InfoHub Logo

تۋعان جەر التىن بەسىك، اسىل انام.الەمنىڭ جەتى كەرەمەتىنەن دە اسىپ تۇسەرلىك كىندىك قانىم تامعان قازاقستانىم-مىنا مەنىڭ ءسابي جۇرەگىمنەن ويىپ تۇرىپ ورىن العان.وزگە ەلدە مەكەن ەتىپ جاتقان قانداستارىما ارمان بولعان ەلىمنىڭ ءقادىرىن مەن جاقسى تۇسىنەمىن.سول ءۇشىن دە قادىرلەيمىن..جاقسى كورەمىن..

شىر ەتىپ دۇنيە ەسىگىن اشقان كەزدە تۋعان جەر دەگەن ۇعىمدى مەن بىردەن تۇسىنە قويعام جوق.ەلىڭدى ءسۇي دەپ تە ەشكىم قۇلاعىما قۇيا قويمادى.تاريحتىڭ قويناۋىنان سىر شەرتە ءجۇرىپ رۋحاني باي ءارى قايىرىمدى حالقى بار وتانىمنىڭ قۇندىلىعىن ۇعا باستادىم.ءوز وتانىمدى ءسۇيۋدى ۇيرەندىم.ءوز ەلىن مەنسىنبەي قارايتىن باۋىرلارىمدى مەن تۇسىنبەيمىن.تۋعان جەرىمىز  كەشە عانا ەسىن جيىپ،اياققا تۇرسا دا اقش پەن قىتايدان كەم تۇسپەيدى!دارىندى ،كەمەل ۇرپاق كەرەك بولسا نەبىر ۆۋندەركيند بالالار ءوز ەلىمىزدە بار.رەسەيدىڭ كەڭ بايتاق جەرىن ايتساڭىز، قازاقستاننىڭ پايدالى قازبالارىن سوزگە تيەك ەتەمىن.ءبىزدىڭ ەلدىڭ بايلىعىنا  رەسەي تەڭ بولا الادى ما؟ شۆەيساريادىڭ تابيعاتىن ايتساڭىز، كوكشەتاۋعا بيلەت ساتىپ اپەرەيىن!بۋرابايدىڭ سۇلۋلىعىن كورىپ،ءوز ەلىڭىزگە قالاي تامسانباس ەكەنسىز؟الەم ادەبيەتىن اۋىز تولتىرا ماقتاماس بۇرىن «اباي جولىن» وقىپ شىعۋىڭىزدى سۇرار ەدىم.

بابالاردان قالعان اسىل مۇرانىڭ،ساتپايەۆ اشىپ كەتكەن مول قازىنانىڭ بايبىنا جەتە قويماعان ۇرپاققا ەلباسىمىز باستاعان «رۋحاني جاڭعىرۋ» مەن  «مادەني مۇرا» ءبىر سەرپىلىس اكەلگەندەي بولدى.بۇل جوبالار شىن مانىندە جاستاردىڭ ىزدەنۋىنە جول اشتى.وسى جولدا وتانىن جاقسى تاني تۇسكەن جاندار ءسوزسىز ءوز ەلىنىڭ پاتريوتى اتاندى.

تۋعان جەردىڭ توپىراعى دا كيەلى عوي شىركىن..تالاي جانعا شيپا بولعان كيەلى توپىراقتى قاستەرلەمەۋ بىزگە سىن.تۋعان جەردىڭ تاۋ-تاسىن،سىلدىراپ اققان بۇلاعىن،ءان سالعان قۇستارىن، اتقان ءاربىر تاڭى مەن سۇلۋ كەشىن باقىلاي قاراساڭىز ءبىر تەبىرەنەسىز.تۋعان جەردىڭ ومىردەن ءوز جولىن تاپپاي موتيۆاسيا ىزدەگەن جانداردىڭ  ويلارىنداعى بوس كەڭىستىكتى تولتىرۋعا جەتەرلىك كۇشى بار.

مەن تۋعان جەرىمدى شەكسىز سۇيەم!بۇل از ءسوز- ۇلكەن ماعىنا.تۋعان جەرىمنىڭ ءار قاراكوز قىزدارىن،ءاربىر رۋحتى جىگىتىن، ءاربىر كۇمىس-كومەي جەز تاڭداي ءانشىسىن، ءاربىر شابىت ىزدەگەن قالامگەرىن،بارشا بايلىعىن سۇيەمىن.ويتكەنى ،بارلىعىمىزدا وتان جالعىز.وزگە ەلدىڭ ابىرويىن  اسقاقتاتقانشا،تۋعان جەرىمدە ءوزىمدى پاتريوت سەزىنگەنىم جاقسى ەمەس پە؟ پاتريوتتىق سەزىمدى قاراپايىم سوزبەن سيپاتتاۋ شىن مانىندە قيىن.بويىڭدى ۇلكەن ماقتانىش سەزىمى كەرنەيدى.وتاندى ءسۇيۋ دە ونەر،ءبىراق بارشاعا مىندەت.ەلباسىمىز ايتقانداي وتاندى ءسۇيۋ - وركەنيەتتىلىكتىڭ ءبىرىنشى بەلگىسى.

تۋعان جەر-اسىل ءسوز.قازاق تىلىندە بۇل ءسوزدى ايىرباستاۋعا بولارلىق بىرنەشە ماعىنالاس سوزدەر بار.ەل،وتان،اتامەكەن،تۋعان جەر قايسىسى بولماسىن جۇرەك تەبىرەنتىپ ، ويعا شومدىرارى انىق.الايدا وزگە تىلدەن مەن ءدال مۇنداي ءسوزدى كەزىكتىرمەدىم.مەن وزىڭمەن ماقتانامىن تۋعان جەرىم!

 

احمەد جاننا.
 

---