ءتورت تەڭگە
كۇن ىستىقتا ءابدىجاپپار بي كىزمەتشىسى اپەندىنى ەرتىپ يەلىگىن ارالاپ جۇرەدى. الدارىنان ءبىر ۇلكەن ارىق كەز بولىپ، بي شومىلماق بولادى:
— جاعادا وتىرىپ مەنىڭ كيىمىمدى قارايلا، — دەيدى.
ارينە، اپەندىنىڭ دە سالقىن سۋعا ءتۇسىپ، راقاتقا باتقىسى كەلەدى، ءبىراق قاھارلى بايدى تىڭداماي بولمايدى عوي. ءابدىجاپپار باي قۇمارىنان شىققانشا شومىلىپ، جاعاعا ازەر دەگەندە شىعادى.
باي كيىنىپ جاتقاندا اپەندى:
— تاقسىر، ءسىزدىڭ قالتاڭىزداعى اقشا تاۋسىلىپ قالدى، — دەيدى.
— ءاي، نە دەپ كوكىپ تۇرسىڭ؟ — دەپ اشۋلانادى باي. — مەنىڭ اقشامدا نە اكەڭنىڭ قۇنى بار ەدى؟
— عافۋ ەتىڭىز، ءسىز سۇڭگىپ كەتكەندە، مەن سۋعا باتىپ كەتتىڭىز بە دەپ قورقىپ كەتتىم. سوسىن ءوتىپ بارا جاتقان ءبىر جىگىتكە ءبىر تەڭگەنى ۇستاتتىم دا، «اۋىلدان كومەك شاقىر»، — دەدىم.
— ءامياندا ءتورت التىن اقشا بار ەدى عوي. قالعان ۇشەۋى قايدا؟
— كەشىرىڭىز، ءسىز سۋدان امان-ەسەن شىعا كەلگەن سوڭ، مەن ەكىنشى ءبىر جىگىتتى ءبىرىنشى جىگىتتى توقتاتۋعا جىبەردىم. ەكىنشى جىگىتكە دە ءبىر تەڭگە بەردىم.
— قارعىس اتسىن، ال قالعان ەكى تەڭگە كايدا؟
— ءسىز باتىپ كەتسەڭىز، قۇدايى بەرەم دەپ، ال امان قالساڭىز، مەشىت سالۋعا قوسام دەپ انت-سۋ ءىشىپ ەدىم.
— ال سوڭعى تەڭگە قايدا؟
— مەن سىزبەن وسىندا اۋرە-سارساڭعا ءتۇسىپ جۇرگەندە، ءبىر تەڭگە تاباتىن ۋاقىتىم بولدى عوي دەپ، ءسىزدىڭ قالتاڭىزدا ۇستاپ وتىرمىن، — دەپتى قوجا.
You Might Also Like
-
قاجەكەڭنىڭ ءۇرىم-بۇتاعىن ايتپاستان بۇرىن، جۇبايلارى جونىندە ازداپ اڭگىمەلەسەك. 1909 جىلى قاجەكەڭ نادەجدا چەپكوۆسكاياعا ۇيلەنەدى، 1925 جىلى تىنىبايدىڭ قىزى ىرىستىعا، 1938 جىلى ءمۇنايىمعا، 1946 جىلى ايش...
-
كەشكە قاراي ءۇيدىڭ جانىندا ءبىر قاريا مەن جىگىت اڭگىمەلەسىپ وتىر ەدى. جىگىت قولىنا ءبىر شىلىم الىپ:
