ىرعىز شايقاسى
بۇل — حورەزم شاحى مۇحاممەد پەن شىڭعىس حان اسكەرلەرىنىڭ اراسىنداعى كۇتپەگەن كەزدەسۋدەن تۋىنداعان شايقاس. شايقاس ىرعىز وزەنىنىڭ بويىندا وتكەن. سوندىقتان ول «ىرعىز شايقاسى» دەپ اتالىپ كەتكەن.
شىڭعىس حان جوشى مەن سۇبەدەي باسقارعان اسكەرىن مەركىتتەرگە قارسى اتتاندىرعان بولاتىن. ولار 1216 جىلى ەرتە كوكتەمدە ىرعىز بويىن جايلاپ جاتقان مەركىتتەرگە شابۋىل جاسايدى. موڭعولدار قاشقان مەركىتتەردىڭ سوڭىنا ءتۇسىپ كەلە جاتىپ، جولدا سىرداريانىڭ باتىسىندا (قازىرگى اقتوبە وبلىسى ىرعىز اۋدانىنا قاراستى) ىرعىز وزەنى بويىندا قىپشاقتارعا قارسى جورىقتا جۇرگەن مۇحاممەد شاحتىڭ 60 مىڭدىق قولىمەن ۇشىراسىپ قالادى. جوشى ەلشى جىبەرىپ، شايقاسقىسى كەلمەيتىنىن ايتادى. جوشىنىڭ شەشىمىنە قاراماستان، حورەزمشاح ونى سوعىسۋعا ءماجبۇر ەتەدى. ءسويتىپ، تۇتقيىلدان جولىققان مىقتى قولمەن ايانباي شايقاسۋىنا تۋرا كەلەدى. شايقاس ۇستىندە مۇحاممەد حان قولعا تۇسە جازداپ، ۇلى جالەل-اد-ديننىڭ ەرلىگىنىڭ ارقاسىندا ازەر قۇتىلادى. قاقتىعىس كۇنى بويى ءجۇرىپ، كەش تۇسە سايابىرلايدى. ەكى جاق كەلىسىپ، سوعىستى ەرتەڭگى كۇنگە قالدىرادى. جوشى اسكەرى وت جاعىپ الداۋسىراتىپ، ءتۇن قاراڭعىلىعىمەن جاسىرىن شىعىسقا قاراي قايتىپ كەتەدى. وسىلايشا، بۇل شايقاستا ەشكىم جەڭبەگەن.
You Might Also Like
-
ءبىز ءححى عاسىردىڭ جاھاندىق كارتاسىندا ەشكىمگە ۇقسامايتىن، دەربەس ورنى بار ۇلت بولامىز دەسەك، الەم ءبىزدى مادەني جەتىستىكتەرىمىزبەن تانۋى كەرەك.
-
بيىل قازاقستاندىق پوشتا جاڭا روبوت-پوچتالونمەن تولىعادى. ونىڭ قىزمەتى تولىقتاي اۆتوماتتىق رەجيمدە بولماق. روبوتتىڭ مۇنداي ءتۇرىن شىعارۋشى كومپانيا — Cleverest Technologies. ول نازاربايەۆ ۋنيۆە...
