InfoHub Logo

مۇحتار شاحانوۆ 70 جاستا
ماقساتى:
وقۋشىلاردىڭ وي - ءورىسىن دامىتۋ، مانەرلەپ وقۋعا ماشىقتاندىرۋ.
اقىننىڭ ەرەشكە قاسيەت – ءقادىرىن، تۇلعالىق تۇعىرىن ءتۇسىندىرۋ،
ەرەن – ەڭبەگىن ماقتانىش سەزىممەن وقۋشىلار ويىنا ءسىڭىرۋ.

مۇحتار شاحانوۆ1942 جىلى 2 شىلدە وڭتۇستىك قازاقستان وبلىسى، لەنگىر اۋدانى،
قاسقاسۋ سەلوسىندا دۇنيەگە كەلگەن. شىمكەنت پەداگوگيكالىق ينستيتۋتىن بىتىرگەن (1969). "وڭتۇستىك قازاقستان" (1960 - 65)، "لەنينشىل جاس" (1965 - 70) گازەتتەرىندە، رەسپۋبليكالىق تەليەۆيزيا، راديو رەداكسيالارىندا (1971 - 75) ىستەدى. 1976 جىلدان قازاق سسر مينيسترلەر كەڭەسىنىڭ باسپا، پوليگرافيا جانە كىتاپ ساۋداسى جونىندەگى مەملەكەتتىك كوميتەتىندە ءبولىم باستىعى. العاشقى ولەڭى ("سىرداريا") 1959 جىلى جاريالاندى. تۇڭعىش ولەڭدەر جيناعى ("باقىت") 1966 جىلى جارىق كوردى. م. شاحانوۆتىڭ "باللادالار" (1968)، "اي تۋىپ كەلەدى" (1970)، "قىراندار توبەگە قونبايدى" (1974)، "سەنىم پاتشالىعى" (1976) اتتى كىتاپتارى شىقتى. ولەڭدەرىندە فيلوسوفيالىق وي باسىم. "ماحاببات زاڭى" اتتى پوەزيالىق سپەكتاكلى رەسپۋبليكالىق تەاتر ساحناسىنا قويىلدى (1974). مۇحتار شاحانوۆ كوپتەگەن اندەر ءماتىنىن جازدى. ءماتىنىن دە، مۋزىكاسىن دا ءوزى جازعان "جۇبايلار جىرى"، "تۋعان كۇن كەشىندە"، "گۇل داۋرەن"، "مەن ساعان عاشىق ەدىم" اتتى اندەرى جۇرتشىلىققا كەڭىنەن تانىس. م. شاحانوۆ — قازاقستان لەنين كومسومولى سىيلىعىنىڭ لاۋرەاتى (1972). قازاقستان جازۋشىلار وداعى باسقارماسىنىڭ حاتشىسى، رەسپۋبليكالىق "جالىن" جۋرنالىنىڭ باس رەداكتورى ت. ب. قىزمەتتەر اتقاردى. كسرو حالىق دەپۋتاتى، كسرو جوعارعى كەڭەسىنىڭ مۇشەسى، ق ر - نىڭ حالىق دەپۋتاتى. 1993 - 2003 جج. قازاقستان رەسپۋبليكاسىنىڭ قىرعىز رەسپۋبليكاسىنداعى توتەنشە جانە وكىلەتتى ەلشىسى قىزمەتىندە بولدى. 2004 — 2007 جىلدارى ق ر پارلامەنتى ءماجىلىسىنىڭ دەپۋتاتى. ءقازىر 2004 — 2007 دەپۋتات. "جالىن" جۋرنالىنىڭ باس رەداكتورى، الەم ويشىلدارىنىڭ باسىن بىرىكتىرەتىن "XXI عاسىر جانە رۋحانيات" اتتى حالىقارالىق ەليتا كلۋبىنىڭ پرەزيدەنتى.

مۇحتار شاحانوۆ بىرنەشە اندەردىڭ اۆتورى:
“اكە تۋرالى جىر”، “تۋعان كۇن كەشىندە”، “جۇبايلار جىرى”، “قۋانىش ءۆالسى”، “مەن ساعان وكپەلەمەيمىن”، “كەشىكپەي كەلەم دەپ ەڭ”، “ارىس جاعاسىندا”، “اق بانتيك”، “اينالايىن”