InfoHub Logo

تۇمانباي مولداعالييەۆ (20.03.1935 جىلى تۋعان، الماتى وبلىسى، ەڭبەكشىقازاق اۋدانى، "جارسۋ" سوۆحوزى) — قازاق اقىنى. قازاقتىڭ مەملەكەتتىك ۋنيۆەرسيتەتىنىڭ فيلولوگيا فاكۋلتەتىن ءبىتىردى (1956). "پيونەر" جۋرنالىندا (1959-70) جۇمىس ىستەدى. "بالدىرعان" جۋرنالىنىڭ جاۋاپتى حاتشىسى (1970-1973) بولدى. 1973 جىلدان "جازۋشى" باسپاسى جانىنداعى بالالار جانە جاستار ادەبيەتىنىڭ باس رەداكسياسى مەن "جالىن" الماناعىنىڭ باس رەداكتورى ت. مولداعالييەۆتىڭ تۇڭعىش ولەڭى "ۋكراينا قىزىنا" 1954 جىلى جاريالاندى. العاشقى ولەڭدەر جيناعى "ستۋدەنت داپتەرى" 1957 جىلى جارىق كوردى. ت. مولداعالييەۆ نازىك سىرلى، ويلى دا وتتى جىرلارمەن تانىلدى. "كاميلا" (1960). "كوكتەم تاڭى" (1961)، "الاتاۋ قىزى" (1963)، "فەريۋزا تۋرالى جىر" (1964)، "زۋلايدى كۇندەر" (1965)، "جۇرەگىم مەنىڭ ساپاردا" (1966) ت. ب. جيناقتارى شىقتى. 1967 جىلى جارىق كورگەن "جاڭا داپتەر" اتتى كىتابى ءۇشىن قازاقستان كومسومولى سىيلىعىنىڭ لاۋرەاتى اتاندى (1968). "ەسكەرتكىش" (1969)، "شاقىرادى جاز مەنى" (1970)، "جۇرەك وياۋ قاشاندا" (1972) اتتى كىتاپتارى دا وقۋشىلاردىڭ ءىلتيپاتىنا بولەندى. ونىڭ "قوش، كوكتەم" اتتى تاڭدامالى ولەڭدەر كىتابى (1971)، "حاتتار" اتتى پوەمالار جيناعى (1974) جارىق كوردى. ت. مولداعالييەۆتىڭ ورىس تىلىندە "يا — سىن سەميرەچيا" (1962)، "پەرۆايا ۆسترەچا" (1968)، "نوۆايا تەتراد" (1969) اتتى ولەڭدەر جيناقتارى شىقتى. ت. مولداعالييەۆ كوپتەگەن ءان ماتىندەرىن جازدى. ونىڭ "قۇستار قايتىپ بارادى" (مۋزىكاسى ن.تىلەندييەۆتىكى)، "باقىت قۇشاعىندا"، "ءانىم سەن ەدىڭ" (مۋزىكاسى ش. قالداياكوۆتىكى)، "ەرتىس ءۆالسى" (مۋزىكاسى جاماقايەۆتىكى)، "شاقىرادى كوكتەم" (مۋز. ءا.بەيسەۋوۆتىكى) اتتى انگە جازىلعان ولەڭدەرى حالىق اراسىنا كەڭ تاراعان. ول د.گ. بايرون، م.يۋ. لەرمونتوۆ، ت.گ.شيەۆچەنكو، تۋمانيان، س. كانۋتيكيان، ع. عۇلام، ح. عۇلام، ر. عامزاتوۆ، ۇيعىن، زۋلفيا، د. جالسارايەۆ جانە ت.ب. اقىنداردىڭ شىعارمالارىن قازاق تىلىنە اۋداردى.

---