InfoHub Logo

قالىڭ اعاشتى ارالاپ، ءبىر تۇلكى كەلە جاتىپ، اعاشتىڭ باسىندا وتىرعان ءبىر قىرعاۋىلدى كوردى دە، جاقىنداپ كەلىپ سالاماتسىز با، قىرعاۋىل!. قالاي تۇراسىڭ، دوستىم؟ دەدى.

جاقسى سوزىڭە راقمەت! ءوزىڭىز قالاي تۇراسىز؟ دەدى قىرعاۋىل. جەرگە ءتۇسىپ سويلەسسەڭ ەكەن شىراعىم، كارىمىن، ءبىر قۇلاعىم ءجوندى ەستىمەيدى، دەيدى تۇلكى. جەرگە تۇسپەيمىن، جەرگە تۇسۋگە قورقامىن، جەردە ءارتۇرلى اڭدار بار، ءبىزدى جەپ قويۋعا مۇمكىن دەدى، قىرعاۋىل. ەي، دوستىم، بيىلعى زامان بۇرىنعى ەمەس! جاڭادا قالاعا بارىپ ەدىم، بۇيرىق شىعىپتى، بىرەۋگە بىرەۋ زورلىق قىلماسقا! قوي مەن قاسقىر بىرگە ءجۇرسىن دەگەن تۇلكى مەن تاۋىق بىرگە ءجۇرسىن دەگەن كوگارشىن مەن قارشىعا ءبىر ۇياعا جۇمىرتقالاسىن دەگەن. قورىقپا، ءتۇس، دەدى تۇلكى. جاقسى حابارىڭىز بار، جاقسى ايتاسىز، اللاسى رازى بولسىن، دوس! مىنا جاقتا ءبىر يتتەر كەلە جاتىر، ولارعا دا ايتىڭىز، ولار دا ەستىسىن دەدى قىرعاۋىل. يت دەگەن سەزدى ەستىگەسىن تۇلكى الدى-ارتىنا قاراماستان قاشا بەردى. قايدا باراسىز، بۇيرىقتى ۇمىتىپ كەتتىڭىز بە؟ دەدى قىرعاۋىل. كىم بىلەدى، بۇيرىقتى ەستىمەگەن يتتەر شىعار، دەگەن تۇلكىنىڭ داۋسى ەستىلدى.

---