تۇلكى مەن تىرنا
ەرتە، ەرتە، ەرتەدە تۇلكى مەن تىرنا دوس بولىپتى. تۇلكى ءبىر كۇنى تىرنانى قوناققا شاقىرىپتى.
— تىرنا، ماعان قوناق بولىپ كەت.
تىرنا بەلگىلەنگەن ۋاقىتتا كەلدى.
— كەل، تىرنا، كەل. سەنى كورگەنىمە قۋانىشتىمىن!
تۇلكى تاماقتى ەكەۋىنە دە تارەلكەگە سالدى.
— جە، تىرنا دوستىم، جە، ۇيالما!
تىرنا قانشا تىرىسسا دا، تۇلكىنىڭ بەرگەن تاماعىن جەي المادى. ۇزىن تۇمسىعىمەن تارەلكەنى ارى توقىلداتىپ، بەرى توقىلداتىپ، تاماقتى تاتىپ تا كورمەدى. تۇلكى ءوزىنىڭ تارەلكەسىندەگىنى تىلىمەن جالاپ جەپ قويدى دا تىرناعا ايتتى.
— كەشىر، تىرناجان، ساعان بەرەتىن باسقا مەندە ەشنارسە جوق.
— جارايدى، سەن دە ماعان قوناققا كەل — دەدى تىرنا.
كەلەسى تۇلكى تىرناعا قوناققا كەلدى.
— امانسىڭ با، تىرناجان! جاعدايىڭ قالاي؟ ءبارى جاقسى ما؟
— قايىرلى كۇن، تۇلكىشەك! سەنى كۇتىپ وتىرمىن.
تىرنا تۇلكىنى ۇيىنە كىرگىزىپ، ۇستەلدىڭ ۇستىندە سۇيىق تاماق قۇيىلعان بيىك، جىڭىشكە قۇمىرانى بەرىپ، ايتادى
— جە، تۇلكىجان، جە، ۇيالما! شامام كەلگەنشە ءدامدى دايىنداۋعا تىرىستىم.
تۇلكى قۇمىرانىڭ ار جاعىنا ءبىر، بەر جاعىنا ءبىر شىعادى، ال قۇمىرانىڭ مويىنى جىپ-جىڭىشكە، ۇزىن. تۇلكىنىڭ تۇمسىعى ەڭ بولماسا تىلىمەن جالاۋعا دا جەتپەدى. ال تىرنا تاماقتى ۇزىن تۇمسىعىمەن ءىشىپ جاتىپ، تۇلكىگە قۋلانا قاراپ قويادى.
— تۇلكى، سەن نەگە ىشپەيسىڭ؟ مەنىڭ تاماعىم ۇناماي ما؟
تۇلكىنىڭ كوڭىل-كۇيى ءتۇسىپ، قوشتاسپاستان ەسىكتى قاتتى جاۋىپ، شىعىپ كەتتى. ال تىرنا بولسا قاناتىن قاعىپ قالا بەردى. سودان بەرى تىرنا مەن تۇلكى دوس بولمايتىن بولدى.
You Might Also Like
-
ەرتەدە ءبىر كىشكەنتاي قىز بولىپتى. بىردە ول ورمانعا بارىپ، اداسىپ كەتەدى. قايتار جولدى ىزدەپ ءجۇرىپ، قالىڭ اعاشتار اراسىندا تۇرعان ەسكى ۇيگە كەزىگەدى. ەسىگى اشىق تۇر. قىز ىشكە كىرەدى. بولمەدە ەشكىم ك...
-
كوزىڭدى اشىپ، ويان. سەنى كۇن سايىن ءار ءتۇرلى، جاڭا نارسەلەر كۇتىپ تۇر. ءومىردىڭ قىزىعىن، ءتاتتىسىن جىبەرىپ الما. قاراڭعى تۇنەكتەن جارىق جۇلدىزدى ىزدەۋگە تىرىس. قولىڭنان كەلمەسە، ازعانتاي ۋاقىتقا توقتا،...
