ءتىل
پاناسىز قالعان ۇل مەن ءتىل!...
كۇندەگى ادەتىمەن، ساعات 8:00 دە جۇمىسقا شىققان ادىلەتتىڭ الدىنان بالالارى جۇگىرىپ شىعىپ،
— اكە سەن جۇمىسقا كەتتىڭ بە؟ قاشان كەلەسىڭ؟
دەپ شۋىلداپ ءجۇر. ءبىر جاعىنان جۇبايى كەلىپ
— ىسكە ءسات
دەپ قولىنا ەكى دوربا ۇستاتتى. بىرىندە كەشەدەن قالعان قوقىس، ەندى بىرىندە تۇسكى اسى بار ەكەن. ەسىكتەن شىققان بويدا قوقىس سالعان جاشىككە جاقىنداپ بارىپ، قوقىس تولى دوربانى جاشىككە لاقتىرىپ قالعان ەدى، شىر ەتكەن نارەستەنىڭ ءۇنى ەستىلدى. اڭ-تاڭ بولىپ قالعان ادىلەت جاشىككە اسا ساقتىقپەن جاقىنداپ قاراپ ەدى، وي سۇمدىق-اي، توبەسىنەن ءبىر شەلەك مۇزداي سۋ قۇيىلعانداي سەزىندى. جاشىكتىڭ ىشىندە قانعا مالىنعان شۇبەرەككە وراۋلى نارەستە جاتىر. ادىلەت نە ىستەرىن بىلمەي قولىنا تەلەفونىن الا سالىپ، 103-كە، 102-گە قوڭىراۋ شالدى. ابدەن ەسىنەن اداسقان ادىلەت، جاشىكتەگى بالانى قۇشاعىنا الىپ ەدى، ەرىكسىز كوزىنە جاس ءۇيىرىلدى.
— مىناۋ ۇل عوي. و اللا، بۇل سۇمدىق كىمنىڭ ويىنا كەلدى ەكەن؟ قايران ۇل، كىمگە عانا ارتىق بولىپ كورىندى ەكەن، قاي زالىم سەنى باۋىرىنان تەۋىپ، وزگەنىڭ كۇشىگىن باۋىرىنا باستى ەكەن....
دەپ وز-وزىمەن كۇبىرلەپ تۇر.....
كۇندەگى ادەتىمىزبەن تاڭعى ساعات 8:00 دە جۇمىسقا بارايىن دەپ ۇيدەن شىعاردا "دو سبيدانيا پاپا" دەپ الدىڭنان بالالارىڭ جۇگىرىپ شىقسا، جۇمىسقا كەلگەن ساتتە "نيحاۋ" دەپ ارىپتەسىم تۇرسا. ودان قالدى تاعى ءبىر بوتەن تىلدە بىرەۋ كەلىپ الدىمنان شۇلدىرلەسە. كىمگە قوڭىراۋ شالامىن؟ "زدراۆستۆۋيتە، سلۋشايۋ" دەپ تۇراتىن 103-كە ما الدە "گوۆوريتە" دەپ تۇراتىن 102-گە مە؟
— و اللا، بۇل سۇمدىققوي، قايران قازاعىمنىڭ ءتىلى-اي كىمگە عانا ارتىق بولىپ كورىندى ەكەن، قاي زالىم سەنى باۋىرىنان تەۋىپ، وزگەنىڭ كۇشىگىن باۋىرىنا باستى ەكەن؟
دەپ ويلار ما ەكەنبىز؟ الدە كوپپەن بىرگە شۇلدىرلەپ ءبىز دە جۇرە بەرەر ما ەكەنبىز؟
You Might Also Like
-
زاڭ فاكۋلتەتىنىڭ تۇلەگى، اۋداندىق پروكۋراتۋرانىڭ جاس قىزمەتكەرى گەورگيي كونستانتينوۆيچ ۆاگانوۆتىڭ تاڭەرتەڭنەن بەرى كوڭىلى كوتەرىڭكى ەدى. كەشە عانا وعان حات كەلدى... جاس جىگىتتىڭ ومىردەن كۇتكەنى كو...
-
«قازپوشتا» اق باسقارما ءتوراعاسى ساكەن سارسەنوۆ ءتول تەڭگەمىزدىڭ 25 جىلدىعىمەن قۇتتىقتادى. بۇل تۋرالى ول ءوزىنىڭ Facebook پاراقشاسىندا جازدى.
