InfoHub Logo

ح.دوسمۇحامەد ۇلى اتىنداعى ورتا مەكتەبى
قازاق ءتىلى مەن ادەبيەتى ءپانى ءمۇعالىمى انار ارىستانعالييەۆا

“ءتىلىم مەنىڭ – تىرلىگىم مەنىڭ” اشىق جۋرنال

ماقساتى:
انا ءتىلىن تەرەڭ مەڭگەرۋگە قۇشتارلىقتارىن وياتۋ؛
انا ءتىلىنىڭ كەڭ قانات جايۋىنا ۇلەس قوسۋعا، ماقتان تۇتۋعا تاربيەلەۋ
كورنەكىلىگى: سلايدتار، پلاكاتقا جازىلعان ۇلاعاتتى سوزدەر، شار، كومپيۋتەر، پرەزەنتاسيا، اقىن جازۋشىلار پورترەتى

ءمۇعالىم: قۇرمەتتى دوستار، ۇستازدار!
سىزدەردى قازاقستان رەسپۋبليكاسى حالىقتارىنىڭ تىلدەر مەرەكەسىمەن قۇتتىقتايمىن.

ءتىلىم مەنىڭ - بولاشاقتىڭ باستاۋى،
ءتىلىم مەنىڭ - جۇرەگىمنىڭ قالاۋى.
ءتىل دەگەنىڭ اسىل دۇنيە ارداعىم،
تەك باعالاي بىلسەڭ عانا بولعانى.

ءتىلىم مەنىڭ-ومىردەگى ىرىسىم،
ءتىلىم مەنىڭ-قازبا بايلىق مىرىشىم.
ءتىلىم مەنىڭ-ول قاتىناس قۇرالىم،
ءتىلىم مەنىڭ- ول سارقىلماس بۇلاعىم.

1-جۇرگىزۋشى:
قىركۇيەكتىڭ 22ء-سى قازاقستان رەسپۋبليكاسى حالىقتارىنىڭ تىلدەرى كۇنى بولىپ جاريالانۋى اسا ماڭىزدى الەۋمەتتىك قادام.ول ەڭ الدىمەن تىلگە، سول ارقىلى جاسالاتىن مادەنيەت پەن ونەرگە دەگەن
قوعام مەن مەملەكەت تاراپىنان كورسەتىلۋى ءتيىس ءىلتيپاتتىڭ ءبىر ونەگەسى.
2-جۇرگىزۋشى:
تاۋەلسىز ەلىمىزدىڭ قوعامدىق ومىرىندە وزگەشە ورىن العان بۇل ۇلت تىلدەرىنە قۇرمەت كورسەتىلەتىن مەيرام. ادامنىڭ جاس كۇنىنەن اتا-اناسىنا اينالاسىنداعى ەرەسەكتەرگە باسىندا ەلىكتەۋ ارقىلى ۇيرەنىپ، كەيىن تابيعي تۇردە بىرتە-بىرتە ەسەلەنە وتىرىپ، قوعامدىق تۇرمىستا وزگەلەرمەن ءومىر بويى ۇعىنىساتىن نەگىزگى قاتىناس قۇرالى، تۋعان حالقىنىڭ ءتىلى-انا ءتىلى.
1-جۇرگىزۋشى:
انا ءتىلى حالىقتىڭ جازۋى جوق كىتابى، مەكتەبى جوقتا ۇستازى بولعان.انا ءتىلى حالىق ءوسىپ، وركەندەسە داميدى دا، حالىق جوعالسا قۇريدى.

1-وقۋشى:ويىمدى انا تىلمەن ويۋلايمىن،
جۇرەكتە انا ءتىلسىز، قويۋلار مۇڭ.
قۇدىرەتتى ءتىلىمنىڭ ارقاسىندا،
ەشقاشان، جەر بەتىنەن، جويىلمايمىن.

2-وقۋشى:
ار تۇتىپ ارداقتاعان ازاماتىن،
بار ويىن، انا تىلمەن جازدى اقىن.
سالت –سانا، انا تىلدەن ايىرعاندا،
جويۋعا جانتالاستى-اۋ، قازاق اقىن...

3-وقۋشى
سەزىمنىڭ تىلمەن توگىپ كەستەلەرىن،
عاسىردان عاسىرلارعا كوشتى ونەرىم.
ۇلتىمنىڭ انا ءتىلى عوي، ار تاڭباسى،
ءتىل وشپەسە، مەنىڭ دە وشپەگەنىم!