InfoHub Logo

گەوگرافيا 7 سىنىپ
ساباقتىڭ تاقىرىبى: تىنىق مۇحيتى
سىلتەمە جوسپار
جالپى ماقساتى: 1. تىنىق مۇحيتىنىڭ گەوگرافيالىق ورنى، باستى ەرەكشەلىكتەرى تۋرالى ءبىلىمى مەن ءتۇسىنۋىن انىقتاۋ.
2. تىنىق مۇحيت تابانىنىڭ جەر قىرتىسىنىڭ وتە كۇردەلىلىگىن وقىپ ۇيرەنۋ.
3. كەسكىن كارتا جانە اتلاسپەن جۇمىس داعدىلارىن انىقتاۋ، باعالاۋ.
كۇتىلەتىن ناتيجە: - تىنىق مۇحيتىنىڭ گەوگرافيالىق ورنى مەن تابيعاتىنداعى باستى ەرەكشەلىكتەرمەن تانىسادى.
- تىنىق مۇحيتىنداعى وسىمدىكتەر مەن جانۋارلار الەمىن بىلەدى.
- مۇحيت جاعالاۋىنداعى ءىرى ارالدار مەن تۇبەكتەردى، ءىرى قازان شۇڭقىرلاردى انىقتاپ، كەسكىن كارتاعا تۇسىرۋگە قابىلەتتى بولادى.
نەگىزگى يدەيالار: - تىنىق مۇحيتىنىڭ اۋدانى 178، 6 ملن. كم. كۆ. ونىڭ ايدىنىنا جەر شارىنداعى بارلىق ماتەريكتەردى سىيدىرۋعا بولادى.
- مۇحيت سۋىنىڭ كولەمى 710 ملن. كم. كۋب.- قا تەڭ. بۇل دۇنيەجۇزىلىك مۇحيت سۋىنىڭ 53% قۇرايدى.
- تىنىق مۇحيتىندا دۇنيەجۇزىلىك مۇحيتتىڭ ەڭ تەرەڭ بولىگى – ماريان شۇڭعىماسى (11022 م.) ورنالاسقان.

ساباق بويىنشا ءمۇعالىمنىڭ جازبالارى:
ءى. الەمنىڭ قىزىقتارى مەن قۇپيالارىن زەرتتەيتىن گەوگرافيا ساباعىنا حوش كەلدىڭىزدەر! (وقۋشىلاردىڭ كوڭىل - كۇيلەرىن سۇراي وتىرىپ، تۇگەلدەۋ.)
ءىى. پروبلەمالىق سۇراقتار.
1. ماتەريكتەردى جەر كولەمىنە قاراي اتاڭدار.
2. قاي ماتەريكتە تۇرعىڭ كەلەدى؟
3. ءاربىر ماتەريكتىڭ ەرەكشەلىگىن اتاڭدار.
4. ءبىز قاي ماتەريكتە ءومىر سۇرەمىز؟ (ەۆرازيا)
- ەۆرازيا ماتەريگىنىڭ سولتۇستىگىندە سولتۇستىك مۇزدى مۇحيتى سۋى شايىپ جاتىر. قالعان بولىگىندە ماتەريكتى قانداي مۇحيت سۋلارى قورشاعان؟
- تىنىق مۇحيتى، ءۇندى مۇحيتى، اتلانت مۇحيتى
(وقۋشىلار رەت - رەتىمەن كىرىسپەدە العان بىلىمدەرىنە سۇيەنە وتىرىپ اتاپ شىعادى.
وسىلايشا وقۋشىلاردى مۇحيت اتاۋلارىمەن 3 توپقا ءبولىپ الامىن. ءار توپ مۇشەلەرى رولدەرگە ءبولىنىپ الادى.)
1. كوشباسشى (ليدەر)
2. بايانداماشى (رەپورتەر)
3. حاتشى
4. ۋاقىت ساقشىسى
5. باقىلاۋشى (بىرنەشە وقۋشى الۋعا بولادى)

ءىىى. جاڭا ساباق
جۇپتىق جۇمىس (ەكى وقۋشى ءماتىندى ءبىر - بىرىنە تۇسىندىرەدى. توپ اراسىنان ءبىر وقۋشى شىعىپ، تاقىرىپتى قورعايدى)
1 توپ. تىنىق مۇحيتىنىڭ زەرتتەلۋى.
2 توپ. تىنىق مۇحيتىنىڭ گەوگرافيالىق ورنى.
3 توپ. تىنىق مۇحيتىنىڭ تابيعاتى.
توپتى باعالاۋ پاراعىنا توپ ءوزىن - وزدەرى باعالايدى. باعا قويۋ سەبەبىن كورسەتەدى. ءمۇعالىم ءوز پاراعىنا باعالايدى.