InfoHub Logo

قازىرگى ۇيلەردى توڭازىتقىشسىز ەلەستەتۋ مۇمكىن ەمەس. ءبارى توڭازىتقىش سۋىقتى ىشىندە ساقتايتىندىعىن بىلەدى. سوندىقتان ىشىندە ساقتالاتىن ازىق-تۇلىكتەر ۇزاق ۋاقىت بويى بۇزىلمايدى. توڭازىتقىشتىڭ قۇرىلىسى قانداي؟

توڭازىتقىشتىڭ 4 نەگىزگى قۇراۋشى بولىگى بار:

1. حلاداگەنت – اينالىپ جۇرەتىن جانە جىلۋدى تاسىمالدايتىن زاتتەك. حلاداگەنت رەتىندە فرەون گازى قولدانىلادى.

2. كومپرەسسور – ناسوس قاعيداسى بويىنشا جۇمىس ىستەيتىن جانە حلاداگەنتتى شەڭبەر بويىمەن ايدايتىن موتور.

3. كوندەنساتور – ول ارقىلى جىلۋ سىرتقا، قورشاعان ورتاعا شىعادى. كوندەنساتور – بۇل توڭازىتقىشتىڭ ارتقى قابىرعاسىنداعى تور.

4. بۋلاندىرعىش – ول توڭازىتقىشتاعى جىلۋدى الىپ شىعادى. ادەتتە وڭازىتقىشتىڭ ارتقى قابىرعاسى بۋلاندىرعىش قىزمەتىن اتقارادى.

تۇرمىستىق توڭازىتقىشتىڭ نەگىزگى بولىكتەرى:
1 - بۋلاندىرعىش، 2 - كوندەنساتور، 3 - كەپتىرۋشى-فيلتر، 4 - كاپيلليار، 5 - كومپرەسسور

كومپرەسسور بۋلاندىرعىشتىڭ ىشىنەن حلاداگەنتتى جۇتادى. بۇل كەزدە حلاداگەنت بۋ كۇيىندە بولادى. كومپرەسسور قىسىممەن ونى كوندەنساتورعا جۇكتەيدى. حلاداگەنت قىسىمنان سىعىلىپ، گازدان سۇيىق كۇيگە اۋىسادى. سونىمەن بىرگە تەمپەراتۋراسى كوتەرىلەدى. ىستىق گاز كوندەنساتوردىڭ ترۋبالارىمەن وتكەندە قورشاعان كەڭىستىككە جىلۋىن بەرەدى جانە ناتيجەسىندە بولمە تەمپەراتۋراسىنا دەيىن سۋيدى.

سودان كەيىن وتە تار ساڭلاۋ ارقىلى (كاپيلليار) حلاداگەنت بۋلاندىرعىشتىڭ ىشىنە تۇسەدى. ونىڭ قىسىمى بىردەن ازايىپ، جانە سونىڭ ارقاسىندا حلاداگەنت بۋلانادى. ول قايناپ، بۋعا اينالادى. سونىمەن بىرگە ول قاتتى سۋيدى. ناتيجەسىندە بۋلاندىرعىشتىڭ قابىرعاسىنداعى جىلۋدى الىپ، ال بۋلاندىرعىش ءوز كەزەگىندە توڭازىتقىشتى جانە ونىڭ ىشىندەگى ازىق-تۇلىكتەردى سۋىتادى

وسىلايشا، حلاداگەنت مىنا سيكل بويىنشا جۇمىس ىستەيدى: كوندەنساتوردىڭ ىشىندە ول جوعارى قىسىمنىڭ اسەرىنەن سۇيىقتىققا اينالادى جانە جىلۋ ءبولۋ ارقىلى سۇيىق كۇيگە اۋىسادى، ال بۋلاندىرعىشتا تومەن قىسىمنىڭ اسەرىنەن قاينايدى جانە جىلۋدى جۇتىپ گازعا اينالادى.

كومپرەسسييالى توڭازىتقىشتىڭ جۇمىس ىستەۋ سىزباسى
1 - كوندەنساتور، 2 - كاپيلليار، 3 - بۋلاندىرعىش، 4 - كومپرەسسور

توڭازىتقىشتىڭ مىندەتتى تۇردە جىلۋ رەتتەگىشى بولادى. ونىڭ كومەگىمەن توڭازىتقىش كامەراسىن سۋىتۋ تەمپەراتۋراسى قويىلادى. وسى تەمپەراتۋراعا جەتكەندە جىلۋ رەتتەگىشى ەلەكتر تىزبەگىن اجىراتادى جانە كومپرەسسور توقتايدى.

ءبىراز ۋاقىتتان كەيىن توڭازىتقىشتىڭ ىشىندەگى تەمپەراتۋرا قايتادان كوتەرىلە باستايدى (قورشاعان ورتانىڭ اسەرىنەن). سوندا جىلۋ رەتتەگىشىنىڭ تۇيىسۋلەرى اجىرايدى جانە موتور-كومپرەسسوردىڭ ەلەكتر قوزعالتقىشى قورعاۋشى رەلەنىڭ كومەگىمەن ىسكە قوسىلادى. توڭازىتقىش ىشىندەگى تەمپەراتۋرا قاجەت شاماعا دەيىن تومەندەمەيىنشە بۇكىل سيكل باسىنان قايتالانا بەرەدى.

سوندىقتان توڭازىتقىشتىڭ دۇركىن-دۇركىن شۋىلداپ، كەيىن قايتادان تىنىشتالعانىن ەستيتىنىمىزدىڭ سەبەبى وسىدا. بۇل كومپرەسسوردىڭ ەلەكتر قوزعالتقىشىنىڭ قوسىلىپ ءوشۋى.

كەپتىرۋشى-فيلتر حلاداگەنتتى تازالاۋ جانە كەپتىرۋ ءۇشىن قاجەت. كەپتىرۋشى-فيلتر ىلعالدى جۇتاتىن زاتتەكپەن (سيليكاگەل نەمەسە سەوليت) تولتىرىلعان سيليندر بولىپ كەلەدى.  حلاداگەنت سۇيىقتىققا اينالاتىن جوعارى قىسىمدى جەردەن، قىسىمى تومەن جەرگە بارادى. ول جەردە حلاداگەنتتىڭ قىسىمى تومەندەپ جانە ول بۋعا اينالادى.

---