InfoHub Logo

جانۋارلار الەمدى قالاي كورەتىنى ءسىزدى قىزىقتىرعان با؟ عالامشارىمىز كوز كورىپ، قۇلاق ەستىمەگەن قۇپيالارعا تۇنىپ تۇر. اسىرەسە، ساناسىز دەپ وزىمىزدەن تومەن قوياتىن جان-جانۋارلاردىڭ ەشبىرى دە تولىق زەرتتەلىپ بىتپەگەن. ال ءمالىم بولعان ەرەكشەلىكتەردى بىلە بەرمەيمىز. وسى ولقىلىعىمىزدىڭ ورنىن تولتىرۋ ءۇشىن "جانۋارلار قالاي كورەدى؟" دەگەن تاقىرىپتا تومەندەگى سۋرەتتەر مەن قىسقاشا مالىمەتتەردى نازارلارىڭىزعا ۇسىنامىز. 

 

مىسىقتار مەن يتتەر

^{© depositphotos}

يت پەن مىسىقتاردىڭ كورۋ قابىلەتتەرى ناشارلاۋ، ولار كوپتەگەن تۇستەردى اجىراتا المايدى سوندىقتان الەمدى قانىق تۇستە كورمەيدى. سوعان قاراماستان، تۇندە كورۋ قاسيەتى ادامداردان ارتىق. ءبىر قىزىعى، ولار ۇزدىكسىز قوزعالىس، ارەكەتتەرگە سەزىمتال كەلەدى، تەرەڭدىكتى قابىلداۋى جاقسى دامىعان.

 

بالىقتار

^{© Anita Hart}

اكۆاريۋمداعى بالىقتار ۋلتراكۇلگىندى كورەدى، ال اينالاسىنداعىنىڭ بارلىعى ۇلكەيتىلگەن تۇردە كورىنەدى.

 

قۇستار

^{© depositphotos}

قاناتتىلاردىڭ كورۋلەرى وتە جاقسى. تۇنگى قۇستار جارىق جوق ۋاقىتتا جاقسى كورەدى، ال كۇندىزگى قۇستار ادامنىڭ كوزىنە كورىنبەيتىن تۇستەردى جانە ۋلتراكۇلگىن ساۋلەلەرىن كورەدى.

 

جىلاندار

^{© depositphotos}

جىلاندار كۇندىز كادىمگى كوزدەرىن پايدالانسا، تۇندە باسقا "كوزگە" اۋىسادى. جورعالاۋشىلار اينالاسىنداعى جىلىقاندى وبەكتتەردىڭ ينفراقىزىل جىلى دابىلدارىن ۇستاپ الۋعا بەيىم. كۇندىز جىلانداردىڭ كورۋ قابىلەتى قيمىل-قوزعالىسقا تاۋەلدى. ولار قيمىلسىز تۇرعان نارسەنى بايقامايدى.

 

تىشقاندار مەن ەگەۋقۇيرىقتار

^{© Walt Jabsco}

تىشقانداردىڭ كوزدەرى بىر-بىرىنەن بولەك قوزعالعاندىقتان ولار ەكى كورىنىس كورەدى. قورشاعان ورتا ولار ءۇشىن تۇنىق ەمەس، باياۋ، كوك-جاسىل تۇستە.

 

سيىرلار

^{© depositphotos}

جايىلىم سيىرعا جاسىل ەمەس، قىزعىلت سارى جانە قىزىل تۇستە كورىنەدى، سونىمەن قاتار سيىرلارعا  اينالا ۇلكەيتىلىپ كورىنەدى.

 

جىلقىلار

^{© depositphotos}

اتتاردىڭ كوزدەرى قىرىن ورنالاسقان، بۇل ولارعا شالعايدان كورۋ مۇمكىندىگىن بەرەدى. اتالعان ەرەكشەلىك اتتارعا ءتونىپ كەلە جاتقان ءقاۋىپتى تەز سەزۋگە كومەگىن تيگىزەدى. الايدا، مۇنىڭ دا تەرىس جاقتارى بار. ماسەلەن، ات تۋرا الدىنداعى نارسەنى كورە المايدى. سونداي-اق، اتتار ءبىر مەزگىلدە ەكى بەينەنى كورەتىن بولسا، ادامدار سەكىلدى بىرىكتىرىپ، قورىتا المايدى. ولاردىڭ تۇندە كورۋ قابىلەتى ادامدارعا قاراعاندا جاقسى دامىعانىمەن، ءتۇستى اجىراتۋ دەڭگەيى وتە تومەن. ياعني، اتتار بارلىق نارسەنى كوك، جاسىل تۇستە، كوبىنە، سۇر تۇستە كورەدى.

 

ارالار

^{© depositphotos}

ارالار جارىقتى ادامعا قاراعاندا ءۇش ەسە جىلدام قابىلدايدى، سونىمەن قوسا ۋلتراكۇلگىندى كورەدى.

 

شىبىندار

^{© depositphotos}

شىبىنداردىڭ كوزدەرى كۇردەلى. ولاردىڭ كورۋلەرى، مىڭداعان شاعىن كوزدەر ءبىر سۋرەتتى قالىپتاستىرعانعا ۇقسايدى. شىبىندار ۋلتراكۇلگىندى كورەدى جانە الەم ولارعا باياۋ بولىپ كورىنەدى.

 

اكۋلالار

^{© depositphotos}

اكۋلا سياقتى سۋ استى جىرتقىشتارى تۇستەردى كورمەيدى، ءبىراق ادامعا قاراعاندا سۋ استىندا ولاردىڭ كوزى الدەقايدى وتكىر.

 

قۇبىلعىلار

^{© depositphotos}

قۇبىلعىلار 360 º كورە الادى جانە كوزدەرى بىر-بىرىنە تاۋەلسىز قوزعالادى.

 

تۇنگى جارماسقىلار

^{© depositphotos}

تۇنگى جارماسقىلار قاراڭعىدا ادامعا قاراعاندا 350 ەسە جاقسى كورەدى.

 

كوبەلەكتەر

^{© depositphotos}

كوبەلەكتەر— تاڭعاجايىپ جاندىكتەر. كوز جىتىلىگى ناشار بولعانىمەن، اداممەن سالىستىرعاندا كوپ تۇستەر مەن رەڭكتەردى جانە ۋلتراكۇلگىندى كورەدى.

 

وقۋعا كەڭەس بەرەمىز:

جانۋارلاردىڭ كورۋ قابىلەتى جايلى قىزىقتى دەرەكتەر

---