حالىقارالىق وليمپيادا جەڭىمپازدارىنا جوو-عا ءتۇسۋ كەزىندە باسىمدىق بەرىلمەك
حالىقارالىق وليمپيادا جەڭىمپازدارىنا جوعارى وقۋ ورىندارىنا ءتۇسۋ ءۇشىن باسىم قۇقىق بەرىلۋى كەرەك. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
سەنات قابىرعاسىندا «پەداگوگ مارتبەسى تۋرالى» زاڭ جوباسىن تالقىلاۋ بارىسىندا دەپۋتات سەرگەي ەرشوۆ مينيستردەن «التىن بەلگى» يەلەرىنە جوعارى وقۋ ورنىنا ءتۇسۋ كەزىندە باسىمدىق بەرۋ قاجەت پە؟» دەپ سۇراعان ەدى.
«ءبىز مۇنىڭ قاجەتى جوق دەپ ەسەپتەيمىز. ءقازىر «التىن بەلگى» سانى ءتىپتى گەومەتريالىق پروگورەسسپەن ارتىپ جاتىر. بۇگىندە «التىن بەلگى» يەلەرى بۇرىنعىداي بەلگىلەرىن ۇبت ارقىلى راستامايدى نەمەسە كەڭەس زامانىنداعىداي وبلىستىق ءبىلىم باسقارماسىنىڭ كوميسسياسى تەكسەرمەيدى. مەكتەپتىڭ ءوزى بۇل بەلگىنى بەرە سالادى. سوندىقتان بۇل بەلگىنى بەرۋ جانە قورىتىندى جۇمىستاردى تەكسەرۋ قۇزىرەتىن وبلىستىق باسقارما دەڭگەيىنە بەرۋدى ۇسىنامىز»، — دەدى مينيستر.
دەگەنمەن، ول حالىقارالىق وليمپيادا جەڭىمپازدارى ءۇشىن باسىم قۇقىق بەرۋ ماسەلەسىن قايتا كوتەرۋ قاجەت دەپ سانايتىنىن ايتتى.
«سەبەبى قازىرگى ۋاقىتتا حالىقارالىق وليمپيادا جەڭىمپازدارى باسىم قۇقىقسىز قالدى. ولار كوپ تە ەمەس، جىلىنا 20-30 ادام عانا. قازىرگى ۋاقىتتا وسى حالىقارالىق وليمپيادا جەڭىمپازدارىن باسقا ەلدەر الىپ كەتىپ جاتىر. سوندىقتان حالىقارالىق وليمپيادا، عىلىمي كونكۋرس جەڭىمپازدارىنا، حالىقارالىق سپورتتىق جارىستارعا قاتىسۋشىلارعا وسىنداي باسىم قۇقىق بەرۋ وتە ماڭىزدى»، — دەدى ا.ايماعامبەتوۆ.
You Might Also Like
-
ءاربىر ىسىنە ادالدىقتى تۋ ەتىپ، جەكە باسىنىڭ اقىل-پاراساتىمەن كەيىنگىلەرگە ۇلگى بولا بىلگەن سۇيىكتى اپكەمىزدى مەرەيلى جاسىمەن قۇتتىقتاي وتىرىپ، وتباسىنىڭ بەرەكەلى، بالا-شاعاسىنىڭ امان بولۋىنا، دەنسا...
-
زامان اعىمى العا جىلجىعان سايىن باسەكەلەستىك پەن ساپا ارتا تۇسەدى. تاڭداۋ كوپ بولعاندىقتان ءبىرى قىمبات دۇنيەلەرگە ءۇيىر بولسا،ءبىرى ارزانعا ءۇيىر. ارزاننىڭ سورپاسى تاتىماس. دەسەك تە حالىق اراسىندا تار...
