ءتورتىنشى بيلىكتىڭ بۇگىنى مەن ەرتەڭى
جۋرناليستيكا ەل اراسىندا «ءتورتىنشى بيلىك» اتالىپ جۇرگەنىنە 2 عاسىرعا جۋىق ۋاقىت ءوتتى. حالىق قازاق جۋرناليستيكاسى بۇگىنگى تاڭدا وسى اتقا ساي جۇمىس جاساپ جاتقانىنا كۇمانمەن قاراپ جاتادى. الايدا، بۇل قاتە تۇسىنىكتەن تۋىنداعان پىكىر. سەبەبى، جۋرناليستيكانىڭ باسشىلىققا ەش قاتىسى جوق. ول زاڭ قابىلدامايدى، مەملەكەت ءۇشىن شەشىم شىعارمايدى. وسى تۇستا، «ءتورتىنشى بيلىك» دەگەن ۇعىم جۋرناليستەردىڭ مارتەبەسىن كوتەرۋ ماقساتىندا ويلاپ تابىلعانىن ەسكەرۋ كەرەك.
بيلىككە ارالاسپاسا دا، بۇگىنگى جۋرناليستيكا قوعامدىق سانانىڭ دامۋىنا زور ۇلەس قوسىپ جاتىر. باق-تىڭ ارقاسىندا ادامداردىڭ الەمگە كوزقاراسى وزگەردى. كوپتەگەن ارتتا قالعان مەملەكەت اقپارات قۇرالدارىنىڭ كومەگىمەن سوسيال-دەموكراتيالىق يدەولوگياعا جەتتى. ەركىندىك پەن تەڭدىككە جول اشتى. الەمدەگى سوڭعى جاڭالىقتار، مادەنيەت، ەكونوميكا، ەلدىڭ ىشكى جانە سىرتقى ساياساتىندا قانداي وزگەرىستەر بولىپ جاتىر – وسىنىڭ بارىمەن اۋديتوريانى حاباردار ەتەتىن جۋرناليستيكا. سوندىقتان، ب ا ق زامان تالابىنا قاراي وزگەرىپ وتىرۋى كەرەك. مىسالى، قازىرگى تاڭدا اۋديتوريانىڭ گازەتكە قىزىعۋشىلىعى از. تەلەديداردىڭ رەيتينگى دە كۇننەن-كۇنگە تومەندەپ بارادى. كوپ جاعدايدا، وقىرمان جاڭالىقتى سايتتان نەمەسە Instagram، Facebook سەكىلدى الەۋمەتتىك جەلىدەن وقيدى. وسىعان بايلانىستى مەديا سالاسى ءوز باعىتىن ينتەرنەتكە بۇرىپ جاتىر.
ەل ىشىندە بلوگەر سانى ارتقان سايىن، اۋديتوريانىڭ بار نازارى سولارعا اۋعان. باسەكەلەستىكتىڭ اسەرىنەن، قازاق مەدياسى الەۋمەتتىك جەلىگە ساپالى كونتەنت جاساۋعا بەيىمدەلدى. وسىلايشا، اقپارات بىردەن بىرنەشە باق-قا جاريالاناتىن بولعان. جاڭا فورماتتاعى «Atameken Business» ارناسى قازاق تەليەۆيزياسىنا جاڭالىق اكەلدى. ول ەلىمىزدەگى العاشقى ينتەرنەت-ارنا بولىپ ەسەپتەلىنەدى.
مەديانى ارى قاراي دامىتۋ سيفرلاندىرۋ جۇيەسى ارقىلى جۇزەگە اسپاق. ءتورتىنشى بيلىكتىڭ بولاشاعى ءۇشىن سيفرلىق جۋرناليستيكانى يگەرۋ قاجەت. سەبەبى، ول دا العا جىلجۋدى قاجەت ەتەتىن كوپ سالانىڭ ءبىرى. ال سيفرلىق جۇيە– 21 عاسىردىڭ تالابى. قازىرگى تاڭدا وسىنداي وقۋ باعدارلاماسى الماتىداعى حالىقارالىق اقپاراتتىق تەحنولوگيالار ۋنيۆەرسيتەتىندە بار. وسىندا وقىپ شىققان جاس جۋرناليستەردىڭ بولاشاعى جارقىن بولارى انىق.
قورىتا ايتقاندا، قوعامدىق سانانى العا جىلجىتۋشى كۇش وزەكتىلىگىن جوعالتپاۋى، جۋرناليستەردىڭ زاماناۋيلىعىنا، ساۋاتتىلىعىنا بايلانىستى. سول سەبەپتى، اسىرەسە بولاشاق مەديا قىزمەتكەرلەرى تەحنولوگيالاردى مۇقيات مەڭگەرىپ، اقپارات تاراتۋدىڭ ءتۇرلى ادىستەرىن ۇيرەنگەنى ابزال.
نۋراي ساگاتوۆا حاتۋ ستۋدەنتى
You Might Also Like
-
قازاقستان رەسپۋبليكاسىنىڭ ءبىلىم جانە عىلىم مينيسترلىگى تۇران ۋنيۆەرسيتەتى
-
ادەبيەت زەرتتەۋشى عالىم، تۇركىتانۋشى، پۋبليسيست، پەداگوگ، اۋدارماشى، قوعام جانە مەملەكەت قايراتكەرى. قازاق حالقىنىڭ 20 عاسىردىڭ باسىنداعى ۇلت-ازاتتىق قوزعالىسى جەتەكشىلەرىنىڭ ءبىرى، قازاق ءتىل ...
