InfoHub Logo

دۇنيە عاجاپ، تىلسىم الماعايىپ،
وسىنىڭ بىرەۋىنە توقتالايىق.
مىڭ قۇلپىرعان - قىزىلدى، جاسىلدى دا
تابيعات تۇمسا تىرلىك، تاڭعاجايىپ.

ايتايىن ويىمدى مەن جۇيرىك اتتاي،
زىمىراپ وتەيىن دە اتقان وقتاي.
ىشىمە سىر جاسىرىپ قالمايمىن مەن
كورىنبەي تۇندە ۇشاتىن جارقاناتتاي.

بۇل تۇستا قالاي عانا ىركىلەيىن،
نوسەردەي كوك اسپاننان سىركىرەيىن.
ولەڭىمدى ارنالدىم تابيعاتقا
كەمەگە جول كورسەتەر دەلفين دەيىن.

ورتەيدى ءداۋ ورماندى جالعىز ۇشقىن،
سىلكىلگەندەي قاناتىن قىران قۇستىڭ.
تىرناعىنىڭ وتكىرلىگىن ايتار بولساق
ۇقسايدى جۇزدەرىنە سوم قىلىشتىڭ.

وسىمدىك دۇنيەسىن ارالاساڭ،
سانىنان شاتاساتىن مىڭ ساناساڭ.
تۇستەرىنىڭ الۋاندىعى تاڭ قالدىرار
كوز تويار ءما، كوركىنە كوپ قاراساڭ.

تاۋلارى تۇيەلەردىڭ وركەشىندەي،
سۋلارى سول تاۋلاردىڭ ەركەسىندەي.
تاستارى قاباق شىتقان قارت سەكىلدى،
شىڭدارى قويباستاعان سەركەسىندەي.

مەن ماڭگى تابيعاتقا باس يەمىن،
سەزەمىن شىن جۇرەكپەن قاسيەتىن.
اقىنمىن اعىنى قاتتى جىرلارىمنىڭ،
وزەندەي تاۋدى جارىپ، باۋىرىما تاس ۇيەتىن.