەن ادىستەرىن زەرتتەيتىن مەنەدجمەنت سالاسى.
ۋاقىت – ءبىزدىڭ ءومىرىمىز. ەندەشە ونى قالاي پايدالانىپ ءجۇرمىز. ادامنىڭ ومىرىندە ونىڭ ۋاقىتىن ۇرلايتىن پايداسىز نارسەلەر كوپ. ۋاقىتتى دۇرىس پايدالانا بىلمەگەندىكتەن دە ءىسىمىز قوردالانىپ جاتىر. قازىرگى تاڭدا ۋاقىتتى ءتيىمدى پايدالانۋدى «تايم-مەنەدجمەنت» دەپ اتاپ ءجۇر. ونىڭ ءمانى – ۋاقىتتى ءتيىمدى پايدالانۋ.

ترەنينگ شارتى: اق قاعازعا ءتورت باعانا سىزۋ كەرەك. ولار:
• اتقارىلاتىن شارۋالاردىڭ ءتىزىمى (ەڭ ماڭىزدىلارى)
• اتقارىلار شارۋالاردىڭ اتتارى
• ورىندالۋى (ەگەر ورىندالسا – قوسۋ بەلگىسىن، ورىندالماسا – الۋ بەلگىسىن قويامىز).
• شارۋالاردىڭ ورىندالۋ بارىسى تۋرالى مالىمەتتەر،

بۇل جەردە ەسكەرەتىن ماسەلە: جەكە كۇندەلىكتە تاياۋ ارادا اتقارىلۋعا ءتيىس شارۋالاردىڭ ەسەبىن جۇرگىزۋ. بۇل ولاردى ۋاقىتى كەلگەندە ۇمىتپاي كۇندىك جوسپارعا ەنگىزۋ.
وقۋشىلار ترەنينگ كەزىندە قانداي قيىندىقتار تۋعانىن جانە بۇل ترەنينگتىڭ تيىمدىلىگى تۋرالى رەفلەكسيا جاسايدى.
- اتقارىلاتىن ءىستىڭ كوپتىگى جانە بارلىعىنىڭ ماڭىزدىلىعى قيىندىق تۋعىزدى.
- بۇل ترەنينگتىڭ تيىمدىلىگى ءىستى جوسپارلاي بىلۋگە جانە ۋاقىتتى ۇنەمدەۋگە، ۋاقىتىندا ورىندالۋىنا مۇمكىندىك بەرەدى.
- ءاربىر ءىستى ءوز ۋاقىتىندا ورىنداۋعا بار كۇشتى سالۋ كەرەكتىگىن ءتۇسىندىم.
ءىV. توپپەن جۇمىس. ۋاقىتتى ءتيىمدى پايدالانۋ ءۇشىن قانداي قاعيدالار ويلاپ تابۋعا بولادى بولادى؟ (وقۋشىلار وزدەرى قۇراستىرادى).
• ءوز ۋاقىتىندا ىستەلمەگەن جۇمىس ادامدى بەيمازالىققا سالىپ قانا قويماي، كەلەسى ىستەرگە تيەسىلى ۋاقىتتى جەپ، ولاردىڭ بارلىعىنا كەسىرىن تيگىزەدى، سوندىقتان ءار ءىستى جوسپارلى تۇردە ۋاقىتىمەن ىستەۋگە تىرىسۋىمىز كەرەك.
• ماقسات پەن باعداردى ايقىنداۋ كەزىندە ۇستاناتىن باستى تالاپ جوسپاردان اۋىتقىماۋىمىز كەرەك.
• جوسپاردى دۇرىس قۇرا ءبىلۋىمىز كەرەك. (ۇزاق مەرزىمدى جانە قىسقا مەرزىمدى)
• ىستەردىڭ ورىندالۋ باسىمدىلىعىنا بايلانىستى ەرەجەلەر ولار:
- ماڭىزدى ءارى شۇعىل
- ماڭىزدى، ءبىراق شۇعىل ەمەس
- شۇعىل، ءبىراق ماڭىزدى ەمەس
- شۇعىل دا، ماڭىزدى دا ەمەس
وسى پرينسيپتەر بويىنشا اتقارىلاتىن شارۋالاردى جوسپارعا ءبولىپ-بولىپ ەنگىزەمىز.
• جوسپارلانعان ىستەردى اتقارۋ بارىسىنداعى ەڭ باستى قاعيدا – جوسپاردان مەيلىنشە اۋىتقىماۋ.

V. رەفلەكسيا. وقۋشىلار جالپى بۇگىنگى تاقىرىپتىڭ ماڭىزدىلىعى تۋرالى، نە بىلگەندەرى جونىندە قىسقاشا ءوز ويلارىن ايتىپ ساباقتى قورىتىندىلايدى.